TANKSTÖ      (M: W. Resetarits • T: G. Brödl) Zhaus is a Tankstö Zhaus is a Remis Nix wo i bleibn wollt auf ewig I glaub, so an Plotz den find i nie Zhaus hob i mei Bettbank Zhaus hob i mei Bier im Eis Oba so noch 2, 3 Tog muass i Gas gebn Dann bin i ganz schnö wieda dahin Sollt mi wer frogn Heast wo gheastn hin I tat sogn I ghea hin wos mi hintrogt Weu durt wo i zhaus bin Bin i ned daham Na, wo i zhaus bin Bin i ned daham Wo i zhaus bin Bin i ned daham I WAAS GNUA (M: K. Trabitsch • T: G. Brödl) Sovü Leit san so sovü gscheit, sie wissn ois bessa Sovü Leit san so sovü gscheit, san in ollas Dokta und Professa Sovü Leit san sovü weit, do passiert im Hirn ka Föhla Sovü Leit san sovü weit, nua durt wos Herz schlogt rennt a Zöhla I waaß ned wos muagn is I waaß ned wos tuan, dass ma ganz weit vuan is Oba I waaß gnua, dass i waaß wos i wü I waaß gnua, dass i waaß wos i füh I waaß gnua, dass i waaß wos i brauch Und i brauch di I brauch di Sovü Leit san sovü gscheit, und nix wird deswegn bessa Sovü Leit san sovü gscheit und liegn mit 40 Jahr untan Messa Sovü Leit san sovü weit, sie ham a jedes Rennen gwunna Sovü Leit san sovü gscheit, oba kennan se söba nix vagunna I waaß ned wos muagn is I waaß ned wos tuan, dass ma ganz weit vuan is I waaß gnua, dass i waaß wos i wü Und I waaß gnua, dass i waaß wos i füh Und I waaß gnua, dass i waaß wos i brauch Und i brauch di I brauch di I waaß gnua, dass i waaß wos i wü I waaß gnua, dass i waaß wos i füh I waaß gnua, dass i waaß wos i brauch Und i brauch di I brauch di I brauch di I brauch di.... heee, die Kombo, hehehe Mia hom do a supa neiches Liad, des an jedn vuakummt ois tät'as scho seit 30 Joa kenna. Oiso wann a überhaupt scho 30 Joa oid is, wia oid ma hoid is. Supa zum Mitsingan, a wenn ma's es erste moi heat. Und vorallm a bißl a Bewegung zum mochn, die Bewegung bitte, ah, haast des vertikal oder horizontal? Oiso wann ma nua in de Heh hupft und ned seitlich umma, dass ma kan Dominoeffekt do zsammkriagn. Des Liad is gleichzeitig traurig - und a ned; es is schnö & langsam; do kau ma waana dabei, oiso der waant, der wos in den Liad des singt. Und es is a Heimatliad fia Ottakring - oiso - ah, san do eh a poa? Sads es Ottakringer, oder Ottakringer-Trinker? Also ned Alkoholiker aus Ottakring, sondern de wos des 16er Blech oftmals heanehmen, wir wissen's ned. Okay, oiso jetzat, anfangen tuat's traurig, jetzt ned lochn: CARMELITA      (M: H. Pirron/W. Resetarits • T: G. Brödl) I sitz do im Herz von Ottakring Hea Radio und rea Sie spün grod unsa Liad Oba du heast as nimma mea Wann i jetzt auf de Stroßn geh Hams alle Herzln in de Augn Freitog aufd Nocht, a jeda locht Kennt so vü Glück jetzt ned vertrogn Carmelita schau wia i zitta Ohne di geh i vua d'Hund Host gsogt wannst kummst dann bleibst bei mia Und bist ganga ohne Grund Carmelita schau wia i zitta Ohne di geh i vua d'Hund Host gsogt wannst kummst dann bleibst bei mia Und bist ganga ohne Grund Karli I sitz do in Ottakring Und du am andern End da Wöd Du bist wost hinwolltst Und bleibst do ois wos fia mi zöht Carmelita schau wia i zitta Ohne di geh i vua d'Hund Host gsogt wannst kummst dann bleibst bei mia Und bist ganga ohne Grund Carmelita schau wia i zitta Ohne di geh i vua d'Hund Host gsogt wannst kummst dann bleibst bei mia Und bist ganga ohne Grund Carmelita schau wia, schau wia, schau wia i zitta I sitz do im Herz von Ottakring Hea Radio und rea Sie spün grod unsa Liad Oba du heast as nimma mea Wir wechsln vom 16ten in 15ten, Sechshauserstrossn, Reindorfgossn, wea de Gegend kennt, bei da Reindorfkirchn, Ölweingossn, do is dieses Pensionistenheim, do wohnt ea, Flürschütz Toni haast ea, ea woa jo fuan Kriag, woa ea a Wödklasseschwimmer, dann nochher nimma, er is a bißl a Lamentira, oba is wuascht, sunst okay. Und den hob i durt in den an Lokal troffn, und dann gent des Liad no über de ane Wirtin von den Gasthaus, ah, wo mia nie hingengan, weu er da Wirt jo so a Oaschloch is. Oba da Wirt is jo jetzt imma öfter auch auf Erholung, wegn a poa Sochn, oiso wenn ma sogt: jo er is auf Erholung...ah, und do is dann a botzn Hetz, do samma wenn ma erfahrn da Oasch is auf Erholung, samma scho olle durt, do is dann a botzn Hetz: drei - vier DIE BESTE ZEIT      (M: W. Resetarits • T: G. Brödl) Da Oide is neich do. No nie vuahea gsehn. Hockt in Eck mit sein Achtl, fangt nach drei an ins Redn. Ned laut und ned deutlich, des geht schwa ohne Zähnt. Er mermpelt dahea, dass do de Zeit zu schnö varennt. I kumm öftas vuabei am Weg Schank-Heisl und retour. Er hod sei sechstes Achtl und sogt: "Vastehst, bleda Bua?" Sog i. "I vasteh ollas." Sogt er: "Du vastehst an Schas. I woa da Schnellste von olle. I woa amoi a Jas. Europamasta. Auf Rücken und Brust. Auf 200 Meta olle vaputzt. Olle vablosn, bis 38. Dann einzogn, furtgschickt schnölla oistas kneißt. A Loch in da Lungen seit guade 60 Joa. A Joa lang a Jas und da Rest fia de Hoa. Nix schwimmt so schnö wia de eigenen Fö. So schnö kannst goaned sei, is a scho vuabei. Nix schwimmt so schnö wia de eigenen Fö. Schau mi an, schau mi an, schau mi an. Schau mi an, schau mi an!" Vom Wirtn de Oide mant: "Sog Miss Dorothee." Wann ihr Oida auf Kur is, hods ihrn grimmigen Schmäh. Dann kriegts a Farb von de Stamperln, auf des de Stammgäst vazaht. Und dazöht wia sie woa, bevuas oid woa und blad. Zwischen Popcorn und Schnitten a Büd an da Wand. Sie im Bikin am Podestl am Strand. Miss Wörthersee. A Bonbonniere. A Strumpfreklam. Gratis am Meer. Dort wochst er zuwe, mocht auf Wöd. Sie schenkt eam ollas. Er wü nua as Göd. Jetzt sixt as hackeln, seit guade 30 Joa. Eam sixt ihr zuaschaun. Und des sixt ihr an. "Nix rennt so schnö wia dei beste Zeit. So schee kannst goaned sei, is a scho vuabei. Nix rennt so schnö wia dei beste Zeit. Schau mi an, schau mi an. Schau, schau... Schau mi an, schau mi an! Schau mi an. Schau mi an, schau mi an In da söbn Gegend befindet sich auch des ane Gasthaus, wo i do beim Ofnbankl, beim Kachlofn mein Plotz hob, wo sunst niemand sitzen derf. Und damit i durt mei Ruah hob, sog i eich a ned wo des is. Es is nämlich beim Quell-Poldl in da Reindorfgossn nebn da Kirchn. Oba miassts ned olle hinkumman. Jo, da Poldl hätt gern, wenn imma a poa kumman - und so de Menüe essen, dass do nix überbleibt. Oba auf mein Plotz kennts ned sitzen, weu der is imma reserviert, do sitzt niemand, oda hextns i allan, obwohl es is fia 2 a Plotz, oiso es is mea so a Bankerl, weas kennt, es schaut jo noch nix aus, waun ma's ned waaß, dass des so a wichtiger Plotz is tät ma se liaber wo anders hinsetzen. Im Summa is wuascht, oba im Winter is so: links, oiso wann i so sitz, do links san de Kachln, und i hob jo do so a oide Kriegsvaletzung auf dera Schulter und der, de Kachln de strohln jo so positiv, waaßt des strohlt ma do eini auf de Schulter, mia hängt jo des Astl imma scho obe ois wia - und dann aaaahhh herrlich - a so a Kachlofnabstrahl, guad mia kennan do jetzt ned ins Detail gehen liebe Damen und Herren, weu des geht nua bei de kleineren Konzerte, ah, oba i wissat jo vü Sochn, oiso a "gute Ratschläge für die Hausfrauen", wia ma mitn Essig, ohne dass ma de Industrie sponsert, ois reinigen kann und so. Auch wia des guad strahlt, wia ma heizen soll, wia ma lüften soll. A anders moi, jo, ned bes sei, mia miassn jetzt musizieren, jo. Oiso fias Schmähfian is heit ka Zeit, gehts? RESERVIERT 4 2      (M&T: Stegall/Craig • dt.T: G. Brödl) Bin wieda öftas unt beim Wirtn Auf mein Plotz neman Kamin Und huach de Schloga aus da Jukebox Und sinnier so vua mi hin Wann ane kamat und mi frogat Ob bei mia a Plotz frei waa I miaßt sogn I sitz do allaa, und es is reserviert fia zwa Olle Freind de sog ma Oida, vagiß, es is vuabei Obwoi i waaß se manans guat mit mia Waaß a des kann ned sei Und i wü nimma drüba redn Wü so tuan wia wanns wia fria waa Drum sitz i do allaa und es is reserviert fia zwa Loßts mi afoch nua in Friedn Loßts mi afoch nua in Ruah Loßts mi mit dem allaa wos woa A poa Tog no und i siech wieda kloa Loßts mi afoch nua in Friedn Loßts mi afoch nua in Ruah Loßts mi mit dem allaa wos woa A poa Tog no und i siech wieda kloa I wü nimma drüba redn Wü so tuan wia wanns wia fria waa Drum sitz i do allaa und es is reserviert fia zwa Drum sitz i do allaa und es is reserviert fia zwa Des is ois woa! ECHT SUPER (M&T: Billy Falcon • dt. T: G. Brödl) Glühst an mia vuabei in dein Merzedes Benz Vua deina Villa steht a zweita Dass jeda siecht: Uhhh bei dem rennts! De Gattin is beim Tennis De Gschroppn in da Schul Kummst ham, dei Haus is laa Schaust auße aufn dein laan Swimming Pool Schaust durch dei super Fensta Auf dein super Wogn Haust de aufs super Bett Drahst dei super Anlog an Host kan dea wos da zuaheat Drum host scho lang nix mehr zum Sogn Do is wos goaned super grennt Ned super grennt I huck in dera Rostlaubn, an oidn Ford Escort Waaß ned: Is des Fluachn oda es Guad-Zuaredn Dass de Schüssl no imma foat Und du bist da bei mia So nah i kann di gspian Und des wos uns 2 zsammhoit Is dass uns nix & niemand aufhoit San kane super Fensta Is ka super Wogn Des is ka super goanix Des kannst ma glaubn Wann i gspia dass du bei mia bist Und zu dia umaschau beim Foan Dann is des ollas wos i brauch Ka Air-Condition Und ka D-Netz-Telefon Nua uns 2 in dem Boliden Und unsa Liad im Radio Schau ause ausn Fensta Und i loch ma an Ast Wiast du an uns vuabeiziagst Und neidich umagaffst Neidich umagaffst Bei dia is olles super Oba mia ham ois wos ma braucht Bei dia is olles super, super Oba mia ham wos ma braucht Bei dia is olles super Oba mia ham ois wos ma braucht Bei dia is olles super Oba mia ham ois, ois wos ma braucht Bei dia is olles super Oba mia ham ois wos ma braucht Bei dia is olles super Oba mia Ham kane super Fensta Is ka super Wogn Des is ka super goanix Des kannst ma glaubn Wann i gspia dass du bei mia bist Und zu dia umaschau beim Foan Dann is des ollas wos i brauch Ka Air-Condition Und ka D-Netz-Telefon Nua uns 2 in dem Boliden Und unsa Liad im Radio Schau ause ausn Fensta Und i loch ma an Ast Wiast du an uns vuabeiziagst Und neidich umagaffst Sir Charles - Karl Ritter von Stockerau! Watch that man! Jo, des Wüde.... ...mia hom oba auch des ruhige Lied, oda so, wo ma se bei de Damen mehr einschmeicheln a scho zwischenzeitlich entdeckt. Des woa eine Entwicklung über de 20 Joa. Am Anfang hod's jo an Ostbahn-Kurti Witz gebn, der hod ghassn: "Treffen sie zwa Frauen bei an Ostbahn Konzert!" Ah, es woan mea de Buama do, und mia "weeeeuuuuaaa", waaßt eh. Aus de 5 Liter Benzinkanister ham's in Wein trunken, es zwa, weu i kenn eich. Bei eich zwa woa jo da 5 Liter, a da 10 Liter Kanister, tschuldige, woa jo wia angwochsn. Und do homma se jo a entwickelt, heite des 7/10 Gebinde in dunkel gehalten mitn Ostbahn-Wein, frage nicht, do gibts eh no a Überraschung nochher. A, und so hod sie des a entwickelt zum eher gefühlvollen Lied, wos de Damen gern hean, a, weu mia jo draufkumman san: de Typen, de wolln jo des e a hean, nua sie diafns ned zuagebn, waaßt. Miassn dann, de spün des Waana noch innen und sogn: "A geh, loss uns in Ruah mit der Oaschmusik, des intressiert uns ned." Oba hean tan's as scho a gern, waaßt! HOIT MI      (M: W. Resetarits • T: G. Brödl) Manxmoi is so ois steckt de ganze Stadt in ana grauen Uniform Wurscht wem i siech, mit wem i red Jeda schaut aus ois wa a längst scho gsturbn Manxmoi waaß i es miaßt a Wunda gschehn Dass i bleib in dera Stadt Da Himmel hängt voll lauter Liagn De Stroßn san a Massengrob Hoit mi I foi, i foi, i foi Hoit mi I foi, i foi, i foi Hoit mi, hoit mi I waaß i ghea zu dia I waaß i ghea zu dia Und es gibt nix mea, Wos mi umhaut Wann i di nua gspia Damen & Herren, am Flügelhorn: Thomas Gansch! Manxmoi is ois wart auf jedn Eck So a auszahts gspiebans Gfraßt Es schleicht ma noch, i stölls zua Red Es grinst und sogt, dass Buttenhansel haaßt Manxmoi is de Stadt a Haufen Staana Lauter Stana di wos mi daschlogn Wos i a tua, wo i mi a vakräu I werd do no lebendich begrobm Hoit mi I foi, i foi, i foi Hoit mi I foi, i foi, i foi Hoit mi, hoit mi I waaß i ghea zu dia I waaß i ghea zu dia Und es gibt nix mea, Wos mi umhaut Wann i di nua gspia Thomas Hoit mi I foi, i foi, i foi Hoit mi I foi, i foi, i foi Hoit mi, hoit mi I waaß i ghea zu dia I waaß i ghea zu dia Und es gibt nix mea, Wos mi umhaut Wann i di nua gspia Hoit mi I foi, i foi, i foi Hoit mi I foi, i foi, i foi Hoit mi, hoit mi Thomas Gansch: Flügelhorn Laissez les bon temps rouler! TORNADO      (M: R. Guggenbichler/W. Resetarits/K. Ritter • T: G. Brödl) Du fahrst wia a Tornado Wia a Tornado durch mei Lebn Do bleibt ka Staa am andern Na, des hods in mein Leben no ned gebn Du fahrst wia a Tornado Wia a Tornado durch mei Lebn Do bleibt ka Staa am andern Na, des hods in mein Leben no ned gebn I bin bei Gott ka Zniachtl Und i bin scho a wos gwöhnt Mi waht so schnö nix um, waaßt Und i hob imma scho gwußt wos bei mia so rennt I kenn de lauen Lüfterln Und i kenn den Sturm der se bald legt A Nocht lang beutelts de fest durch Oba dann in da Frua is ollas grennt Oba mit dia is des ois anders Do gehts ma noch an Joa Owei no wia am erschten Tog Waaßt wos i da sog: dos, tres Du fahrst wia a Tornado Wia a Tornado durch mei Lebn Do bleibt ka Staa am andern Na, des hods in mein Leben no ned gebn, na Du fahrst wia a Tornado Wia a Tornado durch mei Lebn Do bleibt ka Staa am andern Na, des hods in mein Leben no ned gebn Solo - El Klause, Klaus I bin bei Gott ka Zniachtl Und i hob scho a Weu wos gsehn Oba des wos do mit zwa passiert Gschiecht jetzt mit Windstärke 10 Waaßt mit dia is des ois anders Do gehts ma noch an Joa Owei no wia am erschten Tog Waaßt wos i da sog: dos, tres Du fahrst wia a Tornado Wia a Tornado durch mei Lebn Do bleibt ka Staa am andern Na, des hods in mein Leben no ned gebn Du fahrst wia a Tornado Wia a Tornado durch mei Lebn Do bleibt ka Staa am andern Na, des hods in mein Leben no ned gebn Du fahrst wia a Tornado Wia a Tornado durch mei Lebn Do bleibt ka Staa am andern Na, des hods in mein Leben no ned gebn Du fahrst wia a Tornado Wia a Tornado durch mei Lebn Do bleibt ka Staa am andern Na, des hods in mein Leben no ned gebn Na, des hods in mein Leben no ned gebn Na, des hods in mein Leben no ned gebn OIS WANN NIX GWESN WAA      (E. Buchebner • T: G. Brödl) Mia kennan uns seit i waaß ned wann Ham se a Weu wos gebn mitnaund Mia ham uns eingschenkt bis am Rand Woan mitnaund ganz kurz ganz weit oben, ganz lang allaa mitnaund am Boden Des is jetzt mea ois a Joa hea, Und jetzt is auf amoi ois aso, ois wann nix gwesn waa Gehts da a so wia mia, is des a aso bei dia Dass uns nimma des von damals quöd Gehts da a so wia mia, is des a aso bei dia Dass nua des wos ma uns heite gebn zöht Gehts da a aso wia mia? Mia ham uns zagt, i waaß ned wia vü Joa Wias mitnaund ned guat geh kann Wia Zwaa wia mia se obetrogn Woan mitnaund ganz kurz ganz weit oben, ganz lang allaa mitnaund am Boden Des is jetzt mea ois a Joa hea Und jetzt is auf amoi ois aso, ois wann nix gwesn waa Gehts da a so wia mia, is des a aso bei dia Dass uns nimma des von damals quöd Gehts da a so wia mia, is des a aso bei dia Dass nua des wos ma uns heite gebn zöht Gehts da a so wia mia, is des a aso bei dia Dass uns nimma des von damals quöd Gehts da a so wia mia, is des a aso bei dia Dass nua des wos ma uns heite gebn zöht Gehts da a aso wia mia? am Bass: Ricky Gold, Ricky Gold Ricky Gold am Bass, Ricky Gold Gehts da a so Gehts da a so wia mia Gehts da a so Gehts da a so wia mia Gehts da a so Gehts da a so wia mia Gehts da a so Gehts da a so wia mia I WÜS GARNED WISSN (M: W. Resetarits • T: G. Brödl) I wüs goaned wissn Zumindest ned so genau I waaß mehr ois guad is Wann i da in'd Augn schau I wüs goaned wissn Zumindest ned so genau I waaß mehr ois guad is Wann i da in'd Augn schau Du sogst: Do woa nix und es wird nix sei Und es is ois ned so wiast glaubst Ma derf si do mit wem no guad vasteh Ohne zum frogn, obstas erlaubst Du sogst: Es mocht nix wanns heit späda wird Du host söba vü zum tuan Und wanns heit ned is, dann is a ka Malheur Najo, dann sehn ma se halt muagn I wüs goaned wissn Zumindest ned so genau I waaß mehr ois guad is Wann i da in'd Augn schau I wüs goaned wissn Ned so genau I waaß mehr ois guad is Wann i da in'd Augn schau Klaus, eh, oh, ah, was ist das? Ist die Kitarre traurig? Was will uns die Kitarre sagen? Uje, Oh oh oh oh... Du sogst: Do wa wos, wos i wissn sollt Und do sollt ma drüba redn Es warat olles sehr schwer zum Erklärn Oba i wea des scho vastehn I wüs goaned wissn Zumindest ned so genau I waaß mehr ois guad is Wann i da in'd Augn schau I wüs goaned wissn Ned so genau I waaß mehr ois guad is Wann i da in'd Augn schau I wüs goaned wissn I wüs goaned wissn Zumindest ned so genau Zumindest ned so genau Oh, Oh.. Jalalalalala, Jadadadadada.... I wüs goaned wissn Zumindest ned so genau, wenn's waa. Keine Details! Damen & Herren, ein alter Freund der Familie, Herr Schiffkowitz! Griaß eich! Und a bißl a Musik no, wann's recht is. Jo, natürlich, natürlich, gemmas aun! 57ER CHEVY      (M&T: Seals/Setser/Diamond • dt.T: G. Brödl) Jetzt wos mit uns eng wird Muass i da gschwind no was sogn So wias grod jetzt is Kenntast vo mia ollas habn Nua bevuas z'spät is Und des wos gschehn muass passiert Muass i di warnen Damitst waaßt was da bliaht Damitst waaßt was da bliaht: I foa o auf 57er Chevy I foa o auf laute Gitarrn So wias mi heit hod So hods mi imma I leb mitn Rock and Roll Glaub ma i leb ned allaa Do is jetzt Sperrstund I glaub fia uns wirds langsam Zeit Wannst waaßt wos da einbrockst I wissat an Platz fia uns heit Wegn muagn waaß i nua Wos i allaweu sog sog I werd ka andra mehr Auf meine oidn Tog a Waunsinn, oidn Tog I foa o auf 57er Chevy I foa o auf laute Gitarrn So wias mi heit hod So hods mi imma I leb mitn Rock and Roll Glaub ma i leb ned allaa I brauch kan Glitza, ka Hollywood Wannst des a wüllst wos i wüll Dann hammas guad I foa o auf 57er Chevy I foa o auf laute Gitarrn So wias mi heit hod So hods mi imma I leb mitn Rock and Roll Glaub ma i leb ned allaa I leb - er lebt I leb ned allaa Er lebt Lebt lebt ned allaa I leb - er lebt I leb ned allaa Er lebt Lebt lebt ned allaa 57 ENGELN      (M: E.Buchebner, K.Trabitsch • T: G. Brödl) I hob 57 Engeln De wos schaun auf mi I hob 57 Engeln Es frogts eich wiaso so vü Und i sog: weu 57 Engeln Des kummt bei mia grod hi I maan, de ham echt a Weu wos z´tuan Manxmoi a rund um de Uhr Weu ma schenkt se jo nix im Leben Und is do längst ka junga Bua Se schaun drauf, dass i einschlof Wo i fria no a Nocht anghängt hätt Und se schaun drauf, dass i beizeitn sog Fia mia wird's Zeit, Leit, es is spät De Typn san a Wahnsinn Voi do und voi diskret Du siachst und riachst und heast es ned Und se kumman da a nia irgendwia auf bled I hob 57 Engeln 57 Engeln De wos schaun auf mi de wos schaun auf mi 57 Engeln 57 Engeln Es frogts eich wiaso so vü Und i sog: weu 57 Engeln Des kummt bei mia grod hi Wos sogst du, Schiffi? Se schaun drauf, dass i drauf schau Wos gscheida und gsünda fia mi is: Wos? A volls Konto und a Haus voll foische Freind Oda a Herz wos hingheat mit a poa Narbn und poa Riss Zaaht a Typ amoi obe Ode nimmt se an Tog frei Dann waaß i glei, mia föht heit wos A wann olle sogn, des büüd i ma nua ei De Typn san a Wahnsinn Voi do und voi diskret Du siachst und riachst und heast es ned Und se kumman da a nia irgendwia auf bled I hob 57 Engeln 57 Engeln De wos schaun auf mi de wos schaun auf mi 57 Engeln 57 Engeln Es frogts eich wiaso so vü Und i sog: I hob 57 Engeln De wos schaun auf mi 57 Engeln Es frogts eich wiaso so vü Und i sog: weu 57 Engeln Des kummt bei mia grod hi Do derf kana weniga sei Paßts auf, seids vuasichtig & loßts eich nix gfoin!

KURT OSTBAHN: Mundharmonika, Gesang DIE KOMBO CHRISTIAN EIGNER: der Worldmasta am Schlagzeug ERICH "RICKY GOLD" BUCHEBNER: e-bass, upright bass auf "Hoit mi" & "Tornado" acoustic guitar auf "57 Engeln" ROLAND "EL PROFFESSOR" GUGGENBICHLER: Klavier, Hammondorgel, squeeze-box, Synthesizer ALEX "EL VOCALISTA" HORSTMANN: Gesang, Percussion, Baß auf "57 Engeln" KLAUS "SUNSHINE" TRABITSCH: elektrische & akustische Gitarren, Gesang SIR CHARLES, KARL RITTER VON STOCKERAU: Elektrogitarre, Gesang & THOMAS GANSCH: Flügelhorn auf "Hoit mi" ALEX VLADIGEROFF: Flügelhorn auf "57 Engeln" SCHIFFKOWITZ: Gesang auf "57er Chevy/57 Engeln" Bei den Zugaben spielen CHEFPARTIE & KOMBO gleichzeitig und miteinander! Den Chor verstärken die Kurtlettes BIRGIT DENK & BETTY S.