GEMMAS WIEDA AN
(M&T: Phil Lynott/dt. Text: O. Kurti)

Unser Wirt wo ma normal trainiern
De 1/4, 1/8 inhaliern
Mocht si Sorgn weu ma nur no pausiern
Es waa wegn sein Umsatz, sogta
Schwaa an da Zeit
Daß de Nächte wieda kürza wern
Mia a ned länga auf die Bremsn steign
Wieda haaß und schnö und gfährlich werdn
Oiso zahts an

Gemmas wieda an
Gemmas wieda an
A jeda bis a nimma kann
Jetzt gemmas wieda an

Mitn Karl is des a Trauerspü
Der spüd nix mehr und frißt vü z'vü
Da Romeo is ausn Gschäft
Fahrt mit sein herben Charme
Mehr schlecht ois recht
Da Mario hod a kan Lauf
Daß so garnix rennt baut eam ned grod auf
Na de Buam san ned guad drauf
Des muaß si ändern

Gemmas wieda an
Gemmas wieda an
A jeda bis a nimma kann
Jetzt gemmas wieda an

Die Lilli kriagst ned aus ihrn Bau
Die tuat nua no Fernsehschaun
Weit und breit ka Spur von Bock
A so a junge Frau
Und jetzt gehts bald am Stock
Der Prinz hod mitn King den Dauerköch
Pickn zsamm auf Zimma-Kuchl-Kabinett
I sog, Poldl heast, du muaßt do weg
Ned muagn erscht sondern heit no

Gemmas wieda an
Gemmas wieda an
A jeda bis a nimma kann
Jetzt gemmas wieda an

WIA IM KINO
(M&T: John Hiatt/dt. Text: O. Kurti)

Es is wia im Kino
Die Sunn vatschüßt si im Marchfeld
Rollt wia a rota Balln
Ganz langsam ausn Büd
Wia extra fia mi gstellt

Die Straßn is min Lineal zogn
Geht von do bis ans End da Wöd
Und i foa und überleg
Moch mi aufn langen Weg
So wia im Kino

Siech di auf d'Uhr schaun
Und raukn ois wurdast dafia zahlt
Siech di a Nocht lang wartn
Und da imma wieda sogn
Jetzt kummt er ob bald

Und i bin do heraußn
Und es geht schnurgrad imma weita fuat
Und i foa und es wird spät
I bin der was geht und ned vü redt
So wia im Kino

Es is so schee daß wehtuat
Die letzte Sunn da Anfang von da Nocht
Treffen se do vuan
Und wann i wart bis muagn
Hob i nimmamehr die Kraft

I werd erscht umdrahn
Wo die Straßn schmal is wia a seidna Fadn
I foa und de Zeit steht
Wann die Sunn so untergeht
Wia im Kino

NA, DES SIECH I NED
(M&T: R. Bachman/dt. Text: O. Kurti)

I suach di in da Firma
Do sogns: Du host heit frei
Wiast hamkummst gehst am Zahnfleisch
Sagst: Des is de vüle Schinderei

Manst i kneiß nix und i siech nix
Und daß bei mia ollas einegeht
I di nua anschau und glei ois vazeih

Na, des siech i ned
Na, des siech i ned
Daß des mit uns so weidageht
Na, des siech i ned

Die ältere Kollegin
Von dia ausn Büro
Lahnt unt an sein Corolla
Und tragt a Sportsakko

Manst i kneiß nix und i siech nix
Und daß des auf ewich weidageht
I di nua anschau und glei ois vazeih

Na, des siech i ned
Na, des siech i ned
Weu obehaun spüts ned
Na, des siech i ned

NOCH SOVÜ JOA
(M: Karl Horak/T: O. Kurti)

Vielleicht, wos waaß ma, bist heit Nocht alla
Wos waaß ma, und du woast es gestern a
Könnt a sei, du bist ganz damisch vua Glück
Host ois wost wüst, bist wieda schwa valiebt
Könnt jo sei

Vielleicht, wos waaß ma, und du host imma mehr des Gfühl
Du valierst seit Joa und Tog in dem söben oiden Spü
Könnt a sein und du bist längst nimma allaa
Host gheirat, host an Gschroppn oda zwaa

Könnt a sein und du host gnua
Wüst goanix mehr, nua no die Ruah
Denkst da a: Du host vaspüt
Und waaßt wia i, wia ma se fühlt

Noch sovü Joa, noch sovü Joa
Wird da erscht wirklich kloa
Wos wirklich wichtig und richtig fia di woa

Vielleicht, wos waaß ma, geht’s da so wia mia
Und du waaßt: mia ham ned nua d´Geduld valuan
Könnt a sein und du waaßt wia i
Mia ham ned gnua riskiert und ois valuan

Könnt a sein und du host gnua
Wüst goanix mehr, nua no die Ruah
Denkst da a: Du host vaspüt
Und waaßt wia i, wia ma se fühlt

Noch sovü Joa, noch sovü Joa
Wird da erscht wirklich kloa
Wos wirklich wichtig und richtig fia di woa

OIS KA DRAMA
(M&T: J. Neel/K. Morrison/dt. Text: O. Kurti)

Frau Helga in da Krone schreibt um mi stehts schlecht
Gesundheitlich am Hund Krise mitn anderen Geschlecht
In da Frua beißt mi de Nasn steig zerscht mitn Linken ausn Bett
Und unter ana Leita rennt ma a (schwarza) Kater übern Weg

Oba des is ois ka Drama
Ois ka Drama
Ollas 1/2 so wüd

Des Glückskeks beim Chinesen gebns an mi garned aus
Im Kaffeesatz steht geschrieben: Verlasse nie das Haus
In meiner Hand lest a Experte es kummt a Unglück über mi
A Glück bei meine Karten daß i ned abergläubisch bin

Die Stern san a Fiasko verschwörn si gegen mi
Jeds Orakel a Debakel i huach glei garned hin
Jeder Hex zerspringt ihr Kugel
Jedes Glücksradl hört si auf zum drahn
I glaub i wa ned auf dera Wöd
Wann i do glaubat dran

Oba so is des ois ka Drama
Ollas 1/2 so wüd

A SCHWERA FALL
(M&T: M. Gaye/N. Whitfield/B. Strong/dt. Text: O. Kurti)

I waaß es is spät
Wann i jetzt erst drüber red
Wostas eh scho denkst
Kummst mit 1000 Frogn
Und i siech in deine Augn
Daßd mei Antwort kennst

I bin mehr a Einzelfall
Heit do und muagn duat
Heit no ganz no bei dia
Muagn scho weit fuat

Host an seit 100 Joa
Und auf amoi wa da kloa
Er is es ned
Glaub ma wann i sog
Daß mit mia ned ewich geht

Du sogst du waaßt genau
Sogst du waaßt genau
I ghea zu dia
Und wann i bei dia wa
Wurat a neicha Mensch aus mia

Oba mit mia is a Qual
I bin echt a schwera Fall
Und i bleib dabei
Find heit wem und suach muagn wem
Fia mi kanns garned gnua gebn
Siech des do ei

I GEH JETZT FISCHN
(M: Mario Adretti/T: O. Kurti)

Wos mocht de Khittil in da Kombinesch am Gang?
Dazöht ihr Krankngschicht so laut, des mocht di krank.
Wea raaft glei drauf vazweifelt mit da Häusltia?
Des is da Vogel in da Fettn, findt ned ham auf Numma 4.
Wea spüd seit ½6e Raumschiff Enterprise?
Vom Hausmasta de Gfrasta, daß i de Tia aufreiß (und sog:)

Ois guad und schee, ois schee und guad
Jetzt hoit mi nix mehr
Nehmts mi beim Wuat
I geh jetzt fischn
I geh jetzt fischen

Wea springt mi au um 7e direkt durchs Telefon?
A Stimm de i ned kenn und frogt: "Heast, schlofst leicht scho?"
Wea bumpert an da Tia wann i beim Fruastuck hock?
De Hausfrau wengan Zins, oba se hod se girrt im Stock.
Wea draht unta da Dusch den Hahn voi auf haaß?
Des kau nua i sei, weu i geh nua no im Kraas.

Ois guad und schee, ois schee und guad
Jetzt hoit mi nix mehr
Nehmts mi beim Wuat
I geh jetzt fischn
I geh jetzt fischen

Nau, wo bleibt da Stör, da Barsch, da Hecht?
Mia is vom Wartn in da frischn Luft scho schlecht
Sitz in da Hitz und nix beißt au
Ka Lachs ka Karpf ka Kabeljau
Gelsen hätt i gnua, nua vom Fisch ka Spur
Heast dea Spuat is entschieden gegen mei Natur

Ois guad und schee, ois schee und guad
Oba jetzt hoit mi nix mehr
Nehmts mi beim Wuat
I geh jetzt auf a 1/8
Oh, ja. I geh jetzt auf a 1/8
Oder i wart no a bissl bis i an Durscht kriagt – dann trink i a 1/4 - oder zwa

DES GLÜCK WOHNT A TIA WEIDA
(M: Chefpartie/T: O. Kurti)

Zerscht woa nua ea do, und dann is sie kumma
Zerscht auf Besuch, und dann is boid bliebn
Zerscht woa a Friedn, und dann woas boid schwanga
Zerscht hod ea tschechat, und dann is se gstiegn

Zerscht woa da Gschropp do, und dann boid de Fiasuag
Zerscht woit sie weg, und dann woa ea fuat
Zerscht kurz im Ausland, und dann lang im Häfn
Zerscht hod sie plärrt, und dann woa ea zruck

I glaub des Glück wohnt a Tia weida
Oda es wohnt im Nochbahaus
I glaub des Glück wohnt a Tia weida
Weu do is bestimmt ned z´Haus

Zerscht woan de Poscha, und dann woa des Gschraa
Zerscht olle 2, und dann sie allaa.
Zerscht olle Wochn, und dann boid olle Tog
Zerscht no: "Hoits zsamm", und dann: "Bevua i di daschlog"

I glaub des Glück wohnt a Tia weida
Oda es wohnt im Nochbahaus
I glaub des Glück wohnt a Tia weida
Weu do is bestimmt ned z´Haus

Zerscht woa de Heh do, und dann boid de Rettung
Zerscht hams eam gholt, und dann den Buam
Zerscht hod sie no gredt, und dann hods ka Luft kriagt
Zerscht hamsas weggfiat, und dann is bald gsturbn

I glaub des Glück wohnt a Tia weida
Oda es wohnt im Nochbahaus
I glaub des Glück wohnt a Tia weida
Weu do is bestimmt ned z´Haus

I glaub des Glück wohnt a Tia weida
Oda es wohnt im Nochbahaus, oda in da nächstn Gossn
I glaub des Glück wohnt a Tia weida, weu do is bestimmt ned z´Haus

ZU VÜ GFÜHL
(M&T: Percy Mayfield/dt. Text: O. Kurti)

So wias is brennst aus vua da Zeit
Dei erschte Bretzn is nimma weit
Wannst mi frogst wos los is sog i da
Bei dia is zu vü Gfühl im Spü

A gsunde Distanz und a weng a Kalkül
Habn no kan gschadt der waaß wos er wü
Oiso wannst mi fragst wos los is sog i da
Bei dia is zu vü Gfühl im Spü

I hör jeden Tog i soll sparn
Und mi ned so vaschleudern
Mi umschaun noch wem der schaut auf mi
Gnua andre könnens a
Und so lebt sa se leichta
I schau ma de an und waaß
Wo de san durt wü i nie hin

Wenns so wa und i obiag vua da Zeit
Waaß i Bescheid wieso ned muagn sondern heit
Oisa wanns mi frogts was woa werd i sogn
Bei mia woa zu vü Gfühl im Spü

57er CHEVY
(M&T: Seals/Setser/Diamond/dt. Text: O. Kurti)

Jetzt wos mit uns eng wird
Sollt i da gschwind no was sogn
So wias grod jetzt is
Kannst von mia ollas habn
Oba bevuas z'spät is
Und des wos gschehn muaß passiert
Muaß i di warnen
Damitst waaßt was da bliaht:

I foa o auf 57er Chevy
I foa o auf laute Gitarrn
So wias mi heit hod
So hods mi imma
I leb mitn Rock and Roll
Glaub ma i leb ned allaa

Do is jetzt Sperrstund
Fia uns wirds langsam Zeit
Wannst waaßt wos da einbrockst
I wissat an Platz fia uns heit
Üba muagn waaß i nua
Wos i imma sog
I werd ka andra mehr
Auf meine oidn Tog

I brauch kan Glitza ka Hollywood
Wannst des a brauchst wos i brauch
Dann hammas guad

I foa o auf 57er Chevy
I foa o auf laute Gitarrn
So wias mi heit hod
So hods mi imma
I leb mitn Rock and Roll
Glaub ma i leb ned allaa

DU BIST KA ENGEL
(M&T: R. Thomas/dt. Text: O. Kurti)

Deine Oidn glaubn du bist so fad wia si
A recht a stilles Kind oba de täuschn si
Du bist ka Engel
De Mama mant du gradst ganz nach ihr
Wanns di so sehn tät hätts ka Freid mit dia
Du bist ka Engel
Am Tag bist imma so adrett
De Nocht liegst nie im eignan Bett
Du liagst wia druckt daßd bei da Freundin schlafst
Und da ums Taschengöd nua gscheide Biacha kaufst
Du bist ka Engel
Fian Vodan bist sei klane Fee
Der sollt di amoi in dein Netzstrümpf sehn
Du bist ka Engel
Am Tag bist kalt ois wia a Fisch
Aufd Nocht tanzt in da Bar am Tisch
Du wirst an jedn gfährlich
Und i sog da ganz ehrlich
Daß ma ned vü anders geht...
Du dazöhst daßd neulich 16 warst
Schaust a bald so aus wannst lang so weitermochst
Du bist ka Engel
Se ham da glernt mitn Feia spüd ma ned
Du spüst damit daß ma Hörn & Sehn vageht
Du bist ka Engel
Wanns wissatn wos bei dia so rennt
De Oidn straft da Schlog de kräun aufd Wänd
Du bist ka Engel

GANZ AFOCH
(M&T: J. Havlicek/A. Zech/dt. Text: O. Kurti)

Gestern woa ollas no so gmiatlich
Er hot sein Gartn gmocht und sie eam sei Hamandegg
Dann wora Kegln und es is spät wuan, so wi a üblich
Er is fett ins Bett und woa glei weg

Heit hod sa si zsammpockt und is ganga
Hod si zsammpockt, weu es waa kann Tog mehr ganga
Waaß ned wohin, waaß nua sie muaß fuat
Sie muaß fuat

Die Falten, die hods ned vom vün Lochn
Sie hod im Spiegl gsehn, daß do de Zeit vü z´schnö varennt
Daß vü zu lang allaa woa mit wem Fremdn
Der nix wissen wollt von ihr und dens nur flüchtig kennt

Heit hod sa si zsammpockt und is ganga
Hod si zsammpockt, weu es waa kann Tog mehr ganga
Waaß ned wohin, waaß nua es tuat ihr guat
Tuat ihr guat

Sie suacht wos wegen dems no amoi umdraht
Oba sie find nix außa 10 vaschenkte Joa
Mit jedem Kilometa wird ois leichta
Wos am End nimma zum Deschleppn woa

Heit hod sa si zsammpockt und is ganga
Hod si zsammpockt, weu es waa kann Tog mehr ganga
Waaß ned wohin, waaß nua sie muaß fuat
Sie muaß fuat

Heit hod sa si zsammpockt und is ganga
Hod si zsammpockt, weu es waa kann Tog mehr ganga
Waaß ned wohin, waaß nua es tuat ihr guat
Tuat ihr guat

WO BLEIB I?
(M&T: Don Gibson/dt. Text: O. Kurti)

Olle hams a Auto und gnua Göd fian Sprit
Manche sogoa mit Radio und Liegesitz
I hob nua a Radl und des is hi
Oooh - Wo bleib i?

Olle ziagn davo mit de schönsten Fraun
Auf Fahrt ins Glück und Spritztour noch Rodaun
Bei olle geht wos weita bei mia nie
Oooh - Wo bleib i?

I sitz im Park sinnier:
Wia moch i wos aus mia?
Das Etwas das die Frauenherzen bricht
Des is jetzt 30 Joa her
Und i tua ma imma no so schwer
In mein Fall scheut die Motte echt das Licht

Olle hams a Auto i hob jeds Joa an Hit
Bin theoretisch hochweis und moch mein Schnitt
Jojo es spüd si o um mi nua bei mia nie
Oooh - Wo bleib i?

WOS WÜ DE WÜDE HILDE
(M&T: W. R. Emerson/dt. Text: O. Kurti)

Ruafst mi an und sogst:
Waaßt eh wos de Hilde wü?
Wos wü de wüde Hilde?
Du ruafst mi an und manst:
Waaßt eh wos di von dia wü?
Wos wü de wüde Hilde?
De is ned wüd auf di
De is wüd auf dei Automobü

Des hod wos unter da Haubn und a stolze Größ
No kan Kratzer im Lack und uandlich PS
Es is zwoa nimma neich is aus zweita Hand
Oba im Vagleich zu dia 1-a beinand
Fahrt ohne Murren bei Eis und bei Frost
Hod kane Waa wia du und ka Stückl Rost

Olle sans ned wüd auf di
Nua auf dei Automobü

1NA VON UNS 2
(M: Leopold Karasek/T: O. Kurti)

In da Schui woast scho a Quöla und sierich no dazua
A Krätzn und a Kräul scho ois klana Bua
Heit bist im Oaschkräun Masta und nua unguat in da Gluat
Dei hintafotzigs Grinsn ratzt mi bis aufs Bluat

Weit samma kumma, weit hammas brocht
1na von uns 2 locht ohne Zähnt heit Nocht
Weit samma kumma, i hob so leise den Vadocht
1na von uns 2 locht ohne Zähnt heit Nocht

Du ziagst.di durch mei Leben wia a feichta Schas
Du kräust ma noch, vaziagst di nie
I warn di nimma, i bin nua no haaß
Du waaßt: Anfäun is a Unart und Spottn is a gfährlichs Spü
Des muaß a End ham auf da Stö, weu 30 Joa deppat redn is afoch z´vü

Weit samma kumma, weit hammas brocht
1na von uns 2 locht ohne Zähnt heit Nocht
Weit samma kumma, i hob so leise den Vadocht
1na von uns 2 locht ohne Zähnt heit Nocht

So bled wia du is bald wer
Des wa a ka Malheur,oba du wüst es jo ned anders
und brotst in deina Fettn meina Oidn quer

Weit samma kumma, weit hammas brocht
1na von uns 2 locht ohne Zähnt heit Nocht
Weit samma kumma, i hob so leise den Vadocht
1na von uns 2 locht ohne Zähnt heit Nocht
1na von uns 2 locht ohne Zähnt heit Nocht
1na von uns 2 locht ohne Zähnt heit Nocht

ROTE SCHUACH
(M: Leopold Karasek/T: O. Kurti)

Hoche Absätz draußt am Gang
´s läut an da Tia – 2 x kurz, 2 lang
Siech statt dein Gsicht getönte Scheibn
Dei Mission die is streng geheim

I wart wos auf und du legst o
Gred wird ned vü, ´s gibt ned vü zum Sogn
De rotn Schuach, des Dekolleté
De Strümpf mit Naht findst nua am Freitog schee

Unsa Wöd steht nua am Freitog
Die hod ka gestern und ka muagn
In deina Wöd hätt i kan Auftrog
In meina Wöd wast du valuan

Amoi nua gsehn unter 4 Augn
De ham glei gwußt: des tät uns taugn
Die Blick sogt ois, die Mund hot z´tuan
Mia besprechn ollas von hint bis vuan

Unsa Wöd steht nua am Freitog
Die hod ka gestern und ka muagn
In deina Wöd hätt i kan Auftrog
In meina Wöd wast du valuan

Freitog noch 3 host 3 Stund frei
Do hockt dei Oida no in da Kanzlei
Du host 3 Stund frei, kannst ollas sei
Wost oiweu tramst und i bin dabei

De rotn Schuach, des Dekolleté
De Strümpf mit Naht findst nua am Freitog schee
Und noch 3 Stund bist wieda gstöt
Daham beim Gö in deina Wöd

Unsa Wöd steht nua am Freitog
Die hod ka gestern und ka muagn
In deina Wöd hätt i kan Auftrog
In meina Wöd wast du valuan

Unsa Wöd steht nua am Freitog
Die hod ka gestern und ka muagn
In deina Wöd hätt i kan Auftrog
In meina Wöd wast du valuan

KA IDEE
(M&T: John Prine/dt. Text: O. Kurti)

Ka Idee, wos i da sogn soll
Ka Idee, wia i das erklär
I waaß nua, i bin a so
Und min Erklärn tua i ma recht schwer

Wos is da do nua eingfalln
Manst ned, daß des den andern kränkt
Vaschwindst 2 Tog und riast di ned
Wos host da dabei denkt

Ka Idee, wos i ma denkt hob
Ka Idee, do woa sovü z'tuan
I waaß nua, de Zeit hod mia gheat
Und ka Minutn woa valuan

Wos is da do nua eingfalln
Manst ned, daß des den andern kränkt
Vaschwindst 2 Tog und riast di ned
Wos host da dabei denkt

Ka Idee, ob se des ändert
Ka Idee, ob des nimma gschiecht
I waaß nua, i hoid auf di
Und wos do spüt is a andre Gschicht

TEQUILA SUNRISE
(M&T: J. Havlicek/A. Zech/T: O. Kurti)

Da Sand do is göb und de Kaktus san staubich
De Fraun schaun aus ois wia de Rabn
Waunns gaunz in Schwoaz eanare Gschroppn stampern
Und zuaschaun und betn tan beim Grobn

Ois in dem Kaff is ollaweu staubich
Do knirscht mit de Zähnt sogoa waunnst saufst
De Sunn röst da ´s Hirn o
Und am Himme do steht scho drei Tog a Wolkn wia aunagschrauft

Es schaut gaunz schlecht aus daß i do wegkumm
Oba i siach guad am Friedhof glei nebn de Gleis
Zug kummt do kana und mei Wogn is in da Werkstatt
Und en Schef homs heit eigrobn grod wia mia z´Fleiß

Irgendwia hod do kana an Namen
Und hoda an daunn is a ned echt
Und olle do ham Angst, Angst fua Fria
I zöh de Kreuz und i denk ma: mit Recht

Wos do so rennt kenn i nua ausn Kino
Wias ausgeht hob i oft gnua gsehn
So Leit wia i rennan leicht wem ins Messa
Oda kriagn sunst a gröberes Problem

Drum sauf i no an Tequila Sunrise
Bevua da näxte umasteht
No an Tequila Sunrise
Bevua des letzte Moi de Sunn aufgeht

Mi tuat a jeda do gostfreindlich griaßn
Locht mit vü Goidzähnt und sogt wia mei Wirt:
"Ich nix vastehn, ich leida auch nix wissen."
Vasteh tua i a nix, oba i waaß wos do Nocht fia Nocht passiert
No ana redt nix mea und tuat gaunz vü bliatn
Weu se de Kugel von an Profi selten irrt
No ana beißt in Sand und vaschluckt sei Zungan
Weu do von wem sehr gründlich goabeit wird

Wos do so rennt kenn i nua ausn Kino
Nua duat is ollas ned so echt
So Leit wia i findn se Freind und Helfer
Oba do fiacht i kummans nimma z'recht

De Nocht is zaach und wü afoch ned aufhean
Mit ihr a Hitz mit ihrn gaunzn Gschraa
I wü ois nua trama: Bin do nua durchgfoan
Hob do kan Duascht kriagt, da Tank woa ned laa

I lieg do und schwitz, schwitz ned nua wegn da Hitz do
I huach auf de Rotzn, es gibt sunst kane Gäst
I prack noch de Fliagn, de wos groß wean wia Spatzn
Und woat drauf daß da Füm reißt, des dasporat man Rest

Wos do so rennt kenn i nua ausn Kino
Nua duat is noch 2 Stund vuabei
Und so Leit wia i ham no amoi a Glück ghobt
Oba wia i des siech kennt des do anders sei

Drum sauf i
No an Tequila Sunrise
Bevua da näxte umasteht
No an Tequila Sunrise
Bevua fia mi des letzte Moi de Sunn aufgeht