I HEA DI KLOPFN
(M&T: Bartholomew/King/dt. Text: O. Kurti)

I kumm ham, du bist fuat
Afoch so
A Monat später waast wieder do

I hea di klopfn
Aber i huach ned hin
I hea di klopfn
Weil es hod kan Sinn

Du spüst des Spü mit mir als Weh
Scho vü z'lang
Jetzt spüs allanig
Draußt am Gang

I hea di klopfn
Aber i huach ned hin
I hea di klopfn
Weil es hod kan Sinn

A wannst so weitermochst
Bis in da Frua
Des wird nix nutzn:
Die Tia bleibt zua

I hea di klopfn
Aber i huach ned hin
I hea di klopfn
Weil es hod kan Sinn

I waaß wos waa,
Waaß wosd sogast,
Wuat fia Wuat:
Es woa dei Föhla
Und es wird wieda guat

I hea di klopfn
Aber i huach ned hin
I hea di klopfn
Weil es hod kan Sinn

FROG NED WOS MUAGN IS
(M&T: Willy de Ville/dt. Text: O. Kurti)

A rot's Plakat
An der windigen Eckn
Von an Speedway-Cup
Vor drei Jahr bei Amstetten
Sunst is nix in Farb
Do herüben auf dera Gstettn
Es is nua koid
Aber mir brauchn do ka Deckn

De Sunn is miad
Und de Bam de schaun vakühlt aus
Kumm, leich eana dein Schal
I ziag daweu den Rock aus
Di kratzt mei Bart
Und i mog wiast mi anschaust
Wiast mit an Wurt
De Ködn von mir wegblost

Und mir bleiben de ganze Nocht
Über d'Gleis auf da Gstettn
Do gheat uns de ganze Nocht
Und mir frogn ned wos muagn is
Frog ned wos muagn is

Wann ma dafrian
Dann find uns doda kana
Mir ham a ewige Ruah
Do zwischen Trümmer und Stana
Von der Fabrik
Wo seit 20 Jahr kana herschaut
Wo d'Muada im Kriag
Fia de Flak Granatn baut hod

Und mir bleiben de ganze Nocht
Do heraust auf da Gstettn
Do gheat uns de ganze Nocht
Und mir frogn ned wos muagn is
Frog ned wos muagn is

NA, SO WIRST NED OID
(M&T: P. Lynott/S. Gorham/dt. Text: O. Kurti)

Na, so wirst ned oid
Na, so wirst ned oid, ned oid
So darennts di bald
Na, so wirst ned oid

Die Muada mant: Was hod der Bua
Geht fuat aufd Nocht, kummt erst in da Fruah
Waaß eh ned wos er wirklich wü
Oba er kriagt nie gnua
Host a Angst, gö, daßd wos vasamst
Host da wieder miaßn es volle Lebn gebn
Und jetzt schaust aus wia da Tod

Na, so wirst ned oid
Na, so wirst ned oid, ned oid
So darennts di bald
Na, so wirst ned oid

Wann i wo hock, dann bleib i a
I loß nix steh, weils schad drum wa
I loch solangs ma ned vageht
Und austreibn loß i mas ned
Weu da Rost kommt schnö, frißt se ins Hirn
Do haßts nur jo ka Zeit valiern
Du muaßt schnölla sei, sunst is vorbei
Und auf amoi stehst am Schlauch

Na, so wirst ned oid
Na, so wirst ned oid, ned oid
So darennts di bald
Na, so wirst ned oid

War drei Tog fuat und waaß ned wo
Waaß ned mit wem und ned wieso
Waaß nua, daß wichtig fia mi woa
Und kloa fäulst mi jetzt o

Daß i mei Lebn weggahau
Des hea i jetzt seit 30 Joa
Oba i uraß liaba ois daß i a Lebtog spoa
Auf a schene Leich

Na, so wirst ned oid
Na, so wirst ned oid, ned oid
So darennts di bald
Na, so wirst ned oid

SCHEE, SCHEE, SCHEE
(M&T: J. Reed/dt. Text: O. Kurti)

Du host a Haus im Grünen
Und du host Göd wia Hei
Host fia jedn Tog 3 Anzüg
Und in da Garasch kan Plotz mehr frei

Des is schee schee schee
Schee fia di
Jo des is schee schee schee
Des is schee fia di

Mit deine Villa bist jetzt obrennt
Und dei Garasch steht leer
Dei Göd holt si de Steia
Jetzt host ka Leiberl mehr

Des is ned schee schee schee
Ned schee fia di
Des is ned schee schee schee
Ned schee fia di
Garned schee fia di

Bei mir kann ma nix erben
Weu i bin dauand stia
Des hod an riesen Vorteil
So kann i nix valiern

Und des is schee schee schee
Schee fia mi
Jo des is schee schee schee
Sehr schee fia mi

NEICHE SCHOIN
(M&T: B. Gibbons/D. Hill/F. Beard/dt. Text: O. Kurti)

Neichs Hemd - totschick
Heit host a Leiberl heit mochst an Stich
Sakko - schneeweiß
Des fahrt ins Aug, vua allm am Kragn der Preis

Du waaßt die Fraun tuan da heit jedn Gfalln
Weu du bist zum Schneiden scharf
In deina neichn Schoin

Drei Ring - fast echt
Heit bist da Prinz, heit bist da große Hecht
De Bock - Paris,
Du liegst vua dir, wannst di im Spiegel siechst

Du waaßt die Fraun tuan da heit jedn Gfalln
Weu du bist zum Schneiden scharf
In deina neichn Schoin

Dei Huat - echt guat
Do traut se kana sogt a falsches Wuat
De Schoin - de fetzt
Vua allm de Totenköpf auf de Manschettenknöpf

Du waaßt die Fraun tuan da heit jedn Gfalln
Weu du bist zum Schneiden scharf
In deina neichn Schoin

WIRKLICH WOA
(M&T: F. Miller/D. & H. Bellamy/J. Barry/dt. Text: O. Kurti)

Du bist wos Bessers, des siecht ma glei
Schaust vuabei an mia, und i loch da zua
Wannst nix anders vuahost heite
Dann moch ma wos - bis in da Frua
Weu i bin a Dokta, bin a Dichta, woa a Kinderstar
Mein Voda gheat da Proda und mia gheat de Bar

Und i tät liagn fia di, ohne wos
Du i tät liagn fia di, nau wos haßt
Du i tät liagn fia di, ohne wos
Wirklich wahr

I dazöh da ollas wost hean wüst, ehrlich
Hauptsach, du huachst ma zua
I dazöh da wos kana waaß von mia
Hauptsach, du bleibst bis in da Frua
I bin a Dokta, bin a Dichta, woa a Kinderstar
Mein Voda gheat da Proda und mia gheat de Bar

Und i tät liagn fia di, ohne wos
Du i tät liagn fia di, nau wos haßt
Du i tät liagn fia di, ohne wos
Wirklich wahr

I waaß, es warat leichta
Und i geh hea und sogs wias is
Daß i nix zum Sogn hob
Nua daßd a Wahnsinn bist

Du schaust no imma so eisig drei
Vielleicht bringt di des zum Taun
Daß i da aus da Hand les
Und do steht: Du kannst mia blind vatraun
Weu i bin a Dokta, a Dichta, woa a Kinderstar
Mein Voda gheat da Proda und mia gheat de Bar

Und i tät liagn fia di, ohne wos
Du i tät liagn fia di, nau wos haßt
Du i tät liagn fia di, ohne wos
Wirklich wahr

CHILI CON CARNE
(M: Mario Adretti/T: O. Kurti)

A schleißige Bar in ana scheißlichen Stodt
Da Rest da Wöd büselt, nur mia san voll wach
Du bist ma heit zuagflogn afoch a so
De Nocht wird no lang heit, kumm
Gemmas o

Uuh Uuh Chili con carne
So haaß und so schoaf
Daß i no lang davon tram

Scho beim Anschaun schlogts Funkn,
Da Puls galoppiert
Dia gehts ned vü anders, sogst:
"Kumm, ruf in Wirt,
Des woa erst die Vuaspeis, mia legn no wos noch
A paar Scheuferl mehr no und es is Feia am Doch."

Uuh Uuh Chili con carne
So haaß und so schoaf
Daß i no lang davon tram

Unser Tisch in da Eckn, so im Kerzenschein
Der is heit a Brandherd und glöscht wird mit Wein

Du bist vaheirat und i bin do fremd
Wos i uns jetzt wünschat wan 4 eigane Wänd
Unterm Tisch a Begegnung der hamlichen Art
Mir bleibn in Bewegung bis da Wirt
Gnua von uns hod

Uuh Uuh Chili con carne
So haaß und so schoaf
Daß i no lang davon tram

ES GIBT STRASSN
(M: J. Havlicek/A. Zech/T: O. Kurti)

Es gibt Straßn, sogt ma
De fian di direkt in de Sunn
Und es gibt Straßn, waaß i
Auf de bringst de um.

Es gibt Straßn, sogt ma
Do is des Glück daham.
Und es gibt Straßn, waaß i
De san wia a besa Tram

Und i foa jedn Tog, foa jede Nocht
Und hob nua a Zü.
I foa jedn Tog, foa jede Nocht
Und wü nua weg von dia
I foa auf da Straßn
Und es is de Straßn zu dia

Es gibt Straßn, sogt ma
Do stehn de Ampeln nie auf Rot
Und es gibt Straßn, waaß i
Do holt ma se leicht den Tod

Und i foa jedn Tog, foa jede Nocht
Und hob nua a Zü
I foa jedn Tog, foa jede Nocht
Und wü nua weg von dia
I foa auf da Straßn
Und es is de Straßn zu dia

ÜBERSTAR
(M&T: Paul Rodgers/dt. Text: O. Kurti)

Am Anfang war wia immer
A oida Beatles-Song
"Love Me Do" wars, glaub i
Und dann dauerts nimma lang
Du kaufst da die erste Klampfn
Und spüst Tog und Nocht
Auf amoi bist in ana Rock and Roll-Band
Und glaubst, jetzt host es gschofft

Hast es gschofft?

Du sagst zu deine Oidn
Es muaß was weitergeh
Du packst dei Zeig weilst waaßt
Es is Zeit fia dei eigenes Lebn
Die Oidn mochn an Aufstand
Wiast sogst, du wüst jetzt geh
Weu wann is jetzt ned pack, pack is nie
Oba des werds es nie vasteh

Du host es gschofft
Jetzt host es gschofft
Jetzt wirst zum Überstar
Jetzt host es gschofft
Jetzt host es gschofft
Oida, jetzt wirst a Überstar
Die ganze Wöd kniat vua dir
Jetzt bist a Star

Du mochst dei erste Plattn
Und de wird glei Nummer Ans
Plötzlich wü di jeder singen hean
Und du host mehr Freind oisd brauchn kannst

Dei Lebn is a Freispü
Ollas wia im Film
Nur amoi drahst di um und sogst da
Durchblick hob i kan,
Oba i waaß i gwinn

Dann finden di deine Freind
In da Frua allaa im Bett
Neben de Tabletten und den Schnaps
Und es is ollas z'spät
Kana packt , daß du sowas kenntst
Dabei host da nua des Lebn min Bleifuaß gebn
Und am End nimma dabremst

Du host es gschofft
Jetzt host es gschofft
Jetzt bleibst a Überstar
Jetzt host es gschofft
Jetzt host es gschofft
Oida jetzt bleibst da Überstar
Die ganze Wöd die liegt und kniat vua dir
Jetzt bleibst da Star

NIMM DIE FIASS IN D'HÄND
(M: Chefpartie/T: O. Kurti)

De Stadt de wird zum Urwoid, wann da Tog varreckt
De Nocht spuckt 1000 Viecha aus, gegen die hüft ka Vasteck
Do spitzn Schlangen ihre Giftzähnt und die Hyäne grinst
Die schwarze Witwe woat in ihrn Netz auf di, wosd nimma ausse findst

Drum nimm die Fiaß in d´Händ
Nimm die Fiaß in d´Händ und renn

De Finstan is a anzigs Brülln und die Luft di kocht
Die Höll muaß a warmes Fuaßbod sei gegen a Nocht in dera Stodt
Do spitzn Schlangen ihre Giftzähnd und die Hyäne grinst
Und olle wartn drauf, daßd in eana Falln rennst
Wosd nimma ausse finst

Drum nimm die Fiaß in d´Händ
Nimm die Fiaß in d´Händ und renn

NOCHTSCHICHT
(M: J. Havlicek/A. Zech/T: O. Kurti)

Des Bikini-Madl is beinamputiert
Sie zagt ihre Neon-Kurvn üba da Tür
A rostiga Flippa zwischn Heisl und Schank
Es fäult noch Zwiefe koide Tschik und Bia
Do is a Pool und a Jukebox und grod gnua Plotz zum Steh
Und de blade Rosi hinta da Budl
De fiat wia imma den Schmäh
Sie hod a Goschn wia a Kutscha, an Oasch wia a Lok
Und imma a Zwinkern fian Ferry

Im Espresso Rosi do wartns nua drauf,
Daß da Schattn dem Tog es Liacht ausblost
Sie lahnan do und schlofn mit offene Augn
Zum Redn gibts nix mea wannst ka Chance mea host
Am Tisch in da Eckn sitzt ana do und wart
Er sauft de Mokka ex, er zittert und tuat se hart
Er is kana von do und des siecht ma eam au
Und wanna d' Rosi frogt sogts: Sie kumman schon no dran

Und er wart weida wiras imma mocht
Heit in dera langan Nocht
Weu heit is Nochtschicht

Do is da Ferry mit 3 Gschroppn und da drittn Frau
Ana Lehr ois Tischla, kana Hockn und 4 Joa Karlau
Mit kana Aussicht auf an Job und gnua Marie zum Leben
Und den Ruaß, des Out sogta hoda si lang gnua gebn
Um 10e kummt die Belegschoft, da Peda und da Hans
Da Peda is a Profi, da Hans wüs wean, oba schoffts ned ganz.
Da Ferry baut eam auf:
"Heast Oida muagn liegst in da Sunn"
Damit ers söba glaubt gibts no an letztn Rum

Drei gache Schnaps, drei gschwinde Bock
Weu des wiad heit a lange Nocht
Muagn wiad ollas anders, des wa doch glocht
Muagn noch dera langan Nocht
Weu heit is Nochtschicht

Es is boid 12e und da Ferry is längst auf da Tour
Es wiad am Pooltisch ruhig, de Rosi ziagt de Vuahäng zua
De Jungen gspian se stean jetzt und reißn a boid o
Martern draußn eanre Eisn, de Rosi draht de Musi o
Stoßzeit is, es geht auf hoiba zwa
De letztn san jetzt aufgwocht, hängan an da Bar
Grell gschminkte Weiba, rauschige Freier
Vü ausgleierts Lochn, vü nimma Dawartn

"Dei Stammgast", sogt d' Rosi und schaut auf die Uhr
"Mochs auf de Gschwinde, i hob heit no wos vua"
Und die Lore, die fia Leit mit vü Phantasie
Ausschaut wia 12e, wia oids echt is sogts nie
Schaut dazua, daß sa se zu ihra Kunschoft hockt
De wos sie dann mit saure Drops ins Hintazimma lockt
Und fia anderthoib Blaue, sofort und in bar
Spüts fia den Herrn, der ned do heapaßt auf keusch und klaa

Weu es gibt nix, wos sie ned mocht
Heit in dera langan Nocht.
Weu sie hod Nochtschicht

Draußn wiads scho hell, es is boid in da Frua
Do kumman Ferry und Co von da Tour retour
12 Farb-Portables sans, de Rosi mant: " I wia a Noa."
Dann pockts mit au, zaht, zählt und zoit de Woa

Es is a Wahn des hods echt brocht
H eit in dera langan Nocht.
In dera Nochtschicht