|
|
|
LOSS OLLAS LIEGN & STEH
(M&T: "Miami" Steve Van Zandt/Steve Jordan/dt. Text: O. Kurti)
I - bin ziemlich schwa lädiert
De Sö marod, de Bana miad
Mia is vü z'vü vü z'gach passiert
Und du - bist ned vü bessa dran
Da zweite Flop min zweitn Mann
Do kiefelst boid a Joa lang dran
Mia pickn do und nix geht weida
Vom vün Sinniern wea ma ned gscheida
Woan ned zum Schlogn ois große Leida
Oba jetzt is hexte Zeit
Heit loß ma ollas liegn & steh
Heit loß ma ollas liegn & steh
Mia 2 ham lang gnua nua draufzoit
Jetzt gibts nix wos uns no aufhoit
Und heit - loß ma ollas liegn & steh
Mia - ham lang gnua lamentiert
Ham uns vakräult & nix riskiert
De längste Zeit nix mehr gspiat
Oba heit san mia 2 dahin
Wuascht fia wia lang, wuascht wohin
Fia uns 2 is no ollas drin
Auf Wunda Warten des könn ma scho
Jetzt moch mas söba, reiß ma o
Ois wos uns aufhoit loß ma do
Auf wos wart ma no
Heit loß ma ollas liegn & steh
Heit loß ma ollas liegn & steh
Mia 2 ham lang gnua nua draufzoit
Jetzt gibts nix wos uns no aufhoit
Und heit - loß ma ollas liegn & steh
KANE GUADN
(M: Chefpartie/T: O. Kurti)
A jeda kennt die Plog
Oba des schert de Partie an Dreck
De reit ei am höliachtn Tog
Beim Chef dakennst scho an da schwoazn Brilln
Daß ea nua das Böse mog
Er is da beste Freind vom Shuffle-King
Neben eam reit da Prinz, dem King sei Kind
Und des Weibsbüd nebn eam links
Des is a mit ihre Messa gschwind
Und i sog eich wieso dea min Klavier so gfährlich grinst
Weu ea mit jedem Blattl gwinnt
Na, des san kane Guadn
Se tuan de Leit vazahn
Se störn die Zucht und Ordnung
Min schiach Redn und laute Gitaan
Se mochn de Nocht zum Tog
Mochn Tanz und fian se auf
Grod ois waans do bei uns daham
I sog eich: Varammelts fest de Tian
Nogelts de Fensta zua
Vasteckts Frau, Tochta und Kusin
Und paßts guad auf aum Buam
Weu de Partie is in da Stodt
Und gibt vua muagn ka Ruah
Bsundas da Horak loßt nix aus
Des sixt eam scho von da Weidn aun
Und hinter der Maske des Galans
Do steckt des Gfrast, da Romeo
Bis de Bagasch muagn aus da Stodt is
Hama de Höll auf Erden do
Na, des san kane Guadn
Fressen und saufen uns no arm
Ham kan Respekt vua ana Sperrstund
Fia de bleibt bis in da Frua de Kuchl woam
De ham kan Respekt vua goanix
De hoidn Gott und de Guadn auf da Wöd ihr Lebtog lang fia
Narrn
Jo, so sans! Kane Guadn!
Huachts wos i Euch sog!
Und bets zum Himmelvata
Daß a uns a näxtes Moi vaschont von dera Plog!
Lord have mercy!
ECHT SUPER
(M&T: Billy Falcon/dt. Text: O. Kurti)
Glühst an mia vuabei in dein Merzedes Benz
Vua deina Villa wart a zweita
Damit jeda siecht: Uhhh bei dem rennts!
De Gattin is beim Tennis
De Gschroppn in da Schul
Kummst ham, es Haus is laa
Schaust auße aufn laan Swimming Pool
Schaust durch dei super Fensta
Auf dein super Wogn
Haust de aufs super Bett
Drahst de super Anlog an
Host kan wos da zuaheat
Drum host scho lang nix mehr zum Sogn
Do is wos goaned super grennt
Ned super grennt
I huck in dera Rostlaubn, an oidn Ford Eskort
Waaß ned: Is des Fluachn oda es Guad-Zuaredn
Daß de Schüssl no imma foat
Und du bist da bei mia
So nah i kann di gspian
Und des wos uns 2 zsammhoit
Daß uns nix & niemand aufhoit
San kane super Fensta
Des is ka super Wogn
Des is ka super goanix
Des kannst ma glaubn
Wann i gspia daß du bei mia bist
Und zu dia umeschau beim Foan
Dann is des ollas wos i brauch
Ka Air-Condition
Ka D-Netz-Telefon
Nua mia 2 in dem Boliden
Und unsa Liad im Radio
I schau ausn Fensta
Und i loch ma an Ast
Wiast an uns vuabeiziagst
Und neidisch umegaffst
Bei dia is ois super
Oba mia ham ois wos ma braucht
DA DINGS
(M&T: Loudon Wainwright III/dt. Text: O. Kurti)
Wo i grod geh & steh, kummt ana her und kennt mi
Kennt sei weu i in letzta Zeit so oft im Büd woa wia no nie
Schuld is a sehr diskrete Frau, a sogenanntes Gspusi
De Fräun de haßt Karriere und mocht mit mia glatt wos wü
Da Zeitungsstandla vuan am Eck, da Wiaschtla bei da Haltstö
Da Filialdirekta von da Bank san olle nua no fia mi do
De rolln en rodn Teppich aus und hom gach glernt zum Griaßn
Und de Frau Gerti in da Putzerei wü a Büd wo steht: i woa do
Nimma lang und i bin in jedn drittn Haushalt
De charmante Fräun wos schaut auf mi sogt: "Du wirst es no erlebn."
Auf da Stroßn reißts de Leit, dann san sa se ganz sicher:
Jo, se san da Dings, nau höfens ma, und neilich woans im Fernsehen."
I schau ma zua beim Freindlichsei, beim Smalltalk und beim Schmähfian
Damit a jeda vo mia waaß: Des is a Bursch wia Du und i
I schau ma noch: Bald host es drauf wia seinerzeit da Heinzi
Oba mei Fräun de siecht des ziemlich streng, sogt:
"Wüst nix oda wüst mi?"
Mit ihr kumm i in jede Bar ohne an Kreuza in da Toschn
Und es gibt Schaumwein da auf Haus fia de Partie und mi
Mei Büdl in da Putzerei hängt seit heit hinta da Kassa
Do san da Karl Schranz, Mariazell, da Heesters und jetzt a i
Ganz unta uns, i sog wias is: I wolltat nia wos anders
Imma in Funk & Fernshen sei, auf Posta, Büdln und Elpi
Wollt imma scho, daß ma mi kennt und daß olle wissen:
"Se san da Dings, der ausn Fernsehn, da Dings ausn Tiwi."
Mei Gspusi wos den Durchblick hod oba imma eintunkt bei de Soli
Hod ma grod ins Ohr gehaucht, wos jetztn angsogt wa:
I sing scho vü z'lang üba mi, i sollt jetzt wos valosn
A Brilln, an Schal, mei guade Haut, des mocht a jeda Star
I hätt a super Angebot, nehmts an Zettl und an Bleistift
I gib eich jetzn mei Adress, sammas? Here we go...
Anan Dings, Postfach 870, 1150 Wien
Do gibts a Büdl wia in da Putzerei, schwarzweiß und geng Aufpreis
Dazua a echtes Autogramm mit an spezielln "Da Dings woa do"
I bin in dera Stadt aus Stan echt nimma mehr allanich
Mei Fräun de hoit auf mi und jeda hod mi gern
In da Frua woas heit im Stiagnhaus prackt ma ana auf de Schulter
Sogt: "Se san da Dings, nau daß ma einfallt, i kenn Ihna ausn Fernsehn."
7x (DA VAKEHRTE)
(M&T: Dickey Betts/dt. Text: O. Kurti)
7 x host di giat
A nexts Moi, sogst, wiads ned gebn
Weu du bist nua no miad
Zu lang, daß di ausbliat host
Zu vü & zu oft gebn
So lang bist aufgebn host
Jetzt wüst nix mea vom Lebn
& auf amoi steht a vua dia
& du bist nimma allaa
Kriagst ois wost so lang gwoat drauf host
Host auf amoi Kroft fia 2
Auf amoi schaust di wieda a
& wost do sixt is schee
& ois wos bis gestan woa
Tuat auf amoi nimma weh
7 x da Vakehrte
7 x host di giat
A nexts Moi, hast gsagt, wiads ned gebn
& du woast nua no miad
& auf amoi steht a vua dia
& du bist nimma allaa
Kriagst ois wost so lang gwoat drauf host
Host auf amoi Kroft fia 2
ZUCKAGOSCHAL
(M&T: Lowell George/Fred Martin/dt. Text: O. Kurti)
Hod irgendwann sei End
Ma braucht wos wo ma hingheat
De eiganan vier Wänd
I wea nimma vü jünga
Schau heit scho oid gnua aus
Daß ma irgendwann sogn könnt:
I wü nua no z'haus
& du waast mei Zuckagoschal
& i waa dei Bussibär
Mia tätn gmiadlich oid & blad wern
I man wos braucht ma mehr
I hob von ollas gnua ghobt
Auf des a andra ewich wart
Hob nochgschenkt bis zum Umfalln
Hob bei nix & niemand gspoat
Heit hama unsan Garten
Und dea is volla Gladiolen
I hab am Donnerstag mein Stammtisch
Du tätst mi uma 11e holen
Weu mia gengan zeitlich schlafen
Und mia stengan zeitlich auf
I bin dei Schwedenrätsel-Kaiser
Und du bist auf Stricken drauf
I woch auf im Bus & draußt ziagns grod Wels vuabei
& i waaß glei: Wos woa des kann ned sei
Des mit uns des woa vua 100 Joa
Und mia is glei wieda kloa:
I wea weida zigeunan
Weu i nix aunders kann
Und du schickst jeds Joa a Kartn:
Prosit! A von dein Mann
Es is längst nimma woa daß ma glaubt ham
A Nocht lang oda 2:
Mia ham uns,
Mia hom ois
Und de Wöd is winzig klaa
Du woast mei Zuckagoschal
& i woa dei Bussibär
Mia wolltn gmiadlich oid & blad wern
Weu wos braucht ma mehr
MOCH KAN AUFSTAND
(M: Chefpartie/T: O. Kurti)
Woa im 67a-Joa. I foa in da Tramway
Fliagt mi ana an
"Do schau a Beatle"
Und zupft mi an de Hoa
"Mit dera Matrotzn", sogta
"Schaust ned aus wia a Mann
Bist woam, oda a Kummerl
Oda bist olls zsamm?
Dischkutian und nix hackln
Des bringst grod no zsamm."
Ea ratzt mi so lang bis i sog: "Oida, maschia!"
Do reißt ea mia ane und da Waggon applaudiat:
Moch kan Aufstand
Drah kan Füm
Auf solche wia di
Wartens scho drübn
No ned so lang hea
Woa im 86a-Joa
I foa in da Tramway
Hea i wia ana sogt:
"Wannst wos vo mia wüst
Lern zerscht auf deitsch Bitte sogn!"
"In deiner Panier", sogta
"Schaust aus wia ausn Busch
Und waunn ma wo fremd is
Is ma zerscht amoi kusch
Kassiern und nix hackeln
Des kannst daham Knofl-Tschusch!"
So razt ea den andern bis dea frogt: "Bitte was is passiat?"
Do reißt ea eam ane und da Waggon applaudiat:
Moch kan Aufstand
Drah kan Füm
Auf solche wia di
Samma nix haaß do herübn
Es is no ned lang her
I foa grod ham aus Kagran
Steig aus da Tramway
Fliagt mi a Billardschedl an
"Sieg Heil! Kannst ned griaßn?
Mia lernan das scho!"
"Bist a reif fias Gas", sogta
"Mit dia waans fria Schlittn gfoan
Der Saustoi gheat ausgmist
No vua dīnäxtn Wahln
Packln mit de Kanaken
Des kannst da dann maln!"
Er is auf amoi zu 7t, wia i sog: "Burli, geh ham!"
I siech dīLeit olle wegschaun und füh mi ganz schee allaa:
Moch kan Aufstand
Drah kan Füm
Auf solche wia di
Solltn se ned zu vü spün
BERTL BRAUN
(M&T: Frank Zappa/dt. Text: O. Kurti)
Grüß Sie Gott, mei Nam is Herbert Braun
Ois da fesche Bertl einst Schwarm aller Fraun
De Zähnt tiptop, im Zeignis nua zwa Dreia
So an Büd von Maun krault jede gern de Eia
Seit da 4. Klass, bei mia in da Schui
Imma Glocknhosen
Imma extra cool
A bei de klassesten Hosn hob i mi nix gschissn
Hams mi ned oschreibn lassn hob is glei niedagrissn
Bei Gott, i bin stolz drauf wos i bin
Von vuan bis hint nua a Gewinn
Und i nimm ois wos i dawisch
Legs olle aufs Kreuz, ziags üban Tisch
Dann de Emanzipationsbewegung
Kost ma vü Spaß und a so manche Übalegung
Sie hod mi überroscht, ah wos red i
Sie hod mi überrollt in Form von da Hedi
Sie hod gsogt: Schluß mit dem Gerede
Du kummst und i bin dabei de Blede
Sie hod meine Nüß im Knacka, do woans nimma dran
I woa plötzlich inkomplett, ka gaunza Mau
Oh Gott, woa i stolz drauf wos i bin
Jetzt gleit i durchs Lebn mit Vaselin
Nimm imma no ois wos i dawisch
Stramme Buam, harte Ladies ziagn mi üban Tisch
Heite bin i unterwegs im Nadelstreif
Moch mein täglichen Riß auf seriös und reif
Arbeit beim Füm, check do de Promo
Loß kan Stich aus, ob hetero oda homo
Wia imma schwer im Trend
Tendier i imma mehr in Richtung S&M
Vaschnürt auf a Packl und hinta Gitta
Schlürf i Natursekt ausn Doppellita
Bei Gott, i bin wieda stolz drauf wos i bin
Mit ana Spindl im Oasch mocht des Lebn erst Sinn
Tua jedn dea mog an jedn Gfalln
Wann a se revanchiert mit zwei, drei Tennisballn
Gott oh Gott bin i phantastisch
Dank da Hedi sowas von elastisch
Mei Nam is Bertl Braun
Schauts mi an, i bin a Traum
Mei Nam is Bertl Braun
Do schauts hea, do is wos draun
Mei Nam is Bertl Braun
Da schauts hea, i bin a Traum
RADL NOCH RIO
(M: Chefpartie/T: O. Kurti)
I fia di fein aus zum Essen
Ins erschte Haus am Plotz
Da Oba bringt da de Kortn
Ziagst en erschten Fotz
Weu Aperitif schreibt ma
Sogst ned mit Vogel Vau
Da Wei do hod ka Blume
Und de Suppn do is lau
I hob ma wos augfangt, des bod i heite aus
Oba es gibt ka zweits Moi, des hoit kana aus:
I forat min Radl noch Rio
Auf Schi noch Athen
Oba a Strapaz wia di
Wü i ma nie wieda gebn
Des faungt jo schee o
Fuaßfrei is gut oba aus
Jetzt hamma 9. Reih Mitte
Du sogst: Des hoid i ned aus
Da krieg ich Paranoia
Da krieg ich Klaustrophobie
Dann raschelt wer mit sein Sackerl
Und schuld dran bin nur i
De Wochenschau rennt no
Du wetzt scho umadum am Sitz
Und wia da Füm dann ofangt
Keuchst: I muß sofort raus aus dea Hitz
I forat min Radl noch Rio
Auf Schi noch Athen
Oba a Strapaz wia di
Wü i ma nie wieda gebn
Es Konzert is scho im Renna
Mia san a hoibe Stund zu späd
Host da 5 Stund überlegt
Wos ma dafia so trägt
Jetzt stehst do im Finstan
Jetzt druckn de Bock
Am Boden kaunst de ned hockn
Do schaut da jeda untan Rock
Do vuan auf dera Bühne
Spüns eanan Rock and Roll
Dia graust vua so vü Peckaln
Sagst: Sowas kummt bei uns durch den Zoll?!
I forat min Radl noch Rio
Auf Schi noch Athen
Oba a Strapaz wia di
Wü i ma nie wieda gebn
KANE FENSTA, KANE TIAN
(M: Chefpartie/T: O. Kurti)
Wia i aufwoch in da Fruah
Kummt ma glei wos spanisch vua
Wia i aufsteh geng zīMittag
Man i mi trifft glei da Schlog
Wia i mei Zimma inspizia
Hods kane Fensta und ka Tia
Kane Fensta, kane Tian
Des kann a nur mia passiern
Denk ma: "A Hallucination
Trink an Kaffee, des gibt se schon."
Wia i so denk an an Kaffee
Hob i scho so a Pitschn vua mia steh
Do bin i ziemlich durchananda
Do bin i ziemlich desparat
Des is a Phänomen
Wos i ned kenn
Ma kriagt ois gschenkt
Wos ma se denkt
Nua kane Fensta, kane Tian
Kane Fensta, kane Tian
Kaum denk i dran zaspringt mas Hirn
Denk i: A Stärkung wa a Hit
Foat ei es Gordon mit Pommfritt
Und denk i: Dazu a kühles Bier
Stehts erschte Seidl scho vua mia
Kane Fensta, kane Tian
Kann mi herinn boid nimma rian
Do kummt a Balln mitsamtn Tor
A Fridschidea, a Thermophor
Wanns ma eifoit stehts scho do
Und des heat ned auf, des reißt ned o
Do bin i ziemlich durchananda
Do bin i ziemlich desparat
Des is a Phänomen
Wos i ned kenn
A blede Gschicht
Wos ma do gschicht
Ma kriagt ois gschenkt
Wos ma se denkt
Nua kane Fensta, kane Tian
OSCHNEIDA
(M&T: B. Carter, R. Ellsworth, Double Trouble/dt. Text: O. Kurti)
Voi auf Druck auf 180
A Heckl duat a Heckl do
Glaubst wannst wo fehlst gehst wem o
De Nasen voi de Nasen vuan
De schöllste Stroßn in de Gruabm
Jo du kennstas - kennst jedn Oschneida
Aug um Aug Zahn um Zahn
Schickst di in Kriag drahst jedn ham
Weus Gschäft is hart es Gschäft is schnö
Muaßt schnölla sei dann bist dabei
Nimmst jedn Oschneida
Jo du schoffstas - Nimmst jedn Oschneida
Wost kenna muaßt is gwinna
Nua des zöht fia di jojo
Und du kannstas - kennst jedn Oschneida
Hart auf hart koid wia Eis
Nix is umsunst ois hod sein Preis
Jo kan traun er kennt di legn
Packt di mit dein Schmäh und du stehst danebn
Bist schmähstad - weu er kennt jedn Oschneida
Bist schmähstad - weu er kennt deine Oschneida
Bist schmähstad - weu er kennt deine Oschneida
Bist schmähstad - weu er kennt deine Oschneida
SEIT WOS KAN RUASS MEHR RENGT
(M: Chefpartie/T: O. Kurti)
Auf de längst kana mea hängt
Weu da Rost frißt se durch d Stahlseu
Seit wos kan Ruaß mehr rengt
Des Werk hams miaßn stülegn
De Stodt hod se dazuaglegt und is gstuabn
Wea no do is dea bleibt üba
Seit wos kan Ruaß mea rengt
Weit weg hod se wea girrt
Hod se vakalkuliert
Ned weida dafia intressiat, wos do passiert
Seit wos kan Ruaß mea rengt
Seit wos kan Ruaß mea rengt
De Bungalow stengan do auf Schuidn
Ois wos no rennt is da Kredit
Von de Balkon springt sa se leichta
Seit wos kan Ruaß mea rengt
De Häusa kriagst heit nochghaut
A feines Leben kriagst do gschenkt
Der vua dia hod seins wegghaut
Seit wos kan Ruaß mea rengt
Weit weg hod se wo irgendwer girrt
Hod se vakalkuliert
Ned weida interessiert wos do passiert
Seit wos kan Ruaß mea rengt
Seit wos kan Ruaß mea rengt
I SIECH SCHO SOCHN
(M: Trad./Arr. Chefpartie/T: O. Kurti)
I siech scho Sochn
Tram nua no davo
Heit gheat besprochn
Wann mas - wann mas tuan
Sochn, wost ma zagst damit i schnö vagiß
Wos sochn-mäßig vua dia gwesen is
Mia mochn, mochn ois wos ma mochn woin
Weu uns is wuascht, wos ma derfn oda soin
I siech scho Sochn
Tram nua no davo
Heit gheat besprochn
Wann mas - wann mas tuan
Sochn, was i ned kenn und mit dia ausprobia
Und wanns uns taugn no gründlicha studia
I siech scho Sochn
Tram nua no davo
Jetzt is besprochn
Wann mas - wann mas tuan
Sochn, wost ma zagst damit i schnö vagiß
Wos sochn-mäßig vua dia gwesn is
Mia mochn, mochn ois wos ma mochn woin
Weu uns is wuascht, wos ma derfn oda soin
Uns is wuascht
Uns is wuascht wos ma derfn oda soin
BOID IS SOWEID
(M&T: Gregg Allman/dt. Text: O. Kurti)
Wia i kumm liegst no im Bett
Manst: Mia is heit recht schlecht
I tät sogn: du bist no vo gestan fett
Boid is so weid, heast
& du host mi oghängt im schnö Lebn
Mit dem Zahn den wos du draufhost
Wird des fia di echt ka Problem
Des geht scho a Zeit
Daßd nix ausloßt wos grod rennt
Kan Fetzn mit guade neiche Freind
Wos de megn weust fia se brennst
Boid is so weid, heast
& du host mi oghängt im schnö Lebn
Mit dem Zahn den wos du draufhost
Wird des fia di echt ka Problem
So wias waa de erschte Zeit
Waast no guad drauf
Host gwußt: Jetzt is gnua
Mit da Zeit, schee langsam
Host zuaglegt Zahn um Zahn
& boid bist nua no zua
Wia i des siech
Bist ned zum Eihoin
Ziagst davo, do kau i ned mit
& täts a goaned woin
Es is so weid, heast
Du host mi oghängt im schnö Lebn
Oba do huckn & da nochschaun
Wea i ma ned vü länga gebn
Des wü i ma ned länga gebn
Des wü i ma ned länga gebn
WOS UANDLIX
(M: Chefpartie/T: O. Kurti)
I woa wos Bsundas
Bsundas deppat, und des guat 20 Joa
I woa wos Bsundas
Woa ois wos ham woin, bsundas bled und klaa
Auf amoi streikt de Pumpn
Noch 20 Joa streikt de Pumpn
Und des kummt vom vün Knian
I woa wos Bessas
Kana hod bessa gspuat wia i
I woa wos Bessas
Hob nua s‘Beste woinn, nua vü z‘lang ned fia mi
Jetzt fliagn ma d‘Zähnt aus
Jetzt fliagn ma d‘Zähnt aus
Oba i beiß mi durch
Loß umawochsn an Lita Rotn
Und du wiast sehn i beiß mi durch
I woa wos Uandlix
Hob uandlich peckt fia ois im Lebn
I woa wos Uandlix
Pünktlich und uandlich, do hods nie wos gebn
Dann geht da de Luft aus
Und es geht da a Liacht auf
Des kummt vom vün Knian
Vom Knian
Vom zu vü Knian
KANN NED SEI
(M: Chefpartie/T: O. Kurti)
Kann ned sei, kann ned sei
A so a Gscher, a so a Gschraa
Kann ned sei, kann ned sei
Stöst so an Bam auf wegen den Baa
Kann ned sei, kann ned sei
Wegn nix und wieda nix so a Trara
Kann ned sei, kann ned sei
Kannst do ned mia nix dia nix geh
Kann ned sei, kann ned sei
An Gachn kriagn und mia en Weisel gebn.
Kann ned sei, kann ned sei
An Hoida wia mi finst ka 2. Moi mehr im Leben
Kann ned sei, kann ned sei
Mit dem Patschachta host as guad?
Kann ned sei, kann ned sei
Du und der Dalk, des geht ned guad
Kann ned sei, kann ned sei
I bleib hoat und wort drauf host mei Wuat