I schlof ganze sechs Stund durch, tiaf und fest wia a Ratz
Und wia i noch sovü Schlof aufwoch is no ois an sein Plotz
Kana hod ma wos gflaucht und niemand hod mi gstessn:
Dann schau i obe ausn Fensta und muaß sogn: „Tadellos!“
Sensationell wos se da draußt heit so scheibt
Es erschte Moi in dera Wochn, daß ned schifft oda schneibt
Oiso rasier i mi nass, schau mi au, dusch extra no koid
Und find: Dea wos de do anschaut is do no ned so oid
Unt auf da Gassn: A neicha Ton zwischen Passant und Lenka
Wos sunst bei mia vuan Haus brettl und glühn wia de Henka
A beim Bäckn kummt kan a schiachs Wuat aus, ned ums Varreckn
Sogoa da Postla kann griaßn, wia i eam triff vuan an da Eckn
Oiso trink mein Kaffee und zwick dazua zwa Wachauer
Bin drauf sowas von fit, daß i mi fiacht vua meina Power
Oiso moch i zwex Relax an klan Haatscha in Park
Ka Hundsdreck aufn Gehweg, kane Oidn de plärrn
A ka Gschraa von de Kinda, de beim Spün raunen statt rean
Und de Buschn und Bam san so wia i grün, jung und stark
I les in da Zeitung: De Kriag san vuabei und olle ham gwunna
Wüs ned recht glauben, werd ma daham en CNN vagunna
Weu: Wann duat ka Kriag is, dann bitteschön wo?
Oba da CNN übatrogt mangels Krisen nua no Tae-Kwan-Do
Auch de Naturgewalt schweigt: Kein Vulkan, kein Tornado
Da Experte fürchtet auf englisch: So wird uns boid fad do
Amoi schlof i sechs Stund durch, tiaf und fest wia a Ratz
Und wia i noch sovü Schlof aufwoch is no ollas an sein Plotz
Oiso greif i ma mein Griffl und diktia ma mein Traam

oder Warum Ernst S. (38) seine Mutter Elfriede (59) erschoss

HOST RECHT Spü di nua weida deppat
HOST RECHT Moch en neichn Tewich fleckat
HOST RECHT Tanz weida auf meine Nervn
De san eh nua mea zum Werfn HOST RECHT
HOST RECHT Moch im Hort jedn Tog ind Hosn
HOST RECHT Renn wia a blinds Hendl üba d’Strossn
HOST RECHT Vaschluck de Lego-Staana
Oba trau di nocha Rean und Waana HOST RECHT
HOST RECHT Drah de Deppnmusi lauda
HOST RECHT Friß ohne Frogn in frischn Gouda
HOST RECHT Schau olle Mentscha untat Kittln
Spü unta da Tuchent mit dein Schnidl HOST RECHT
HOST RECHT Geh statt in d’Schui hamlich in Proda
HOST RECHT Vasetz en Firmungs-Broda von dein Voda
HOST RECHT Moch weida so auf meine Kostn
Schau de jo ned um um an gscheidn Postn HOST RECHT
HOST RECHT Hau a de näxte Hockn daune
HOST RECHT Renn umadum wia so a Makaroni
HOST RECHT Valia beim Stoss gegn deine Freind, de Krätzn
Loss di fia d’Schuidn haun mit nosse Fetzn HOST RECHT
HOST RECHT Ziag zsamm mit dera nobln Trutschn
HOST RECHT Oba i kumm eich ned Kindahutschn
HOST RECHT Schiab ihra Bagasch ois schee hint eine
Is se zum Hackln z’schod de Madam, de feine HOST RECHT
HOST RECHT Schenk ia no a Gartnhäusl
HOST RECHT Und gib deina Mamsch afoch en Weisl
HOST RECHT Fliagts übas Weekend ruich auf Rom
Des is da Dank fia ois, gö, des is da Lohn Oba so is a MEIN HERR SOHN
Imma scho gwesn Scho von Kleinauf
Kein Dankeschön Kein liebes Wort Imma nua de Hand aufhoidn
Mama i brauch des Mama i wü des Und de Mama is scho grennt
Und wos is da Lohn, bitte? Wos is de Ernte im Alter
Wia ma so sogt...?

I maan, de ham echt a Weu wos z´tuan
Manxmoi a rund um de Uhr
Weu ma schenkt se nix im Leben
Und is do scho längst ka junga Bua
Se schaun drauf, daß i einschlof
Wo i frira no a Nocht anghängt hätt
Und se schaun drauf, daß i beizeitn sog
Fia mia wird’s Zeit, Leit, es is spät
De Typn san a Wahnsinn
Voi do und voi diskret
Du siachst und riachst und heast es ned
Und se kumman da a nia irgendwia auf bled...
Und se schaun drauf, daß i drauf schau
Wos gscheida und gsünda fia mi is:
A volles Konto und a Haus volla foische Freind
Oda a Herz wos hingheat mit a poa Narbn und Riss
Zaaht a Typ amoi obe
Ode nimmt se an Tog frei
Dann waaß i glei, mia föht heit wos
A wann olle sogn, des büüd i ma nua ei
De Typn san a Wahnsinn
Voi do und voi diskret
Du siachst und riachst und heast es ned
Und se kumman da a nia irgendwia auf bled...

Sie steht hinter da Budel
Davua stengans Spalier
Wanns di nua anschaut
Vagißt auf ois, sogoa auf dei Bier
Sie klimpert mit de Wimpern
Sie streicht se durch de Hoa
Sie klappert mit de Absätz
Dia wiad haaß und dia wird kloa


Heut is ganz auf Garbo
Muagn mehr auf Marleen
Sie is pechschwarz und gachblond
Und imma a bißl mehr ois im wirklichn Lebn
Auf ihr Art steht’s auf an jeden
Und huacht an jedn zua
Solang’st gnua Durscht und Göd host
Bist bei ihr a Nocht lang vuan


Und geht’s dann ans Hamgeh
Geht’s imma nua allaa
Sperrstund haaßt Drehschluss
Fian Star in dera Bar

Jetzt lieg i in da Sunn mit dia am Pool / Denk ma: Drei Pina Colada, ollas cool
Da fahrn die Trankln ein ois wia / Dabei wuit i no wos wichtiges redn mit dia
Jetzt wär, des woa so mei Idee / Die Lage ahso, daß i sog: “Ohne Schmäh...“
Hab brav trainiert auf an romantischen Soga Aber der grodt ma ned nach
dem tropischn Gschloda JETZT IS JETZT & DANN IS DANN
UND WANN IS JETZT NED SOGN KANN DANN SOG IS SICHA NIRGENDWANN
JETZT IS JETZT & DANN IS DANN UND WANN EAS JETZT NED SOGN KANN
DANN SOGTAS SICHA NIRGENDWANN Es is aso, daß i ansonsten red und red
Oba wanns um Di und mi geht, Elisabeth, Loßt mi des Schicksal ned.
Wirklich bled. Oda es liegt am Thema, weu des liegt ma ned...
I red ma schwa, wos soll i mochn / Üba Herzensdinge und über Liebessachen
Do tua i ma schwaa im Formuliern / Do steht ma, wia ma sogt, des Hirn...
(Ref) JETZT IS JETZT UND DANN IS DANN
Und i bin, wiast waaßt, a Plauderant / Noch ana Zeit sogoa penetrant
Bin der wos redt und redt von fruah bis spät
Und mia fallt a gnua zu Dia ein, Elisabeth JETZT IS JETZT UND
DANN IS DANN I waaß eh, jetzt waa i dran Und i wissat da vü, ganz vü zum Sogn
JETZT IS JETZT UND DANN IS DANN Waaß i eh, waaß i eh, oba gebts
ma bitte no a Solo lang Zeit zum Formuliern und Nochsinniern....
I hab den Shakespeare bemüht und den Heinrich Heine / De ham Meldungen
drauf, de gengan bei olle voi eine / Nua wann i de bring, oda goa eigene Verse
Dann geht do absolut nada, um ned zu sogn reverse / I hob a scho überlegt,
wias mit „Ich liebe Dich“ waa / Und „Willst mi wia i di wü“ oda do tua i ma
schwaa / Weil des groovt ned, des fahrt ned, und irgendwas muaß i jo sogn
Vielleicht probier is auf Spanisch, fang an mit corazon.... (Ref)
I habs auf goschert anglegt und voll auf elegisch
Und auf scheißdrauf und cool, auf psychedelisch
JETZT IS JETZT & DANN IS DANN UND WANN EAS
JETZT NED SOGN KANN
I waaß eh, i sollt was sogn...
Wos mit vü Herz und corazon
JETZT IS JETZT & DANN IS DANN
UND WANN EAS JETZT NED SOGN KANN
Wo ma scho do san in da Sonn
Ti quiero, ti amo, mi corazon

Zerscht woa i nua allaa
Jetzt bin i allaana, daweu hätt i Di
Oba du losst mi nua woatn
Wian Hund aufs Baa, wo bleib daweu i?
Es is dei Zeit, moch damit wost Du wüst
Tua wonach da is
Oba loss mi ned oiweu nua woatn
Loss mi ned oiweu nua woatn


Zerscht woa i nua allaa
Jetzt bin i allaana, daweu hätt i Di
Oba du losst mi nua woatn
Wian Hund aufs Baa, wo bleib daweu i?
Es is dei Zeit, moch damit wost Du wüst
Tua wonach da is
Oba loss mi ned oiweu nua woatn
Loss mi ned oiweu nua woatn

So vü Täg und so vü Nächt
Woa i guad gnua, woa i da recht
Host ma dazöht du host mi gern
Dabei host oiweu nua gwart auf eam


Noch so vü Täg und so vü Nächt
Bin i da nimma recht und i frog mi
Wer mocht gern en Schani
Do bin i liaba allani
Ohne di


Noch so vü Täg und so vü Nächt
Bin i da nimma recht und i frog mi
Wer mocht gern en Schani
Do bin i liaba allani
Ohne di

En Plachutta Ernstl sixt heit ned so wia fria fast olle Tog / Do brauchst scho an Termin, weu dea is heit am Amt Herr Rat I renn in eam eine, wiara grod aus sein Dienst-Merzl kräult / Unter sein vün Gwicht schwitzt und schnauft und übas Parkverbot fäult. „Guad schaust aus, Ernstl“, sog i. „Spurtlst mea wia fria?“„Ah, du waaßt es eh a scho“, kummt ma da Ernstl voi auf zwida. „Wos sollt i wissen?“, frog i,„Is leicht wos mit dia und deina Riha?“ / „Des kannst laut sogn“, sogta, „host Zeit, Kurtl, hock ma uns gach nieda...“ / I kenn den Ernstl seit ewich, oba de letztn Joa mea flüchtig / Er woa zwoa a Spezl ausn Grätzl, oba is ma heit a Numma zuwichtig / A fria ziemlich a Zwicka und Streba und nur mit dabei in unsara Plottn Ned wegn sein Gsicht oda Gwicht sondern wegn seina Valobtn. Des woa de Riha, a wirklich Resche und Fesche, oba wia ma so sogt Ned gmocht fian Ernstl, weu dea so vü Stress in da Wäsch neddapockt Nach drei chilenische Achteln bin i auf Du mitn Plachutta sein Drama Und waaß ned, wonoch ma mea is, mea noch Lochn oda Waana... Fria oda späda (sogt da Ernstl) Oba genau dann wann mas ned bestell Kriagt ma dazöht Wos ma fian andern zöht Da Ernstl und de Riha woan in da Lehr beim “Litega“/ Ea wollt nua gach en Schein und de Matura, woa oiso eher auf integer De Riha wieda woa do anders, sie woa sogma eher ka Prüde Und noch zwei drei Baucherln im „Rosi“ sogoa a ziemlich a Wüde. Kaum woa beim Ernstl Fahrstund, oda er hod glernt fia de Karriere / Woa de Riha auf Lepschi, a klaans Ausgreiferl do, duat a diskrete Affaire „An Plachutta hoitst da warm fia kältere Zeitn, dea wü goaned ois wissen“, Hods gsogt und da Ernstl, de Blindschleich, hod echt nie wos knissn. Wia dann da Ernstl beim Heer dient, wegn seiner Fülle bei de Funker Erreicht eam a frohe Botschaft in sein Manöver-Bunker De Riha is guter Dinge, in andere Umständ und er boid stolzer Vata Oiso zaaht da Plachutta an am Marktamt auf da Karriere-Lata Er is mit 21 Beamta des Jahres und Papa von ana klaan Henriette Und glei a verheirat, aus Liebe, eh kloa, oba a wegn da Etikette / Des is jetzt 30 Joa aus und des Töchterl hod scho söba drei Gschroppn „Und de Riha, ois Oma, is im 4. Monat schwanger und pockt daham grod ihre Sochn!“ Fria oda späda... Fria oda späda, sogta Oba a so, Kurtl, a so geht de Wöd Da Riha ia Umstand is medizinsch erklärbar, oba nachgrad a Wunda, Wenn fia de späte Empfängnis da Plachutta da Grund waa Weu dea woa mit sein Pingpong-Club zur fraglichen Zeit in Thailand. Und glei im Anschluß mit ana Art Gelbsucht im „Göttlichen Heiland“. „Do bist so lang glücklich verheirat“, sagt er, „und dann so a Malheur... De Riha lest meine Befunde und, weu bled is ned, wundert se schwer. Kloa woas ka Gelbsucht. Wos tritt ma se scho bei de Thai-Haserln ei? Und jetzt mochts tabula rasa, wias imma sogt, und sogt se is endlich frei.“ Des Kind, wos kriagn wiad, des kriagts allaa draußt bei ihra Tochta, da Henriette / Und de is, hods en Ernstl gsogt, a ned von eam, jede Wette „Waa ois verkraftbar“, sogt da Ernstl, „oba ned so kurz vua de Wahln Weu wea wählt an Bezirksvorstand fia den den Moment ois mehr zöht ois Mandate und Zahln?!“ Fria oda späda... Fria oda späda Oba a so, Kurtl, a so geht de Wöd

Es is schwaa mit wem zum redn
Dea sogt: „Sog nua, i huach da eh zua!“
Oba durch di durch ins Fernsehn schaut
Oda oiweu nua auf de Uhr
Es is schwaa ned zum fröstln
Wannst nua de koide Schulta kriagst
Und an Blick koid wia a Gfrorens dea sogt
Daß´d, wiast es mochst, ned richtig liegst


Es is schwaa heageh und aufsteh
Und sogn: „So ned, zumindest ned mit mia!“
Wannst fia dein Teil nua zu guad waaßt
Es hoit ka Nocht und du bist wieda zruck bei ia...

Se ham ois gengs ned Schlofn
Se ham ois gengs schlecht Liegn
Se ham ois gengs bes Trama
Und ois fias se bessa Gspian
Se ham ois geng z´weng Busen
Se ham ois geng zu vü Oasch
Se ham ois geng Orangenhaut
Und fia und geng ois a Kraut
Huachts: Se ham ois geng foisch Wohna
Se ham ois geng a jeds Problem
Se ham ois gengan Kummer mitn Kumma
Und ois fia d'Harmonie im Leben
Passt’s auf: Se ham dafia a super Seminare wo ma vü redt und no mea peckt
Und a Hotline falls des Redn ned gholfn hätt
Weu ois wost brauchst is a Hetz / De kost ned vü, zum Beispü im Internetz
Kost a ned vü am Ringlgspü / An sich waa i fia a Hetz auf Krankenschein
Sei da Patient a no ned stubnrein / Je fria je bessa, tat i sogn
A Hetz kann an ned frua gnua schadn
Wos spricht oiso geng a Theata,a Gaude,an Heckl,a Heckmeck,a Gsturri,an Koarl,a Remasuri...nix!
Se ham ois geng Sonne, Mond & Sterne
Se ham ois gengs Jüngste Gericht
Se ham ois geng schlechte Kartn
Und wia ma ses mit dena richt
Se ham a dazu a Dutzend Seminare wo ma vasteht wias um an steht
Und wiaso’s ohne dem mit dir nua no owe geht

I waaß ned, wia soll is anlegn
Mia föht ganz afoch de Routine
I waaß ned, wos soll i draufredn
Auf die Beantwortungsmaschin
I waaß ned, ob i ia sogn soll
Wia sehr´s ma föht do wo i bin
I waaß ned, ob i des tuan soll
Zwischn zwa Pfiff hod des kan Sinn
Drum sog i nua:


I waaß ned, wiaso kummt ka Antwort
Is leicht wos hin an da Maschin
Wos waaß ma, hods schlecht ausgricht
Wia varruckt i noch dia bin
I waaß ned, ob i no amoi sogn sollt
Wia sehr´st ma föhst und i di mog
I waaß ned, ob i des tuan sollt
Zwischn zwa Pfiff is des a Plog
Drum sog i nua:

Es is schwaa mit wem zum redn
Heut teilst no aus, oba muagn steckst ei
Heut geht no ois, oba des geht vuabei
Heut draahst auf, muagn draahns de o Oba do muaßt durch
So oda so
Heite losst sa se guad au und muagn is grennt
Heite schmust de Fee o, de wos di muagn ned kennt
Heit fehlts an nix, muagn geht da ois o Oba do muaßt durch
So oda so
Von ganz weit obn bis ins Souterrain
Bis ma se gwöhnt dran, des braucht a Weu
Ka Hüüf, ka Herrgott, ka Freind ned do Oba do muaßt durch
So oda so
Jetz wiads erscht eng, weu nix mea rennt
Den im Spiagl, den hättst fost ned dakennt
Du schaust echt oid aus, du diast voi o Oba do muaßt durch
So oda so
Und es geht no tiafa, tiaf unterd Erd
Owe in Kölla, wo di kana mea heat
Rappelst di auf oda trittst scho o ? Du muasst do durch
So oda so
Heut teilst no aus Steckst no fest ei Heut geht no ois Oba des geht vuabei
Und es geht bergo Ganz gaach bergo Und ka Herrgott weit und breit
Kana von de guadn oidn Freind Dann geht’s bergo Ganz gaach bergo
Von ganz hoch drobn owe ins Soutterain Owe in Kölla, owe bis am Grund
Und erscht wannst unt bist Ganz unt am Grund bist
Erscht wannst unt bist Tiaf unt am Grund bist
Wochst amoi auf in da Frua und sogst: