|
|
|
TANKSTÖ (1)
(M: W. Resetarits/T: G. Brödl)
Zhaus is a Remis
Nix wo i bleibn wollt auf ewig
I glaub, so an Plotz den find i nie
Zhaus bin angmeldt
Zhaus brenn i mein Zins
Und wann i z´schwach bin zum Furtbleibn
Dann leg i mi zhaus a bißl hin
Oba sollt mi wer frogn
Heast wo gheastn hin
I tät sogn
I ghea hin wos mi hintrogt
Weu durt wo i zhaus bin
Bin i ned daham
Na, wo i zhaus bin
Bin i ned daham
DA VAN, DA JACK, DE GEORGIA, DE GLORIA & I
(M: W. Resetarits/T: G. Brödl)
Sie woa fuat und i woa wia daschlogn in meine nockertn vier Wänd.
Bin ausse mit der letzten Kroft, hob ned gwußt wohin.
Und triff in dera Hüttn den Van (an Iren) und den Jack aus Tennessee.
Da Van der hod wos gsunga, da Jack und i hobn wos untanumma gengan Durscht.
Do kummt a rothaariger Engel, uh, dea woa ma echt ned wuascht.
Da rote Engel sogt: "I haaß Georgia."
Sog i: "Ah, Georgia on my mind..."
Drauf sie: "Blitzkneißa, ruaf mi an. I glaub, mia 2 mia werdn no Freind."
I loß mi ned lang bitten, oba es leit und leit und kana do.
Oiso hock i mi wieda zu ihr und sog: "Heite ned mei Tog ...
Und Du haaßt wirklich Georgia? Wia kummt ma bei uns zu so an Nam?"
Sogt sie: "Peckst no a Runde? Dann haaß i Gloria."
Zirka 30 Runden späta warats langsam Zeit zum Gehn.
I gib dem Kellner an scheen Schmattes, und er hilft ma beim Gradstehn.
Dann draußn auf da Stroßn suach i noch mein Wogn.
A 57er-Chevy, glaub i, aber i kanns heit nimma sogn.
De Georgia lahnt se daweu zuwe, daß mi der Schwindel packt.
Muaß mi sofurt bei ihr stützen, bevuas mi aufs Pflosta prackt.
Dann san ma in an Taxi und draußt wochsn kane Bam.
Do san nur Himmel, Stern und Stana, und der Taxla der wü ham.
Mia liegn vua dera Aussicht. Auf amoi liegn ma neben sooo ana Kaktee.
Da Taxla mocht an Abgang, und fäult: "Mi halts es ned am Schmäh!"
De Georgia rennt im klanan Schwarzn, auf solche Absätz durchn Sand.
I renn ihr noch und frog mi: Trogt de bei solche Ausflüg immer ihr bestes Gwand?
De Sunn kommt und a Zug kummt und im Viehwagon is no wos frei.
Mia steign zua und hobn zum Nulltarif a batzn Hetz im Heu.
Später schau i amoi ausse, is do a Schüdl: "Georgia" oder so.
Do sogt de Gloria zur Georgia: "A Station no und mia san do."
I versteh nur Bahnhof und werd auf amoi furchtbar miad.
Wia i eintunk an ihra Schulter frog i: "Seit wann san ma denn zu dritt?"
I woch auf, do is de Sunn im Geh und de roten Engeln de san fuat.
Loßn mi do liegn, poschn o ohne a anzigs Wuat.
I renn no 1000 Kilometa zruck in de Bar, wo Van und Jack no auf mi wartn und
ruaf de Georgia an.
I sog: "Georgia, heast, Gloria, wo bleibstn?" I hob glaubt ..."
Sogt sie: "Was soll das? Ich lieg noch im Bett. Und wer sind sie überhaupt?"
uuh, Georgia... uuh, Gloria...
DE BESTE ZEIT
(M: W. Resetarits/T: G. Brödl)
Hockt se weg mit sein Achtl, fangt nach drei an ins Redn.
Ned laut und ned deutlich, des geht schwa ohne Zähnt.
Er mermpelt dahea, daß de Zeit zu schnö varennt.
I kumm öfta vuabei am Weg Schank-Heisl und retour.
Er hod sei sechstes Achtl, sogt: "Vastehst, bleda Bua?"
Sog i. "I vasteh ollas." Sogt er: "Du vastehst an Schas.
I woa da Schnellste von olle. I woa amoi a Jas.
Europamasta. Rücken und Brust.
Auf 200 Meta olle vaputzt.
Olle vablosn, bis 38.
Dann einzogn und furtgschickt schnölla oistas kneißt.
A Loch in da Lungen seit 54 Joa.
A Joa lang a Jas und da Rest fia de Hoa.
Nix schwimmt so schnö wia de eigenen Fö.
So schnö kannst garned sei, is a scho vuabei.
Nix schwimmt so schnö wia de eigenen Fö.
Schau mi an, schau mi an...
Schau mi an, schau mi an..."
Vom Wirtn de Oide mant: "Sog Miss Dorothee."
Wann da Oide auf Kur is, hods ihrn grimmigen Schmäh.
Kriegt a Farb von de Stamperln, auf des de Stammgäst vazaht.
Dazöht wia sie woa, bevuas oid woa und blad.
Zwischen Popcorn und Schnitten a Büdl an da Schank.
Sie im Bikin am Podestl am Strand.
Miss Wörthersee. A Bonbonniere.
A Strumpfreklam. Gratis am Meer.
Dort wochst er zuwe, mocht auf Wöd.
Sie schenkt eam ollas. Er wü nua des Göd.
Jetzt sixt sie hackeln, seit guade 30 Joa.
Und eam sixt ihr zuaschaun. Und des sixt ihr an.
"Nix rennt so schnö wia dei beste Zeit.
So schee kannst garned sei, is a scho vuabei.
Nix rennt so schnö wia dei beste Zeit.
Schau mi an, schau mi an ...
Schau mi an, schau mi an ..."
REISS DI ZSAMM
(M: H. Pierron/T: G. Brödl)
Moch ned so a Gsicht
Jetzt reiß di zsamm heast
Moch ned so a Gsicht
Es kummt hoid vua
Daß ma den Woid vua lauta Bam ned siecht
Häng ned so do
Häng di ans Telefon
Jetzt häng ned so do heast
Häng di ans Telefon
Ruafs doch au
I wett, sie wart drauf scho
Reiß di zsamm
Reiß di zsamm
Ruafs doch au
Reiß di zsamm
Reiß di zsamm
Ruafs doch au
Jetzt pock di zsamm
Zahl und fahr zu ihr
Pock di zsamm heast
Zahl und fahr zu ihr
Reiß di zsamm
Trink aus und fahr zu ihr
Kauf unterwegs an Buschn Blumen
Und leg ihrn vua de Tia
Oda kauf am Weg a Bonbonniere
Sog ihr du kniast vua ihr
Reiß di zsamm
Pock di zsamm
Und fahr zu ihr
Reiß di zsamm
Pock di zsamm
Fahr zu ihr
ÜBA MI LOSS I NIX KUMMA
(M: S. Bernheimer, E. Buchebner, C. Eigner, R. Guggenbichler,
W. Resetarits, K. Trabitsch/T: G. Brödl)
Is des des Wetta heit
I werd mit jedn streitert
Und ned amoi des mocht ma a Freid
I waaß ned wos i mochn soll
Wo i hinkumm gfallts ma ned
Wos gredt wird mocht mi narrisch
Und i find kan der mi vasteht
I man
Üba mi loß i nix kumma
Wia i bin bin i okay
Nua manxmoi bin i ned i söba
So wia i ma am Hammer geh
I waaß ned wia i sogn soll
Liegts am Vollmond oda wos
I brat eine wia a Bleda
Obwohl i waaß, daß eh nix paßt
I waaß genau wos i mochn sollt
Hamgeh und mi niederlegn
Oba i tua grod des Vakehrte
Steh auf da Saf und dann im Regn
I man
Üba mi loß i nix kumma
So wia i bin bin i okay
Nua manxmoi bin i ned i söba
So wia i auf da Leitung steh geh
Und mia am Hama geh
I bin nimma i söba
Es rennt nimma so wia früher
Do is ollas glegn vua mein Schmäh
Heit wann i wo hinkumm
Hams olle furchtbar eilig
San olle scho im Geh
I waaß genau wos i mochn sollt
Hamgeh und mi niederlegn
Oba i tua grod des Vakehrte
Steh auf da Saf und dann im Regn
I man
Üba mi loß i nix kumma
So wia i bin bin i okay
Nua manxmoi bin i ned i söba
So wia i auf da Leitung steh geh
Und mia am Hammer geh
Und mia am Zager geh
DIE ROTE ANNI & IHR KAVALIER
(M: H. Pierron,
W. Resetarits/T: G. Brödl)
Und jetzt sans groß in da Zeidung, die rote Anni und ihr Kavalier.
Wie er des erschte Mal do woa, hod se no kana wos denkt.
Des woa bald noch Neujoa, Föhn woa und es hod grengt.
Er woa ned uneben, schlank, mit a bißl an Bart.
Hod se do zua Tia ghockt, seine Bier ghobt und gwart.
Die Anni steht seit guade zwa Joa glei vuan am Eck.
In da Passage von dem Fetzentandler, "Modehaus Beck".
Bei so an Hurnwetta schauts öfta vuabei auf a Getränk.
De Nocht hods ihrn Winterpelz ausgführt, a Weihnochtsgeschenk.
Die Anni im silberfuchsenen Mantel mit fuchsrote Hoa.
Wer do ka zweites Moi hinschaut is blind oda a Noa.
De ganze Hüttn hod hingschaut, da Schmäh is grennt.
Oba der bei da Tia hods ausn Pelz gschöt, ganz auf Gent.
Sie hod leise mit eam gredt, hod ganz leise glocht.
Wos ned grod ihr Art woa bis zu dera Nocht.
Sie is nimma zruck in die Hockn, is bis 5e bliebn.
Dann sans nachanand gangen, oba draußt in sei Auto gstiegn.
Do drübn hams eanan Plotz ghobt, glei do nebn da Tia.
Sie mit ihrn roten Spritzer und er mit sein Bier.
De näxtn drei Wochn is des jede Nocht so grennt.
Und jeda herinn hod gwußt, des nimmt ka guads End.
Weu die Anni gheat zum Ernstl und ned zu an von ihre Herrn.
Und wann da Ernstl des merkt, dann könnt eam des stean.
Do woa er a scho do und hod nua zu ihr gmant:
Daß Zeit wa zum Geh, und die Anni hod eam angschaut und gwant.
"Ned kumma deppert", hod er gsogt, "Ned kumma a so.
Gemma, oba heit no, sunst fangst do a Poa o."
Da Kavalier hod auf potschert probiert zum Interveniern.
Do hod da Ernstl gsogt: "Moch Meta, sunst host a Loch in da Birn."
Er is auße mit der Anni, der Kavalier hinten noch.
Hod ned gwußt, wia da Ernstl des mant mit da Birn und dem Loch.
Wos draußn dann gschehn is, kann si kana erklärn.
A Frau nebenan vom Bau hod eam gfundn, do woa a im Sterbn.
Den eignen Fisch zwischn de Rippen, in ana muads Lockn Bluat.
Gsogt hod er nix mehr da Ernstl. Er is no gstuabn beim Transpurt.
Do drübn hams eanan Plotz ghobt, glei do nebn da Tia.
Und jetzt sans groß in da Zeidung, die rote Anni und ihr Kavalier.
Da Kavalier und die Anni warn seit dera Nocht nimma do.
Wia vom Erdbodn vaschluckt, und jetzt büdelns es o.
In an Kaff am Wechsel ham die zwa de Raiffeisen gmocht.
Hams in an gstohlenen Opel mit 300 Flockn auf Italien gschofft.
Auf dem Büdl in da Zeidung hod die Anni platinblondes Hoa.
Drunter steht: Die weibliche Hälfte von einem ungleichen Paar.
Er hod an Magister vuan Namen, sie hod an Strich bei Beruf.
Do steht: Aus blinder Liebe gestrauchelt, schuld is die ausn Puff.
Do drübn hams eanan Plotz ghobt, glei do nebn da Tia.
Und jetzt sans groß in da Zeidung, de rote Anni und ihr Kavalier.
Do drübn hams eanan Plotz ghobt, glei do nebn da Tia.
Sie mit ihrn roten Spritzer, und er mit sein Bier.
Und jetzt schickens a Karten aus Nizza, die rote Anni und ihr Kavalier.
JEDE NOCHT SO UM DE ZEIT
(M. & T: Dave Alvin/ dt. T: G. Brödl)
Amoi bins i, muagn vielleicht Du, dems sogt, zu ihr warats ned weit
Vua a poa Joa hods an gebn, der woa fia sie ihr ganzes Lebn
Wos nimma do is, des suachts jede Nocht so um de Zeit
Jede Nocht so um de Zeit is Allaasei halb so arg zu Zweit
Nachn Namen wird ned gfrogt bei dem, ders heit ham begleit
Wanns redt von da Großen Liebe, steßts mit dia an und nimmt dei Hand
Sie braucht an der ned vü frogt jede Nocht so um de Zeit
Jede Nocht so um de Zeit bleibts allaa und is zu Zweit
Suacht noch was, des nimma is, jede Nocht so um de Zeit
Jede Nocht so um de Zeit mochts es Liacht aus weus es steat
Sogt heite mia, muagn vielleicht dia, daßd fast genauso bist wia er
Sog am besten nix wannst gehst. Noch dera Nocht gibts eh ka Muagn
Weu du bist ned der dens braucht, jede Nocht so um de Zeit
Jede Nocht so um de Zeit bleibts allaa und is zu Zweit
Du muaßtas halten wanns dann want, jede Nocht so um de Zeit
Du muaßtas halten wanns dann want, jede Nocht so um de Zeit
FIA MI WA DES KA LEBN
(M: G. Herrnstadt, W. Resetarits/T: G. Brödl)
Du bist auf fix und i auf "Wea ma sehn"
Waaßt heit genau wost muagn tuast, i waaß heit nua ans:
Wos ma taugt werd i ma gebn
Na, fia mi wa des ka Lebn
Auf in da Frua, se um 10e niederlegn
I waaß, des is des Gheatsi
I waaß a, daß i mi kenn
Na, fia mi wa des ka Lebn
Wanns eng wird mitn Gerschtl wird gach ans aufgstellt
Wann i wos wü, dann wü is glei
I gib ma ned de Warterei bis ana mia wos schenkt
Heit oda nie, i bin so frei
Na, fia mi wa des ka Lebn
Ois wolln vom Lebn und se nix davo gebn
I waaß, des is des Gheatsi
I waaß a, daß i mi kenn
Na, fia mi wa des ka Lebn
Na, fia mi wa des ka Lebn
Auf in da Frua, se um 10e niederlegn
I waaß, des is des Gheatsi
I waaß a, daß i mi kenn
Na, fia mi wa des ka Lebn
I WÜS GOANED WISSN
(M: W. Resetarits/T: G. Brödl)
Ned so genau
I waaß mehr ois guad is
Wann i da in de Augn schau
Du sogst: Es woa nix und es wird nix sei
Und es is ois ned so wiast glaubst
Ma derf si do mit wem no guad vasteh
Ohne zum frogn, obstas erlaubst
Du sogst: Es mocht nix wanns heit späda wird
Weu du host söba vü zum tuan
Und wanns heit ned is, dann is a ka Malheur
Na, dann sehn ma uns halt muagn
I wüs garned wissn
Ned so genau
I waaß mehr ois guad is
Wann i da in de Augn schau
Du sogst, do wa wos, wos i wissn sollt
Do sollt ma drüba redn
Es warat ois ned so leicht zum Erklärn
Oba du waaßt, i werd des scho vastehn
I wüs garned wissn
Ned so genau
I waaß mehr ois guad is
Wann i da in de Augn schau
A NEICHE HAUT
(M: H. Pierron, W. Resetarits/T: G. Brödl)
Hod eana ollas zagt bis 2
De hinterm Glas san voll gstanden
Jetzt steht ana nebn ihr an da Bar
Und sogt: "Rikki-Baby, wos trink ma?"
Und toppts dabei o mit de Augn
Sie sogt: "Sauf dein Spritzer allanich."
Sogt er: "Naunau, vielleicht derf ma no schaun."
Die Rikki schaut eam ins Gsicht
Daß eam glei ois vageht
Die Rikki schaut eam aufd Hosen
Daß er sich umdraht und geht
"Waaßt wos i brauch heit
Ned no an der schaut
Wos i ganz dringend brauch heit
Wa a neiche Haut
A neiche Haut
Die leg i ned in de Auslog
Die gheat mia ganz allaa
Die wird herzagt wem i wü
Und wanns na is, is na
Die hod kane Fleckn und Toppa
Von 10.000 Augn
Wos di anstiern und ausziagn
Und nimma zum Wegbringa san
Waaßt wos i brauch heit?
Ned no an der schaut
Wos i ganz dringend brauch heit
Wa a neiche Haut
A neiche Haut
Und ned no an der schaut
GANZ SCHEE ALLAA
(M: S. Bernheimer, K. Trabitsch/T: G. Brödl)
Sixt nix wia de Nocht und an, der pickt an an Bam
In dem Hotel is scho finsta, oba du host a Glück
Da Portier hod no a Zimma, da Automat deine Tschik
Und dann liegst do und drahst den Radio an
Zündst da an Tschik an und fühlst de ganz schee allaa
Die Meisten ham an Herrgott, du host ned amoi an Plan
Woast ganz lang ganz weit fuat und jetzt wüst wieda ham
Oba du waaßt ned zu wem, du waaßt ned wohin
Und wer di no kennt und obs wo gwart ham auf di
Und dann liegst do und drahst des Liacht wieda an
Raukst da an Tschik an und fühlst de ganz schee allaa
Ganz schee allaa
Muagn dann hockst an da Bar und host vua dia des Telefon
Du wöhst de oidn Nummern, oba kana geht dran
Überall rennt des Bandl und sogt: Kana daham
Du host do amoi Freind ghobt und waaßt nimma wos san
Und dann huckst do und ruafst nirgends mehr an
Weu du bist fremd do und fühlst de ganz schee allaa
Ganz schee allaa
Du triffst die Frau von fria, oba de is schwa im Stress
Du fangst an zum Frogn, do sogts: "Oida, sei ma ned bes ..."
Dann sogts: "Und wia gehts da sunst? Gehts da sunst eh guad?"
Du zahlst no gach a Runde und dann is a scho fuat
Und du huckst do und tuast ois wia wann nix wa
Zündst da an Tschik an und fühlst de ganz schee allaa
Dann fahrst durch die Stroßn, wost fria gwußt host wos rennt
Oba es nix mehr wias woa, und do is kana wos di no kennt
Du bist nimma von do und du host do nix mehr valuan
Die an ham die vagessn, fia de andern bist gstuabn
Und du foast o und tuast ois wia wann nix wa
Daham ois Fremda do is ma ganz schee allaa
Ganz schee allaa
ZART WIA A ENGL
(M: H. Pierron/T: G. Brödl)
I wollt nua mit ihr leben um jedn Preis
Noch an Joa wia im Himmel woas auf und davon
Sie woa zart wia a Engel und wos gsogt hod woa glogn
I woa fia sie nia ollas, do hods ganz andere gebn
De ham de Marie ghobt und i nua mei Lebn
I hobs weghaut und aufgebn, bin 1000 Moi gstuabn
Sie woa an andern sei Engel, i hob ollas valuan
Zart wia a Engel mit Augn wia Eis
I wollt nua mit ihr leben um jedn Preis
Zart wia a Engel mit Augn wia Eis
I wollt nua mit ihr leben um jedn Preis
I hobs gsuacht und hobs gfundn und hob gwußt es muaß sei
Wias do liegt nebn an andern, ois wa ollas vuabei
In da Fruah woas, ganz zeitlich und da Himmel bluatrot
Do is glegn wia a Engel und auf amoi woas tot
Zart wia a Engel mit Augn wia Eis
I wollt nua mit ihr leben um jedn Preis
Zart wia a Engel mit Augn wia Eis
I wollt nua mit ihr leben um jedn Preis
DA POLIFKA-RUDL & DA ENGL MITN DRECKIGN GSICHT
(M: W. Resetarits/T: G. Brödl)
I lahn mitn oidn Herrn Walker auf an Plausch an da Bar.
Do mochts an Poschaund an Tuscha und es gibt a muads Gschraa.
Es is da Polifka-Rudl, und er
kummt durch de zuagmochte Tia im Retourgang durchs Milchglos und schleift se ein nebn dem
oidn Walker und mia.
Da Polifka-Rudl is normal sanft wia ein Lamm, a stiller Witwer und
Zecher und so dürr wia mei Dam. Er woa im Handl-Kino guade 20 Joa Billeteur, wechselt
jetzt Zehner in da Peepshow und er heat a scho schwer.
"Rudl, heast", plärr i. "Wos isn gschehn?"
"Frog mi ned", keucht er. "I hob sowas no ned gsehn."
Er scheppert wia a Kluppensackl, sogt: "Mia gehts anan Krogn!"
"Ahwos, Bledsinn", sog i. "Jetzt red scho!"
"Huach" , sogt a, "Oba ned weitersogn...bitt´ dich, heast.
I kumm heit aus da Hockn, eh scho z´spod, hob no gwart auf die Rikki, weus
heit Spätschicht hod.
A fesche Gretl die Rikki, kennstes eh. Oba kennst ihr neiche Nummer? Weltspitze, ohne Schmäh.
Wos wollt i sogn? Ahjo.
I tummel mi ham, weus im Kabel die "Unbestechlichen" spüd,
do siech i an Wogn der wos ma folgt, ohne Nummernschüd. A so a Gefährt, a richtige Limousin.
I schau und i schau, und wer glaubst sitzt drin?
Nau rat. Auf des kummst ned. I hob glaubt, i spinn. Da James Cagney, und des heite und mitten in Wien.
Des woara , des schwör i, weu bei dem kenn i mi aus. Mein Cagney den kenn i, do loß i kan aus.
"Chicago", kennst? Spitzenfilm. Hundert Moi gsehn. "Angels with dirty Faces".
Im Original. Wegen dem Cagney sein Reden.
Er woa ka a Guada und er woa a ka Büd von an Mann. Oba wan na so gredt hod, auf
Englisch, uh, do scheißt di an ..."
Sog i: "Red weida Rudl!", drauf er:
"Wo woa ma grod? Ahjo. I hob oiso gschaut. Kummt ana
von hint, der wos ma voll ana am Buckl haut.
I fahr umadum, is des der Flurschütz-Tone.
Wirst ned kenna. Der woa vuam Kriag a so a Schwimmkanone. Er hätt jetzt an Platz im Heim
in der Ölweingassn,sogt a, über sein Buam, der is a hecheres Viech bei die Genossen. Da Tone
redt und redt, er is a bißl a Lamentiera, endlich bring i eam an und geh die Dings-Gassn
vira, - is do wieder de Limousin.
Schwarz wia die Nocht, mitn Cagney drin. I siech wia er locht, sei gfährlichs Lochn.
Jetzt steigt er aus. Wos soll i mochn? I hea den Cagney wos sogn, auf Amerikanisch,
do hau i die Nervn weg und renn wia panisch. I renn und er rennt, jo und dann bin i
gfalln.
Oba nix weidasogn, bittich, tua ma den Gfalln..."
I denk ma, den Rest von sein Schwank soll er dem oidn Walker dazöhn. Bei dem
is er guad aufghobn und i werd daweu gehn. I sog no: "Ois halb so wüd, Rudl",
und bin scho draußt bei da Tia, do siech i sei muads Limousin und a schwarzweißer Cagney
baut se auf vua mia.
Er sogt: "Des bleibt jetzt unter uns und jetzt geh brav ham. Denk da ned z´vü, denk da
des is ollas nua a Tram."
Oba i denk an den Rudl, do steßt er mi weg von da Tia und sogt:
"Do is no a oide Rechnung offen zwischen dem Rudl und mir."
ZWA LÖCHER STATT D'AUGN
(M: G. Herrnstadt/T: G. Brödl)
Und a Gruabn stattn Mund
Und se fühln wia a prügelter Hund
Zwa Löcher statt d´Augn
Und a Gruabn stattn Mund
Und se fühln wia a prügelter Hund
Und se fühln wia a prügelter Hund
Vorm Fenster stellns de Sunn auf
Lackiern den Himmel blau
Blasn Morgenluft durchd Landschaft
Schaltens Vogelzwitschern an
Es is kurz vua 1/2a 6e
No ned Tog und nimma Nocht
I kräu ins Bett und frog mi
Wos hod da de Nocht brocht
Zwa Löcher statt d´Augn
Und a Gruabn stattn Mund
Und se fühln wia a prügelter Hund
Zwa Löcher statt d´Augn
Und a Gruabn
Und se fühln wia a prügelter Hund
Und se fühln wia a prügelter Hund
TANKSTÖ (2)
(M: W. Resetarits/T: G. Brödl)
Zhaus is a Remis
Nix wo i bleibn wollt auf ewig
I glaub, so an Plotz den find i nie
Zhaus bin angmeldt
Zhaus brenn i mein Zins
Und wann i z´schwach bin zum Furtbleibn
Dann leg i mi zhaus a bißl hin
Oba sollt mi wer frogn
Heast wo gheastn hin
I tät sogn
I ghea hin wos mi hintrogt
Weu durt wo i zhaus bin
Bin i ned daham
Na, wo i zhaus bin
Bin i ned daham