I WAAS GNUA
(M: K. Trabitsch/T: G. Brödl)

Sovü Leit san so sovü gscheit und wissn ois bessa
Sovü Leit san so sovü gscheit, san in ollas Dokta und Professa
Sovü Leit san sovü weit, do passiert im Hirn ka Föhla
Sovü Leit san sovü weit, nua durt wos Herz schlogt rennt a Zöhla

I waaß ned wos muagn is
I waaß ned wos tuan, daß ma ganz weit vuan is

Oba I WAAS GNUA, daß i waaß wos i wü
Und I WAAS GNUA, daß i waaß wos i füh
Und I WAAS GNUA, daß i waaß wos i brauch
Und i brauch di
I brauch di
I brauch di
I brauch di

Sovü Leit san sovü gscheit, oba nix wird deswegn bessa
Sovü Leit san sovü gscheit und liegn mit 40 Jahr untan Messa
Sovü Leit san sovü weit, ham a jedes Rennen gwunna
Sovü Leit san sovü weit, oba kennan se söba nix vagunna

I waaß ned wos muagn is
I waaß ned wos tuan, daß ma ganz weit vuan is

Oba I WAAS GNUA, daß i waaß wos i wü
Und I WAAS GNUA, daß i waaß wos i füh
Und I WAAS GNUA, daß i waaß wos i brauch
Und i brauch di
I brauch di

Oba I WAAS GNUA, daß i waaß wos i wü
Und I WAAS GNUA, daß i waaß wos i füh
Und I WAAS GNUA, daß i waaß wos i brauch
Und i brauch di
I brauch di
I brauch di
I brauch di

RESERVIERT FIA ZWA
(M&T: Stegall/Craig/dt.T: G. Brödl)

Bin wieda öftas unt beim Wirtn
Auf mein Plotz neman Kamin
Und huach de Schloga aus da Jukebox
Und sinnier so vua mi hin
Wann ane kamat und mi frogat
Ob bei mia a Plotz frei waa
I miaßt sogn

I sitz do allaa, oba es is RESERVIERT FIA ZWA

Olle Freind de sog ma
Oida, vagiß, des is vuabei
Obwoi i waaß se manans guat mit mia
Waaß a des kann ned sei
Und i wü nimma drüba redn
Wü so tuan wia wanns wia fria waa

Drum sitz i do allaa und es is RESERVIERT FIA ZWA

Loßts mi afoch nua in Friedn
Loßts mi afoch nua in Ruah
Loßts mi mit dem allaa wos woa
A poa Tog no und i siech wieda kloa

Loßts mi afoch nua in Friedn
Loßts mi afoch nua in Ruah
Loßts mi mit dem allaa wos woa
A poa Tog no und i siech wieda kloa

I wü nimma drüba redn
Wü so tuan wia wanns wia fria waa

Drum sitz i do allaa und es is RESERVIERT FIA ZWA
Drum sitz i do allaa und es is RESERVIERT FIA ZWA

OLLAS WA SO AFOCH
(M&T: B. Payne, P. Barrere, S. Murphy, F. Tackett/dt.T: G. Brödl)

Oiwei de söbe Leia
Jeds Moi wann ma uns sehn
Des is ned recht und die Wöd is schlecht
Und des mit uns erscht recht danebn

Wann amoi de Sunn scheint
Wartst garantiert am Regn
Sog i "Hü" sogst "Hott" Siach i Schwarz, sixt Rot
Und ollas is da a Problem

Daweu wa ois so afoch
Schau de afoch um
OLLAS WA SO AFOCH
Weu ois wost brauchst steht vua dia umadum

Mia 2 hättn wos renna
Dem rennen andre ewich noch
Oba du, du suachst noch da Leich im Kölla
Und fangst noch de Taubn aufm Doch

Wia wärs, kumm endlich aufn Teppich
Vergiß den Prinz mitsamtn Schloß
Vagunn da wost da leistn kannst
Und steig oba von dein hochn Roß

Weu es wa so afoch
Schau de afoch um
OLLAS WA SO AFOCH
Weu ois wost brauchst steht vua dia umadum

Klar gabats no ganz andre
De fian den bessern Schmäh
Oba bei mia host ois wos vua dia steht
Rund um de Uhr, von frua bis spät

I tät sogn: Bevurst no länga überlegst
Und da no einfallt, daßd do besser gehst
Hör afoch auf mit dein Sinniern
Und fang afoch an zum Ausprobiern

Weu es wa so afoch
Schau de afoch um
OLLAS WA SO AFOCH
Weu ois wost brauchst steht vua dia umadum

BLITZGSCHEIT
(M: K. Ritter, K.Trabitsch/T: G. Brödl)

Triff i , Sunntog Nochmittog woas, geh i üba de Gumpendorferstroßn, diese ane entfernte Bekannte, erstaunliche Persönlichkeit. Ah, oiso eigentlich ned vo mia a Bekannte, da Ricky Gold redt imma vo ihr, de wos bei den an Immoblienhai oabeit in da Sechshauserstroßn, mit dem wos a liiert is, wo er, najo, und sie schaut ned guat aus, da Gold hod scho dazöht, der is jo irgendwie ned guat zu ihr, na sog i: "Tschuldign auf ein Wuat gnädige Frau, ah, daß i da wos sog: Oiso huach, pass auf:

Du kräulst am Zahnfleisch scho de längste Zeit
Siech di und frog mi, wann is endlich so weit
Wann stöst an Baum auf und schmeißt eam ollas hin?
Wann überreißt, daß er ned steht auf di?

Gibst eam den klanan Finga
Nimmt er de ganze Hand
Oba machst es nimma
Daunn wird a rotiern am Stand
Drum glaub ma, es waa BLITZGSCHEIT wannst eam anglahnt loßt
Woast lang nua de Blede in sein Spü
Es warat BLITZGSCHEIT wannst den Abgang mochst
A jeda Tog is a Tog zīvü, a jeda Tog is do zīvü

Mochst eam de Hockn, und er casht o
Wannst amoi in de Knia gehst, is a ned do
Waaßt, wannst eam zum Gsicht stehst? Wanns in da Hockn rennt
Oba wuascht wos schiefrennt, es bist du de brennt!

Gibst eam den klan Finga nimmt er de ganze Hand
Oba machst es nimma, daunn wird a rotiern am Stand
Drum glaub ma, es waa BLITZGSCHEIT wannst eam anglahnt loßt
Woast lang nua de Blede in sein Spü
Es warat BLITZGSCHEIT wannst den Abgang mochst
Weu a jeda Tog is a Tog zīvü

Glaub ma, es waa BLITZGSCHEIT wannst eam anglahnt loßt
Woast lang nua de Blede in sein Spü
Es warat BLITZGSCHEIT wannst den Abgang mochst
A jeda Tog is a Tog zīvü, a jeda Tog is do zīvü

Glaub ma, es waa BLITZGSCHEIT wannst eam anglahnt loßt
Woast lang nua de Blede in sein Spü
Es warat BLITZGSCHEIT wannst den Abgang mochst
A jeda Tog is a Tog zīvü, a jeda Tog is do zīvü

Ah, weust du do grod so gehst, sog i, wo gehstn hi, wos mochstn, aso, jo weu warum, i hätt grod Zeit, wohn do glei rechts obe, beim Apollo obe, kann da mei Videosammlung zagn: Da blade Runner und des, an Tee, Kaffee, wost wüst, an russischn Tee hob i a, najo oda a Bier, oda. Aso, mitn Gold, Ricky Gold, aso, na dann Seavas, griaß di! Hawedehre!"

TUAT MA LAAD
(M: E. Buchebner, W. Resetarits/T: G. Brödl)

Du bist voi auf 180
Und i sog Sochn de i goaned man
Jeds näxte Wuat wa jetzt a Föhla
Wos zöht is wos ma jetzn tan

Sama afoch nua staad
Und moch ma uns vü Freid
Sog jetzt ned: Es TUAT DA LAAD
Weu des hod bis muagn Zeit

Sama afoch nua staad
Und moch ma uns vü Freid
I sog ned: Des TUAT MA LAAD
Weu des hod bis muagn Zeit

Wos mia guad können is Besprechen
De ganze Nocht lang diskutiern
Oba, glaub ma, uns gehts muagn vü, vü bessa
Wann ma uns jetzt a bißl gspian

Sama afoch nua staad
Und moch ma uns vü Freid
Sog jetzt ned: Es TUAT DA LAAD
Weu des hod bis muagn Zeit

Sama afoch nua staad
Und moch ma uns vü Freid
I sog ned: Des TUAT MA LAAD
Weu des hod bis muagn Zeit

Vageß ma afoch wos uns steat, uns steat
Des is de Nocht heit echt ned wert
Und wanns so bleibt bis muagn
Moch i ma um uns 2 kane Suagn

Sama afoch nua staad
Und moch ma uns vü Freid
Sog jetzt ned: Es TUAT DA LAAD
Des hod bis muagn Zeit

Sama afoch nua staad
Und moch ma uns vü Freid
I sog ned: Es TUAT MA LAAD
Des hod bis muagn Zeit

NIMMA SCHNÖ GNUA
(M: K. Trabitsch/T: G. Brödl)

Dei Jean is vom Diseina
Mit de Bock kennat andare fliagn
Oba du gehst jetzt boid am 50a
Und muaßt noch jeda Stiagn pausiern
Noch jeda Stiagn pausiern
Du kennst de Hockn wia ka zweita
Du manst, a jeda kriagt sei zweite Chance
Du sogst, des Singa mocht de jünga
Und es is ois im Lebn wost kannst
Oba des Gschäft is nimma so wia fria
Und du bist no vom oidn Schlog
Plogst de o fia zīwenig Gerschtl
Glaubst, es kummt no amoi dei Tog

Fias schnölle Göd
Bist NIMMA SCHNÖ GNUA
Fias große Glück
Woast oiweu zīklaa
Du host es ned darennt
Du host es ned daklengt
Und jetzt:
San längst de Näxtn dran
San längst de Näxtn dran

Wannst heit a Nocht lang durchmochst
Bist drauf a Wochn lang marod
Und wann de die Jüngern damit höscherln
Dasaufst dein Blues in Cola rot
Rennt a Trend rennst hinten noche
Wannst eam einholst is scho zīspät
Woast a halbs Joa lang da Kaiser
Glaubst seit 30 Joa, daß no amoi geht

Fias schnölle Göd
Bist NIMMA SCHNÖ GNUA,
Fias große Glück
Woast oiweu zīklaa
Du host es ned darennt
Du host es ned daklengt
Und jetzt:
San längst de Näxtn dran

Fias schnölle Göd
Bist NIMMA SCHNÖ GNUA,
Fias große Glück
Woast oiweu zīklaa
Fias schnölle Göd
Bist NIMMA SCHNÖ GNUA,
Fias große Glück
Woast oiweu zīklaa

HERZERL IN DE AUGN
(M: K. Trabitsch, C. Eigner/T: G. Brödl)

Sog, Oida, is dia no zum Höfn
Oda is scho Hopfn und Malz valuan
Du bist nua no da Schottn von dia söba
A in da Bude mocht ma se scho Suagn
Sog, Oida, is dia no ned aufgfalln
Die hod de einkocht, einzogn wia nua wos
Hod da dein Biß, dein Bock, dein Beidl gnumma
A wüda Hund, jetzt sitzt bei ihr aufn Schoß

Wos ma da sogt, wos ma da rat
HERZERLN IN DE AUGN, Stöpseln in de Ohrn
Sog, wos is aus dia wuan
HERZERLN IN DE AUGN, Stöpseln in de Ohrn
Oida, wos is aus dia wuan

Waaßt, Oida, am Anfang san de Triebe
Oba de legt se schnölla ois ma glaubt
Dann liegst nebn ihr, ned weust so vua ihr liegst
Sondern weus da nix anders erlaubt

Wos ma da sogt, wos ma da rat
HERZERLN IN DE AUGN, Stöpseln in de Ohrn
Sog, wos is aus dia wuan
HERZERLN IN DE AUGN, Stöpseln in de Ohrn
Oida, wos is aus dia wuan

Loß di ned ein auf wos
Dest dann ned dablost
Wos da ois wost host
Nämlich dei Freiheit kost

HERZERLN IN DE AUGN, Stöpseln in de Ohrn
Sog, wos is aus dia wuan
HERZERLN IN DE AUGN, Stöpseln in de Ohrn
Oida, wos is aus dia wuan
Sog wos is aus dia wuan

DES HAUT MI VIRE
(M: Kombo/T: G. Brödl)

"Nau, wia is de Lage?", sogta
"Eh ollas fest im Griff?
Rennts wias sei soll, Kurtl>br> Oda rennt wos schief?"
"Bin dankbar fia de Froge", sog i
"Wannst ma varatatst werst bist."

"Des tuat nix zua Soche", sogta
"Oba Du bist ned guad beinand
Woa a harte Wochn, gö
Und jetzt bist fest am Sand
Du brauchst wos, des de aufbaut
Und i hätt wos an da Hand

Des haut de vire, bis in da Frua um 4e
Des haut de vire, bis in da Frua um 4e
Anathoib Flockn, Oida
Und Du bist voi dabei!"

"Bin dankbar für die Froge", sog i
"Oba Du vakennst de Lage
Mia reichn drei, vier Viertln
Und de Buam wanns fiedln
Und da Professa wanna lempert
Und wann da Angelface groovt

DES HAUT MI VIRE, bis in da Frua um 4e
DES HAUT MI VIRE, bis in da Frua um 4e

BESSA ALLAA
(M: E. Buchebner/T: G. Brödl)

I hob lang nua glaubt, des wos mit uns is
Is so lang wias is fia olle 2 a Riß
Du host imma gsogt, so langs uns 2 spüt
Is ollas andre hoib so wüd

I hob lang gnua glaubt, mia redn de söbe Sproch
Und daß i mit dia üba de söbn Sochn loch
Oba heit sogst, daßd de die längste Zeit scho frogst
Wost eigentlich no bei mia mochst

Manst ned, bei uns 2 is da Tank ziemlich laa
Und manst ned a, a jeda von uns 2
Forat vü bessa, vü BESSA ALLAA

Wos hama no zum valian, wann ma do nua no gfrian
Uns nua no sekkiern, daß de Fetzn fliagn
Wos hama no zum Valian, wann ma uns nimma gspian
Und nimma aufananda fliagn

I hob lang gnua glaubt, i waaß wos bei uns rennt
Und daß do nix gibt, wos i ned ändern könnt
Oba so wiast heit redst, waaß i nua:
Es is zīspät fia ois, wuascht wos i sog oda tua

Manst ned, bei uns 2 is da Tank ziemlich laa
Und manst ned a, a jeda von uns 2
Forat vü bessa, vü BESSA ALLAA

Wos hama no zum Valian, wann ma do nua no gfrian
Uns nua no sekkiern, daß de Fetzn fliagn
Wos hama no zum Valian, wann ma uns nimma gspian
Und nimma aufananda fliagn

Wos hama no zum Valian, wann ma do nua no gfrian
Uns nua no sekkiern, daß de Fetzn fliagn
Wos hama no zum Valian, wann ma uns nimma gspian
Und nimma aufananda fliagn

(Ausn) GSPUSI (is wos Ernstes wuan)
(M: K. Trabitsch, R. Guggenbichler, E. Buchebner, W. Resetarits/T: G. Brödl)

I könnt ned sogn es fehlt ma wos
Obwoi natürlich woas amoi gaunz anders
Mia ham uns angschaut und mia ham gwußt
Des mit uns Zwa is wos Bsonders

Ausn Anschaun is des Fernschaun wuan
Oba i man, ma is jo sowas von erledigt
I bring den Gschropp ins Bett, sie wü ihr Ruah
Des is wias Amen noch da Predigt

Ausn GSPUSI is wos Ernstes wuan
Und jetzt könn ma nimma lochn
Weu mia ham hoit jetzn andre Suagn
Do bleibt ka Zeit fia blede Sochn

Ma tuat hoit des wos taun wern muaß
So wia des olle mochn
So wia des olle mochn

I wü ned sogn es steat uns wos
Obwoi natürlich hod ois sein Hakn
Ma kummt scho se ziemlich eingsperrt vua
Sie mehr wia i, weu i hob jo no mei Hockn

Ausn Valiabtsein is a Liabsein wuan
Ma redt se zsamm, ma arrangiert se
Amoi im Monat as Fuatgehn zsamm
Des bauts wieda auf und des rentiert se

Ausn GSPUSI is wos Ernstes wuan
Und jetzt könn ma nimma lochn
Mia ham hoit jetzn andre Suagn
Do bleibt ka Zeit fia blede Sochn

Ma tuat hoit des wos taun wern muaß
So wia des olle mochn
Ma tuat hoit des wos taun wern muaß
So wia des olle mochn
So wia des olle mochn

VATA, MUTTA, KIND
(M: K. Trabitsch/T: G. Brödl)

Im Ö oda in da Fettn
Auf jedn Foi im Zuan
Do is a rabiat wuan
A manxmoi gengan Buam
Wanna eam zīvü platzt hod
Wia hoid Gschroppn rean
Wanns grod de erschtn Zähnt kriagn
Und oft a Nocht lang plärrn

Kinda san oft Gfrasta, hod a gsogt
Quöln de bis aufs Bluat
Und wann da de Hand gach auskummt
Hüft des mehr ois wia jeds Wuat
Oba a freundliche Famülie
Nau, wia haaßens gschwind
Ganz normale Leit hoid
VATA, MUTTA, KIND

Vielleicht a bißl laut hoid
Oba wer hätt se sowas denkt
Daß dea sein eignan Buam daschlogt
Und se drauf am Fenstakreuz dahängt...

Gspitzt woas scho, de Klane
Wos waaß ma, vielleicht woas krank
Ma hods ned vü zum Gsicht kriagt
Manxmoi im Hof unt auf da Bank
Do is dann gsessn mit ihre Pupperln
Und hod se brav allanich gspült
Weu mit dīandern Kinda hods ned dürfn
De woan en Papa oiweu zīwüd

Jetzt spüd de Klane nimma
Jetzt is daham vabliat
Da Vata hods amoi zu oft gnumma
Und de Mutta hod se zīlang dafia geniert
Oba a freundliche Famülie
Nau, wia haaßens gschwind
Ganz normale Leit hoid
VATA, MUTTA, KIND

Vielleicht a bißl eign hoid
Oba wer hätt se sowas denkt
Daß des bei dia im Stock passiert
Und ma nix merkt davo wos rennt
Und ma nix merkt davo wos rennt
Und ma nix merkt davo...

BLUTRAUSCH
(M: Kombo/T: G. Brödl)

Du denkst da nix, gehst a so
Spät is, und aus da Finstan redt di ana deppert o
Kloa redst deppert zruck und sogst: "Oida, kumm, reiß o!
I hob scho Wickln gnua, und Du föhst grod no!"

Und dann sixt seine gelben Augn und de gspitztn Zähnt
Der is im BLUTRAUSCH (oba du kneißt ned o wos rennt)
Der is im BLUTRAUSCH (und scho hod a di daklengt)

Huckst allaa an da Bar mitn sexten 8tel Rot
De Tia geht auf, du schaust no hoibwegs grod
Wost dann so siechst des haut de aus de Bock
Sie setzt se zu dia zuwe und mant: Du warast ganz noch ihm Gschmock

Du sixt kane gelben Augn und kane gspitztn Zähnt
Oba sie is im BLUTRAUSCH (und du kneißt ned o wos rennt)
Sie is im BLUTRAUSCH (und scho hods di daklengt)

De an schaun aus, ois wärns scho längst scho gsturbn
De andern schaun aus, ois kunntns kana Fliagn wos tuan
Oba wanns di nua anschaun host a scho valuan
Host a scho längst valuan

Se san im BLUTRAUSCH (a ohne gelbe Augn und gspitzte Zähnt)
Se san im BLUTRAUSCH (so schnö kaunst goaned schaun und scho homs di daklengt)
Se san im BLUTRAUSCH (und es gibt mehr davo ois wos ma denkt)
Se san im BLUTRAUSCH (I tät sogn, daß jeda grob gschätzt so zwaa, drei kennt)
Se san im BLUTRAUSCH

DAMIT WOS WEIDAGEHT
(M&T: J. Ellison/dt.T: G. Brödl)

Heit woa ma des sexte Moi im Kino
Des zwölfte Moi im Park
Jetzt wüst gach no auf a Eis
Statt daß i da endlich zag

Im Kino haltst di an de Rohscheibn au
Im Park nimmst ned amoi mei Hand
Und nochn Eis do muaßt glei ham
Des is jetzt 2 Wochn lang da Stand

I find jo es waa gscheit
I find a es warat an da Zeit, daß bei uns Zwa
Endlich WOS WEIDAGEHT
Heit no WOS WEIDAGEHT
Daß bei uns zwa heit no WOS WEIDAGEHT

Heit san mia Zwa allaa
Und i bin schwa im Stress
Weu de Oidn kumman sicha fria ham
Und du schaust scho wieda so bös

Schee langsam kenntast wos mochn
Weu gredt host fia heit scho gnua
Du kennst mi haltn so wia vuahea
I glaub des tat uns jetzt ganz guad

I find jo es waa gscheit
I find a es warat an da Zeit, daß bei uns Zwa
Endlich WOS WEIDAGEHT
Heit no WOS WEIDAGEHT
Daß bei uns zwa heit no WOS WEIDAGEHT

Do gingat a Weu wos weida
So mit dia und mia
Warats ned vü gscheida
Wann mas afoch ausprobiern

Es wa bestimmt ka Föhla
Es wa bestimmt ka Föhla
Es wa bestimmt ka Föhla
Weu probieren kost nix

Daß endlich WOS WEIDAGEHT
Mit uns zwa WOS WEIDAGEHT

WANN SES MIA 2 GEBN
(M: R. Guggenbichler, W. Resetarits, K. Trabitsch/T: G. Brödl)

Heit ziagst des neiche Kladl an, des kurze, enge, rote
Malst im söbn Rot de Lippn an, wiast so gehst, weckst sogoa Tote
Heit fiast dei scheenstes Lochn aus, i bin fast nimma zum Dahoidn
Ois wos uns quöd loß ma heit zīhaus. Des ganze Gheatsi kennts eich ghoidn

Mia ham sunst ned vü zum Lochn, oba ganz valernt hamas no ned
Es gibt no 100.000 Sochn, fia de is bei uns no lang ned zīspät

WANN SES MIA 2 GEBN
Schaun de Jüngeren ziemlich oid aus
Wann ses mia voi gebn
Stengan de Scheeneren schee danebn

WANN SES MIA 2 GEBN
Schaun de Jüngeren ziemlich oid aus
Wann ses mia voi gebn
Stengan de Scheeneren schee danebn

I hob an jedn Schriat parat, wann i zu dia sog: "Darf ich bitten?
I reiß am Parkett vua dia an muads Spagat, uuuh, do kocht de ganze Hüttn
Wieda zīhaus ziagst des neiche Kladl aus, des kurze, enge, rote
Dann bring ma uns um unsan Schlaf. Mia ham do tausendunda Methode

Mia ham sunst ned vü zum Lochn, oba ganz valernt hamas no ned
Es gibt no 100.000 Sochn, fia de is bei uns no lang ned zīspät

WANN SES MIA 2 GEBN
Schaun de Jüngeren ziemlich oid aus
Wann ses mia voi gebn
Stengan de Scheeneren schee danebn

WANN SES MIA 2 GEBN
Schaun de Jüngeren ziemlich oid aus
Wann ses mia voi gebn
Stengan de Scheeneren schee danebn
De Scheeneren schee danebn
Stengan de Scheeneren schee danebn

Live aufgenommen während eines Townes Van Zandt Konzerts in der Muffat-Halle, München, im November 1994.
Townes Van Zandt: Gesang, Gitarre, und als Gast "Easttrain-Kurt" Kurt Ostbahn: Gesang, Mundharmonika

AT MY WINDOW / LIAGN & LOCHN
(M&T: Townes Van Zandt/dt.T: G. Brödl)

At my window
Watching the sun go
Hoping the stars know
It's time to shine
Day dreams
Aloft on dark wings
Soft as the sun streams
At days decline

Livin' is laughin'
Dyin' says nothin' at all
Babe and I lyin' here
Watchin' the evenin' fall

Mia san eigsperrt
A jeda wo a hingheat
Wo ois so, is wia sa se gheat
Und sunst is ned vü
Es woa nie ausgmocht
Daß des an wia uns wos ausmocht
Daß a goa no aufwocht
Und auf amoi wos wü

Dei Liagn und mei Lochn
De megn se und de hom wos mitanaund
Mei Liagn und dei Lochn
De megn se und de hom heit wos mitanaund

Well, three dimes
Hard lucking good times
Fast lines and low rhymes
Ain't much to say
Feel low and lazy
Feel grey and hazy
Feel far away

Livin' is dancin'
Dyin' does nothin' at all
Babe and I lyin' here
Watchin' the evenin' fall