I bin auße ausn Bett, bin auße aus da Tia
Hob ned pockt, wos i do siech
De Catapilla habn ois niedagmocht
Ois wos zöht hod fia mi
Hob no ned gwußt, daß an des öfta gschiacht

Im Urwoid wochsn heite Häusa
Wer damois kauft hod, is heit Kaisa
Und en Wossa hams es Wüde obegramt
Es rinnt unta da Erd, wos niemand steat
Mi hams valegt in an Urwoid, wo nua wea
Ned auffoit uandlich durchhoit
Es woan ned vü de gsogt ham:
"Oba ned mit mia!"
I hob boid gwußt, do bin i falsch
Hob meine Zeignis gnumma und vabrennt
"Ka Hirn", hams gsogt, "ka Funkn Vastaund!"
Oba i renn liaba geng vasperrte Tian
Ois i steh do mitn Ruckn an da Wand
Mia woan fria Freind, und wia sans heit beinaund?

Se ham a paar offene Tian eigrennt
Hom se rosch ins Aufgebn eigwöhnt
Hom nix mea wirklich woin
Fia des se des Suachn lohnt
Jetzt hams Schulden und de Firma
In 15 Joa fressens de Wiama
Und kurz vuam Schlagl spia ma:
"Des is gwesn? Des woa ois?"
Mia woa kloa: des pockst ka Joa
Des is ned dei Revier
Ned fia vü Göd auf da Wöd

Vua ana Ewichkeit, i waaß ois waas heit
Hams wos im Radio dazöht:
Es woa de Gschicht von ana aundan, neichn Wöd
Von an Land mit 1000 Liada
Durt san olle Schwestan und Briada
Do wochst de Liebe bis in Himmel
Olle san Chefs oda a Star
Heit pfeift da Eiswind um de Eckn
Es letzte Wuat ham de größtn Deppn
Und im Hotel "Zum müden Wanderer"
Hängan de Freind von fria in da Fettn an da Bar
Oba i kehr do ned ei
I hob wos Bessas vua
Weu des kost nua Zeit und i hobs no weit
Erst wann da letzte Catapilla tot am Bugl liegt
Wia a Sauria in da Sunn
Dann waaß i, es woa de Wegzeit wert
Und es woa ned umsunst

I mecht' so gern land'n, der legendäre Hit von Maria Bill mit Kurt Ostbahn am Gesangsmikro, stammt von einer Aufnahme für die Serie "Austro-Karaoke", die in der Ö3 Sendung "Das rot-weiß-rote Radio" 1992 lief.

Besetzung: Karaoke: Kurt Ostbahn

---

Grad vuahin no do hamma bledlt und glocht
Ham in Kaffee mit Wein g'streckt
Des woa a Fest wia's niemand plant
Mia hod sogoa a woama Hansl g'schmeckt
Grod vuahin no do host von dia dazöht
Mia hod's di Uan aufg'stöht
Und ollas woa so unbeschweat
I hob vua Übermuat glei olle Glasln gleat

Vurhin no hob des ned g'spiat
Hob glaubt i kennt de Wöd leicht kriagn
Jetzt spuckt do irgendwos Großes um mi
Und i bin mittendrin a winzige Fliagn

I mecht' so gern land'n
Mecht in deina Nähe bleibm
Dauernd flieg i mitn Kopf
An deine Scheibm
I mecht' so gean land'n
Mecht in deina Nähe bleibm
Dauernd flieg i mitn Kopf
An deine Scheibm

Host du a Ahnung, siacht ma mia aun
Wos mi do übaschwemmt?
Du woast fia mi wia i fia di
Bis vurhin no a relatives Hemd
Es is nimma so wias grod vuahin grod woa
I mecht i wa no unbeschweat
Oba du host mei Innerstes pockt
Und ganz noch außen keat

Vurhin no hob des ned g'spiat
Hob glaubt i kennt di Wöd leicht kriagn
Jetzt spuckt do irgendwos Großes um mi
Und i bin mittendrin a winzige Fliagn

I mecht' so gern land'n
Mecht in deina Nähe bleibm
Dauernd flieg i mitn Kopf
An deine Scheibm
I mecht' so gern land'n
Mecht in deina Nähe bleibm
Dauernd flieg i mitn Kopf
An deine Scheibm

Jetzt paß auf wos i da sog
Daß i mit mein Gfüh ned dei Fensta eischlog

Grod vuahin no do hamma bledlt und glocht
Wie wirds waunn i di wiedasiach?
Wos wea i sogn? Des Gfüh wiad mia de Red vaschlogn
Wia an klanan Viech

Vurhin no hob des ned g'spiat
Hob glaubt i kennt di Wöd leicht kriagn
Jetzt spuckt do irgendwos Großes um mi
Und i bin mittendrin a winzige Fliagn

I mecht' so gern land'n
Mecht in deina Nähe bleibm
Dauernd flieg i mitn Kopf
An deine Scheibm
I mecht' so gern land'n
Mecht in deina Nähe bleibm
Dauernd flieg i mitn Kopf
An deine Scheibm

I mecht' so gern land'n
Mecht in deina Nähe bleibm
Dauernd flieg i mitn Schädl
An deine Scheibm

I mecht' so gern land'n
Mecht in deina Nähe bleibm
Dauernd tusch i mit da Birn
An deine Scheibm


 

---

3 WOCHN ZLANG         (MP3 - 748 KB)
(M: J. Havlicek/T: O. Kurti)

---

Die beiden nächsten Nummern ("3 Wochn zlang" & "I schwör auf 1 PS") stammen vom legendären, längst verschollen geglaubten, ersten Ostbahn Album "Antifrost Boogie". Aufgenommen im Dezember 1975 im Anlagenverleih von Andi Zech, ebendort wurde auch das Schmalband mit der Aufnahmesession zu "Antifrost Boogie" bei einer Entrümplung auch entdeckt.
Eine echte Sensation!!

Besetzung: Chefpartie: Ostbahn-Kurti (voc/harm), Josef Havlicek (guit/voc), M. Adretti (piano/organ), Andi Zech (slide guitar), Rudi Stolz (bass), Theo Tatic (dr)

---

Da Chef sogt i moch nix ois Föla
I hob kan Eifa & zwa linke Händ
Da Chef sogt i moch nix ois Föla
Er sogt, i hätt kan Eifa & zwa linke Händ
Er sogt i soll mi putzn
Weu so a Weh wie mi hot a no net kennt

Er sogt Du woasd bei mir 3 Wochn
Des is genau 3 Wochn zlang
Des is 3 Wochn zlang

Da Hausherr sogt es woa a Föla
Daß er mir hat so blind vatraut
Er sogt i bin gekündigt
Weu er des Loch fia solide Menschn braucht

Er sogt se lebm do seit 3 Wochn Des is 3 Wochn zlang
Des is genau 3 Wochn zlang

I woa bei eich 3 Wochn
Des woa eich 3 Wochn zlang
I woa bei eich 3 Wochn
Des woa eich 3 Wochn zlang
Huachst i moch eich jetzt an Vuaschlog
Leckts mi am Oasch und zwoa kreuzweiß
Wanns wollts 6 Wochn lang

 

---

I SCHWÖR AUF 1 PS         (MP3 - 1,24 MB)
(M: J. Havlicek/T: O. Kurti)

Besetzung: Chefpartie: O. Kurti, J. Havlicek, M. Adretti, A. Zech, R. Stolz, Th. Tatic

---

Gestan woa i reitn
Mei neiches Pony haßt Marie
Zerscht woas a biß1 bockig
Oba noch dann is grennt wia gschmiert

Mia san grittn ohne Sattl
Fell auf Fell ganz ohne nix
Schee brav im Schritt daun imma schnölla
Bergauf bergo mit olle Tricks

So a Pony is wos feines
Es gibt nix bessas gengan Streß
I schwör auf 1 PS

Heit geh i wieda reitn
Kumm zu mein Pony da Marie
Mants wos du kannst kann i lang scho
Tua wos i sog heit reit i

So a Pony is wos feines
Es gibt nix bessas gengan Streß
Sie schwört auf 1 PS

 

---

MANXMOI         (MP3 - 1,52 MB)
(M: Alex Horstmann/T: G. Brödl)

---

Ebenso wie "Sowos wia mia" ein Outtake aus den Aufnahmen zu "50 verschenkte Jahre".

Besetzung: Kombo: Kurt Ostbahn, Roland Guggenbichler, Alex Horstmann, Karl Ritter, Erich Buchebner, Klaus Trabitsch
(+ Silvio Berger: drums)

---

Manxmoi do geht nix mea weida
Manxmoi warat de Gruabn gscheida
Manxmoi stehst afoch endlos au
Manxmoi

Manxmoi do wüst zu vü wissn
Manxmoi quöt di dei eigans Gwissn
Manxmoi stehst afoch endlos au
Manxmoi

Jo und, manxmoi woa des echt dei Föhla

Spü des Gspü ned weida
Werd schee langsam gscheida
Oba leb dei Leibn
So langst no kaunnst
Leb dei Lebn

Manxmoi mochst auf großn Leida
Manxmoi bist sowos von gscheida
Manxmoi stehst afoch endlos au
Manxmoi

Manxmoi do haaßts Große Liebe
Manxmoi sans dann do nua de Triebe
Manxmoi stehst afoch endlos au
Manxmoi

Jo, manxmoi wüst de nua no hinlegn

Spü des Gspü ned weida
Werd schee langsam gscheida
Oba leb dei Lebn
So langst no kaunnst
Leb dei Lebn

 

---

WIA WOA DES GESTAN NOCHT?         (MP3 - 997 KB)
(M&T: Jim Glaser/Paul Gouvin/Cathie Pelletier/dt.T: O. Kurti)

---

Diese Aufnahme des Tex-Mex Schlagers "Wia woa des gestan Nocht?" stammt vom Open-Air Konzert am am Ostbahn 11 Platz.
Auch damals wurden bei dieser Nummer die Instrumente getauscht: Lilli Marschall gab die Gitarre ab und sang; der Kurtl übernahm von Charly Horak das Baßruder und intonierte die zweite Stimme; Horak wiederum spielte die Orgel und ließ den Señor Adretti die Ziehharmonika betätigen; Prinz Karasek erfüllte sich einen Kindheitstraum und spielte Schlagzeug; Edi Jedelsky schrummte dafür die Akustikgitarre. Wirklich sehr ordentlich.

Besetzung: Chefpartie: Ostbahn-Kurti (bass/voc), Horak (piano/organ), Marschall (lead voc), Karasek (dr), Adretti (ziehharmonika), Jedelsky (wandergit.)

---

Wia woa des gestan Nocht
Sog an wen host do docht
Ehrlich
An an Karl, an an Prinz
Oder wen, den i ned kenn
Du host a Lochn ghobt
Und du host Sochn gmocht
Gfährlich
Jetzt hob i den Vadocht
Do hob ned i di drauf brocht

Wia woa des gestan Nocht
Du host den Anfang gmocht
Waaßt no?
Es woa eascht Ruah in da Fruah
Do woas draußn scho hell
Host imma weidagmocht
Nimma ans Aufhean docht
Waaßt no?
Jetzt hob i den Vadocht
Du host an an ganz andern docht

Wia woa des gestan Nocht
Sog an wen host do docht
Ehrlich
An an Karl, an an Prinz
Oder wen, den i ned kenn
Du host a Lochn ghobt
Und du host Sochn gmocht
Gfährlich
Jetzt hob i den Vadocht
Do hob ned i di drauf brocht

Wia woa des gestan Nocht
Host an an andern docht
Sog mas
Wia schaut a aus
So wia i oder wia ausn Füm
Mi hod de letzte Nocht
Auf a poa Sochn brocht
I sog das
So homma docht
Daß ma heite glei do weidamocht
Daß ma heit Nocht glei so weidamocht
Wia letzte Nocht

 

---

NACHBARN         (MP3 - 1,43 MB)
(M: Büne Huber/T: Willi Resetarits)

---

Eine Zusammenarbeit mit dem Schweizer Büne Huber (Mastermind der Band "Patent Ochsner").
Gute Nachbarschaft eben!

Besetzung: Kurt Ostbahn (voc, harm), Büne Huber (voc, wandergit.), R. Guggenbichler (piano), K. Trabitsch (wandergit., voc), Ricky Gold (bass), Laurinho Banderia (perc)

---

Wir kennan uns jetzt seit, i waaß net, wiavü Joa
Sog'n "Grüß Gott" am Gang
Wünschen uns Prosit Neujahr

Wann mi wer frogat
I waaß ned, kenntat do nix schlechtes sogn
Na, da kann nix sei
Diskrekt und ruhig, dezent und rein
So soll a Nachbar sein

Wir kennan uns seit, i waaß net, wiavü Joa
Wir brauchen nix von einand
So kummt ma sie a ned in'd Hoar

Wannst mi jetzt frogast
I waaß ned, i hob eam scho ganz lang nimma gsegn
Wos was ma, is eam wos gschegn
Diskret beim Sterben, ned laut, sehr fein
So sullt der Nachbar sein

 

---

CAORLE         (MP3 - 1,06 MB)
(M: M. Adretti/J. Havlicek/T: O. Kurti)

---

Hier handelt es sich um die B-Seite der Single "Feia" - abgenommen von der Vinylplatte, weil das Band nicht mehr auffindbar war.
Live Track von der Tournee im süddeutschen Raum aus dem Jahr 1977, erstmals mit einem Bläsersatz.

Besetzung: Chefpartie: Ostbahn-Kurti (voc), Josef Havlicek (guit), M. Adretti (piano/organ), Rudi Stolz (bass), Theo Tatic (dr), Claus Leiner (sax), Dirk Schuhmacher (sax), Alex Böhler (trumpet)

---

Dei Bia zahl da söba
Meine Spee rauch i allan
De fünf Fleck schnorr von wem andern
Weu bei mir beißt auf Stan
Sog zu mia ja nimma "Oida"
Weu von mia host in Hahn
Auf solche Hawara scheiß i
Suach da a andere Frau

Weu braten kannst im Summa in Caorle
Bei meina Oidn bratst du ned
I sog "Braten kannst im Summa in Caorle"
Bitte wod o, reiß o, ziag o
Weu sunst is z'spät

Wann i in Saft geh
Dann kann i fia nix garantiern
Heast, i reiß da in Oasch auf
Renn da a rostigs Guakerl ins Hirn

I drah da die Uarn auf 5 noch 9e
Da vageht da dei gsöchta Schmäh
Da grinst nimma wia a Auto
Da mochst in Pelz - sogst "Adieu"

Weu braten kannst im Summa in Caorle
Bei meina Oidn bratst du ned
I sog "Braten kannst im Summa in Caorle"
Bitte wod o, schleich di, hau di üba d'Häusa

I sag da "Braten kannst im Summa in Caorle"
Bei meina Oidn bratst du ned
Braten kannst im Summa in Caorle
Bitte wod o, reiß o, ziag o
Weu sunst is z'spät

 

---

DA QUÖLA         (MP3 - 1,33 MB)
(M&T: Loudon Wainwright III/dt.T: O. Kurti)

---

"Da Quöla" erschien 1994 als CD-Single Bonus Track von "Erschte Klass" und wurde bei den Aufnahmesessions im Oktober 93 zu "Saft & Kraft" beim Soundcheck im BA-Zelt aufgenommen.

Besetzung: Chefpartie: Ostbahn-Kurti, Karl Horak, Lilli Marschall, Leopold ”Prinz” Karasek, Mario Adretti, Eduard Jedelsky

---

Da Quöla quöt, wannst du es erste Liad anreißt
Sei größte Freid is, wannst die Nummer schmeißt
Ea applaudiert, wann wem a Saten reißt
Des is a Heckel und da Quöla gfreit se

Vielleicht is er im Öl, vielleicht is er a nua stoned
I glaub des Quön, des is sei Profession
Ea is afoch a Profi im Owetrogn
So quön kann ned a jeda!

Ea föht in kana Stodt, bei kana Show
Kaum geht des Saallicht aus, do heast eam scho
I glaub, privat is er jo ned aso
Owa in da Hockn, do kann ea di heckeln, ea kann di quön

Wannst eam dann siechst, dann pockstas ned
Wira in da Gadrob so vua dia steht
Si brav entschudigt und brav wieder geht
Mister Hyde und Doctor Jekyll - a botzn Heckel

Da Quöla quöt, wannst du a Liad aureißt
Ea woat nua drauf, daß du de Nummer schmeißt
Ea hot nur a Zü: daß du do drobn a Pretzn reißt
Ea is da Quöla - und des is sei Föhla!

 

---

ALT & JUNG         (MP3 - 663 KB)
(M&T: Bob Dylan/dt.T: Ambros/Leist)

---

Die österreichischen "Traveling Willburys" (Ambros, Steinbäcker, Ostbahn, Danzer) haben 1994 diesen, ins Deutsche übertragenen, Dylan Klassiker auf Band gebannt.

Besetzung: Ambros, Steinbäcker, Ostbahn, Danzer (alle voc), Musiker: N°1 vom Wienerwald

---

A Jeder glaubt von Zeit zu Zeit
Es rennt eam was davon
Wass net, dass si in Wirklichkeit
Nur wenig wirklich lohnt

Guat drauf sein muasst a ohne G´walt
Net immer nur am Sprung
Dafür war i früher z´alt
Und heut bin i zu jung

Alles was dir no net g´hört
Und des is ziemlich vü
Hat vielleicht kan echten Wert
Wer was scho was er wü

Ma soll des Lebn net erpressen
Nur weil ma´s net versteht
Wanns du alt bist, hast es scho vergessn
Wanns'd jung bist, wasst es net

Jeden Tag passiert so vü
Wos du net ganz vastehst
Und du hast vielleicht des G´fühl
Dass'd in die falsche Richtung gehst

Brauchst ka Angst habn, brauchst net rean
Brauchst net ois versteh
Wann du alt bist, wird´s di nimma stean
Wanns'd jung bist, tut´s nua weh

Glaub net dass du was bsonders bist
Dann wirst´d was bsonders sein
Glaub net afoch jeden Mist
Den's heite ausseschrein

Lass net zua dass irgendwer
Über di bestimmt
Wann du alt bist, is des nimmer schwer
Wanns'd jung bist, lernst as gschwind

Du glaubst, du hast es in da Hand
Kann sei, das des net stimmt
Glaubn is wie Wüstensand
Der in der Hand zerrinnt

Glaubn reicht net, du muasst wissn
Wissen, wer du bist
Dann, dann kannst dei Lebn geniessn
Egal, wie alt du bist
Egal, wie alt du bist

 

---

ROTZ & WOSSA        (MP3 - 806 KB)
(M&T: Elmore James/dt.T: O.Kurti)

---

Legendäre Outtake Aufnahme von den Sessions zu "Liagn & Lochn" aus dem 89er Jahr.

Besetzung: Chefpartie: Ostbahn-Kurti, Karl Horak, Leopold ”Prinz” Karasek, Mario Adretti, Eduard Jedelsky

---

Rotz und Wossa
Da Himmel want Rotz und Wossa ohne End
Rotz und Wossa
Da Himmel want Rotz und Wossa ohne End
I schau auße ausn Fensta
Und schau zua wias nua no regnt

Kalt und finsta
Heit is ned hell wuan in da Frua
Kalt und finsta
Heit is ned hell wuan in da Frua
Des Wetta is ned schuid dran
In mir drin is heit wos gsturm

Die Sunn kennt brennan
I täts ned segn und täts ned gspian
Die Sunn kennt brennan
I täts ned segn und täts ned gspian
Mia steht des Wossa in die Augn
Weil i wollt di nie valiern

 

---

DA POLIFKA RUDL & DA ENGL MITN DRECKIGN GSICHT + FISCHSTÄBCHEN         (MP3 - 948 KB)
(T: G.Brödl/W.Resetarits)

---

Zu guter Letzt noch ein besonderes Gustostückerl und eine Hommage an "Trainer" Günter Brödl, der am 10. Oktober 2000 zum Jesus gegangen ist. Anhand dieser Aufnahme vom 17.10.1999 aus dem Grazer Theatro haben wir Gelegenheit, Günters Stimme zu hören – bei einem der Leseabende mit Musik, wo er seinerzeit mit dem Kurtl und Unterstützung der Kleinkombo aus seinen Krimis und dem Textband Ostbahn Auslese vortrug. Vor lauter Lachen geht sich da nicht einmal eine Schweigeminute aus – aber das wäre dem Trainer eh lieber gewesen.

---

Da Polifka Rudl & da Engl mitn dreckign Gsicht

I lahn mitn oidn Herrn Walker auf an Plausch an da Bar
Do mochts an Poscha, an Tuscha, es gibt a muads Gschraa
Es is da Polifka-Rudl, und er kummt durch d'zuagmochte Tia
Im Retourgang durchs Müchglos und schleift se ei nebn en oidn Herrn Walker und mia

Da Polifka-Rudl is normal sanft wia ein Lamm
A stiller Witwer und Zecher, so dia wia mei Dam
Ea woa im Handl-Kino guade 20 Joa Billetea
Jetzt wechselt er Zehna in da Peep-Show
Ois Zuabrot zur Rentn und er heat a scho schwer

"Rudl heast" plärr i "Wos isn gschehn?"
"Frog mi ned" keichta "I hob sowas no ned gsehn"
Und schewat wia a Kluppnsackl und sogt:
"Mia gehts anan Krogn"
"Ahwos Bledsinn" sog i "jetzt red scho"
"Na, huach" wiada ganz leise "oba ned weitersogn, bittich..."

Kumm heit aus da Hockn eh wieder z´spod ... hob no gwart auf die Rikki weus heit Spätschicht hod ... A fesche Gredl de Rikki ... kennstas eh ... Oba kennst ihr neichaste Numma? Na? Wödspitze sog i ... Spitznschmäh ... Raukt zwa Tschik auf amoi ... des miaßast sehn. Wias mitn Mund raukt und unt raukt ... oiso i bin echt glegn ... dabei hob i di Numma man i scho fufzig Moi gsegn ... Gö oba ned weidasogn des bleibt unta uns ... Waaßt eh wiad Leit redn speziö üba uns ... No, wia i wegakumm is 7e ... natialich scho ois wieda zua ... dabei woit i no zum Billa ... Faschierts fia muagn ... Wos hama muagn? Freidog? Wuascht ...

Hier folgt die genaue Erläuterung, warum man die Fischstäbchen nicht unterschätzen soll, aber das muß hier ein Geheimnis bleiben, denn sonst gibt's ja praktisch fast keinen Anreiz mehr sich die CD zu kaufen! :-)

Wosi sogn wollt: Ahjo i tummel mi ham wegn da Zeit im Büüd, siech i an Wogn, der wos ma folgt ohne a Nummernschüd ... A so a Gefährt, a richtige Limousin ... I schau und i schau .. Nau und wer glaubst sitzt drin? ... Nau rot. Auf des kummst ned. I hob glaubt i spinn ... Da James Cagney ... Und des mitten in Wien ... Des woara, des schwea, heast, bei den kenn i mi aus ... Mein Cagney den kenn i, do loß i kan aus ... Chicago ... Kennst? Spitznfüm ... hundert Moi gsehn ... Angels with dirty faces ... 20 Moi im Original ... Waaßt wegen an Cagney sein Reden ... Er woa ka Guada da Cagney, des siechst eam a glei au ... Oba waunna so gredt hod auf ameriganisch, uh, do scheißt di au ... Wo woa ma grod? Ahjo, i hob so gschaut, kummt ana von hint, dea wos ma voi ane am Bugl haut ... i foa umadum ... is des der Flurschütz-Tone ... wiast ned kenna ... dea woa vuam Kriag a so a Spuatkanone ... Ea dazöt ma ea hod jetzt an Platz in den Heim in da Ölweingassn ... waaßt eh üba sein Buam weu dea is a hechas Viech bei de Genossn ... Na, da Tone redt und redt ... ea is a bißl a Lamentiera ... endlich bring i eam au, geh die Dings-Gassn vira ... is do wieda de Limousin ... schwoaz wia de Nocht ... mitn Cagney drin ... I siech wiara locht ...sei gfährlichs Lochn ... Jetzt steigta aus ... Wos soll i mochn? ... Do is de Puffn untan Sackl ... so a Kaliba ... Waasst eh, waunnst amoi an brauchst, waunnst amoi an brauchst, weit und breit ka Kibara ... No, i hea eam wos sogn auf ameriganisch ... do schmeiss i de Nervn weg und renn wia panisch ... I renn und ea rennt ... Jo und daunn bin i gfoin ... Oba nix weidasogn bittich tua ma den Gfalln..."

I denk ma den Rest von sein Schwaunk, den solla en oidn Walker dazöhn
Bei dem is er guad aufghobn, i werd daweu gehn
I sog no: "Ois 1/2 so wüd Rudl", bin scho draußt bei da Tia
Do siech i de muads Limousin und a schwarzweißa Cagney baut se auf vua mia

Ea sogt: "Des bleibt unta uns und jetzt geh schee brav ham
Denk da ned z´vü, denk da des is ois nua a Tram"
Oba i denk anan Polifka-Rudl, do steßt ea mi weg von da Tia
Und sogt: "Es is no a oide Rechnung offen zwischn dem Rudl und mia."