WANN DE MUSIK VUABEI IS      (M: W. Resetarits • T: G. Brödl) Wann de Musik vuabei is Gibts nimma vü zum Sogn Do steht ma ganz allaa do Und fangt se an zum Frogn: Hob i kriagt wos i woin hob Oda hob i kriagt wos i vadien Wü i des wos i kriagt hob Oda wü i ganz woanders hin Wann de Musik vuabei is Is ois wos zum Sogn gibt gsogt Dann steh i do im Finstan Allaa mit ois wos mi obetrogt Wü i des auf wos i gspoat hob Oda is des genau des wos mi stiat Wü i nua no zfriedn sei und oid wean Oda gibts no wos des mi so richtig pockt und riat Wann de Musik vuabei is Wü i de Engeln singa hean Wann de Musik vuabei is Wü i vua Freid so richtig rean Wann de Musik vuabei is Wü i tanzn ois wia bled Wann de Musik vuabei is Wü i schrein so laut wias geht Wann de Musik vuabei is Wü i gspian, daß i mi gspia Wann de Musik vuabei is Wü i des ois zsamm nua mit dia Wann de Musik vuabei is NED SO WIA HEIT (M: W. Resetarits/K. Trabitsch • T: G. Brödl) Es ist so: Während der Dreharbeiten zu einer neuen Ostbahn-Platte besucht mit schöner Regelmäßigkeit der Schiffkowitz, ein bewährter und geschätzter Freund der Familie, das Studio und fragt: „Wo san meine Lieder?" Bitte sehr – hier ist gleich eines, für das er seine Stimme herborgte. Da Stuam bringt grod a Wetta De Luft fäult wia augstochane Marilln De Muckn fliagn ois waans im Ö Und de Taubn ois brauchatns Brilln I hob a glichans Radl Und an haaßn Fünfa fia fünf Eis Und i waaß, daß mi dea Stuam ned aufhoit Daß i heit ollas niedareiß I foa eam a Tunnö durch sei blade Wampn Und dann bin i in an aundan Land Duat kaunn i kickn wia a Kaisa Und de Rita aus da 4tn be hod auf mi an Staund De Nocht is wia zum Schneidn Schwoaz wia en Kutalek sei Kotz Die Stroßn is heit z'schmoi fia mi Do hod heit ka zweita Plotz I hob en Kutalek sein Wogn I hob eam bis muagn um 11e in da Frua Und i waaß durch de Nocht muaßt durch Wäu vuahea gibst ka Ruah I reiß ia a Loch in ihre schwoazn Schleia Und dahinta woat a neiche Wöd Duat güt ned des wost host Nua des wost bist und des wost tuast des zöht Des woa hoid no a Nocht Des woa hoid no a Zeit Do hod des Winschn no wos gnutzt Ned aso wia heit Des woa hoid no a Nocht Des woa hoid no a Zeit Do woan de Fligln no ned gstutzt So wia heit De Hittn is gsteckt voi Sperrstund is scho längst vuabei De Vuahäng zua, de Gäst bummzua Üban letztn Schmäh hams glocht um 3 Jetzt hod a jeda nua no sei Gschicht Ea dazöhts und bleibt damit allaa Ea waaß, daß ea fria aundas woa A wüda Hund und hoat wia Staa Heit reiß ma da Wöd kan Haxn mea aus Dafia samma zu fett und zu miad Mia ham nua des wos fria woa Und mia ham dalebt wos do draus wiad Des woa hoid no a Kroft Des woa hoid no a Zeit Do hod des Winschn no wos gnutzt Ned aso wia heit Des woa hoid no a Wetta Des woa hoid no a Zeit Do hod des Winschn no wos gnutzt Ned aso wia heit Do woan de Fligln no ned gstutzt So wia heit A HAUS MITANAND      (M: Hank Williams • dt. T: G. Brödl) „A House Without Love Is Not A Home" heißt das Original, ein Hank-Williams-Klassiker aus dem Geburtsjahr vom Kurtl – 1949. Man braucht nur zwei Akustikgitarren und eine Stimme, um große Wahrheiten wie diese glaubhaft rüberzubringen. „A Haus mitanand" ist ganz speziell dem Trainer gewidmet, der in seinen späten Jahren die Liebe zur Country-Musik entdeckt hat. Seit Joa und Tog is nix wia fria Und red mas aus, gibts a a jeda zua Warum probier mas imma wieda A Haus mitanand, des is ned gnua Des Leuchtn in de Augn is amoi gwesn Heit spü ma uns ned amoi mea wos vua Hockn do mit wos des amoi mia woan A Haus mitanand - des is ned gnua Wuascht wos uns zwaa amoi hintrogt Mia zwaa bleibn ollaweu allaa Des is, weu ma nix anders glernt ham Und a Haus mitanand is a nua aus Staa Wos zöht hod fia uns hamma vagessn Mia wolltn ois, kriagt hamma Wickln gnua Moch ma uns en Abgang so leicht wia möglich Weu a Haus mitanand is echt ned gnua SPÄT IN DA NOCHT      (M: R. Guggenbichler/W. Resetarits/K. Ritter/K. Trabitsch • T: G. Brödl) Seit der Kurtl vor ein paar Jahren die Sümpfe Louisianas bereist hat, dürfen Cajun- (wie hier) und Zydeco-Klänge (wie beim nächsten Lied) auf keiner Platte fehlen. Übrigens: „Wia so oft war nur die hoibe Band do – und wir ham gsogt: Wer kummt, spüt." (Kurt O.) Deshalb kommen Sie hier auch in den Genuß, Sir Charles zu hören, wie er erstmals einen Kontrabaß in die Hand kriegt und den sofort plattenreif bedient. Spät in da Nocht halt mi kana auf Und in da Fruah brauch i dann mein Schlaf Spät in da Nocht do halt mi kana zruck Und in da Fruah bin i oft ziemlich schwoch Spät in da Nocht Do waaß nua i wia de Wöd rennt & warum sa se si draht Und dann in da Fruah Schau i mi in Spiegel und tua ma ganz furchtboa laad Spät in da Nocht Spät in da Nocht Spät in da Nocht Do hob i ganz vü Kroft Spät in da Nocht schaut ane bald aus wia vom Film Und dann in da Fruah denk i ma: Uuh, ma kann se irrn Spät in da Nocht wolln die Nachbarn eana Ruah Und geng in da Fruah brauchens de Kieberei dazua Spät in da Nocht Leist i ma ollas wos guat tuat, wos kost de Wöd Und dann in da Fruah Do frog i mi: Host des wirklich braucht, daß di da Schmerz so quält Spät in da Nocht Spät in da Nocht Spät in da Nocht Do hob i ganz vü Kroft ADELE (M: R. Guggenbichler • T: G. Brödl) Adele … Adele is a scheena Nam Oba ned nua dei Nam, a dei Gsicht, Des is a so, daß mas nie mehr vagißt Und daß i jede Nocht, echt wahr, Adele, davon tram Adele, wann i di so anschau, dei Gestalt Do is nirgendwo zvü, und nirgendswo zweng A in dein Zimma woas uns no nia zu eng Und a des wost so sogst, hat Hand und Fuaß I man: Gehalt Oiso wannst mi frogst Dann muaß i da sogn Du bist de Anzige de fia mi zöht Weu a Gspann wia uns zwa gibts ka zweitsmoi auf da Wöd Adele, wann mia uns treffn im Bistro Dann gfrei i mia wia a klanes Kind Weu irgnd a Überraschung hast du bestimmt An neichn Wogn vom Papa, a neiche Uhr fia mi oder so Adele, i waaß, dei Oida is a W Oba soweit hob i mi in da Gewalt Daß i freindlich zu eam bin, wann a uns den Urlaub zoit I find jo zwischen uns is ollas wunderbar, des is ka Schmäh Oiso wannst mi frogst Dann muaß i da sogn Du bist de Anzige de fia mi zöht Weu a Gspann wia uns zwa gibts ka zweitsmoi auf da Wöd Oiso wannst mi frogst Du bist de Anzige de fia mi zöht Weu a Gspann wia uns zwaa gibt ka zweitsmoi auf da Wöd Weu i hob vü Zeit - und du host vü Göd (Du host vü Göd Vom Herrn Papa Vü Göd vom Herrn Papa Und da kriag i a wos davo Und des is guat Des nimm i gern…) SO VÜ Z'TUAN (M: Willie Nelson • dt. T: G. Brödl) Wir stellen vor: das Ostbahn-Trio. Als instrumentale Begleiter sind auf dieser Nummer des Outlaw-Country-Veteranen Willie Nelson nur die Herren Guggenbichler und Trabitsch zu vernehmen. „Dem Trainer hätt die Nummer sicher a Riesenfreid gmocht", sagt der Kurtl, „wäu er jo so am Willie gstandn is." Meine Schnitzln schmecken stoak noch Konfetti Da Kaffee wiad a Gschloda drauf wett i Is eh nua fia mi, so wos red i Ganz schee vü z'tuan ohne di Zvü fia an so allaa so wia i A Bock weg und ka bügelts Hemad Ka Freind do, dea mi ohne di no dakennat Tat ohaun wia du, wann is kenntat Ganz schee vü z'tuan ohne di Zvü fia an so allaa so wia i So vü zum Tuan ohne di Allaa so gaunz ohne di. Kloa: de Wöd draht se weida Und mia wean ollaweu gscheida Daweu draht se ollas nua um di Und um an so allaa so wia i MÜÜCH & ALKOHOL (M: Nick Lowe/Gypie Mayo • dt. T: G. Brödl) Eine Pflichtnummer, stilprägend für die frühe Ostbahn-Zeit. Allerdings war das klassische Pubrock-Arrangement der britischen Nachdichter Dr. Feelgood schon recht überstandig, also kommt hier ein Stil zum Tragen, den der Dr. Trash – durchaus bewundernd – „elektrischer Heurigen-Jazz" nennt. (Kurt Ostbahn & die Kombo distanzieren sich deutlich von dieser Definition.) Stehst do und gfriast Zagst nia wost gspiast Zag hea wost du host Dann kriagst wost kost Es Gschäft is hoat, du bist es a Oba de Härtn kummt ned von allaa Drum bist auf Müüch & Alkohol Du bist auf Müüch & Alkohol Stehst do und spüst A wannst ned wüst Heit do muagn duat Des i ka gsunda Spuat Es Gschäft is hoat, du bist es a Oba de Härtn kummt ned von allaa Drum bist auf Müüch & Alkohol Du bist auf Müüch & Alkohol Du bist auf Müüch & Alkohol Host gnua und wüst ham Fest zua min Wogn Dann sixt wo wem steh Schaut aus wia die Heh De Nocht woa hoat, du wüst dei Rua Nua kan Köch, du host Wickln gnua Da Kiebara waaß glei, du bist bummfest zua Drum bleib steh und gibs glei zua: I bin auf Müüch und Alkohol I bin auf Müüch und Alkohol HOIT MI      (M: W. Resetarits • T: G. Brödl) ACHTUNG! Die Jam-Session am Schluß dieses Liedes ist NICHT auf den Einfluß bewußtseinsverändernder Substanzen zurückzuführen – wuascht, was andere behaupten… Manxmoi is so ois steckt de ganze Stadt in ana grauen Uniform Wurscht wem i siech, mit wem i red Jeda schaut aus ois wa a längst scho gsturbn Manxmoi waaß i es miaßt a Wunda gschehn Daß i bleib in dera Stadt Da Himmel hängt voll lauter Liagn De Stroßn san a Massengrob Hoit mi (I foi, i foi, i foi…) Manxmoi is so ois wart auf jedn Eck So a auszahts gspiebans Gfraßt Es schleicht ma noch, i stölls zua Red Es grinst und sogt, daß Buttenhansel haaßt Manxmoi is de Stadt a Haufen Staana Lauter Stana di wos mi daschlogn Wos i tua, wo i mi a vakräu I werd do no lebendich begrobm Hoit mi (I foi, i foi, i foi…) I waas i ghea zu dia I waas i ghea zu dia Und es gibt nix mea, Wos mi umhaut Wann i di nua gspia I FROG MI WOS HEIT BLEIBT      (M: Robert Earl Keen • dt. T: G. Brödl) Diese Nummer entstand bereits während der Aufnahmesitzungen zu „50 verschenkte Jahre…" Das hören Sie, verehrter Ostbahn-Experte, sicherlich daran, daß da etwas anders musiziert als auf dem Rest der Platte. Trotz modernster Studiotechnik im Hause Gold konnten und wollten wir diesen Unterschied aber nicht wegmischen. Sehr anständig, oder? Huck daham und frog mi wos heit bleibt Huck daham und frog mi wos heit bleibt Mia ham kan Vollmond und nix wo sa se heit scheibt Huck daham und frog mi wos heit bleibt I brauch di mea ois wia a Summatog de Sunn Brauch di mea ois wia a Summatog de Sunn Gsogt hob is oft gnua, nua gheat is ned oft wuan I brauch di mea ois wia a Summatog de Sunn Sie is weg seit gestern in da Frua Is ganga gestern zeitlich in da Frua I woa am deppat Redn, do hods gsogt: "Jetzt is gnua!" Und is ganga zeitlich in da Frua Sie kneißt ned o, wos do draußt ois rennt Sie kneißt ned o, wos do draußn ollas rennt Wann kana auf sie schaut, kana do is den wos kennt Kneißts ned o, wos do draußn ollas rennt Woa überall, vom Rallye bis zum Quell Woa überall, vom Rallye bis zum Quell Jetzt waaß i nimma weida, vagunn ma no a 1/8 gach auf schnö Dann geh i ham und wart und es wiad scho hell Huck daham und frog mi wos heit bleibt Huck daham und frog mi wos heit bleibt Mia ham kan Vollmond und nix wo sa se heit scheibt Huck daham und frog mi wos heit bleibt OIDE FREIND (M: W. Resetarits • T: G. Brödl) Eigentlich schon fast eine Avantgarde-Nummer, auf der sich der Kurtl ein musikalisches Experiment erlaubt – aber uns gfoits… (Anm. d. Red,) Da Wei is guad de Leit san schee Da Hausherr stinkt noch Gööd Ea foit ma uman Hois Und sogt: "He, füh de wia daham do." A jeda griaßt und kennt mi Und a jeda is mei Freind Hob nua no Freind im Lebn Und bin wüüdfremd do Ea is so stolz auf mi, sogt ana Und dann steßt a auf mi au De Frau vom Hausherrn locht Und sogt: "Des is a gaunz a Schlimma!" I steh im Eck und denk ma Pfau, nau des host wieda braucht Lauta guade oide Freind Und du, heast, du dakennst kan Se hoidn und se zöhn auf mi Und san nua wegn mia do Lauta guade oide Freind Und i dakenn kan I man es kummt scho manxmoi vua Daß ma im Schwüü a Gsicht vagißt Oba in an Haus volla oide Freind Miaßast do 1, 2 kenna Da Blaade is da Ernstl Und ea kennt mi no von da Schui Ned direkt, mea so vom Sehn Oba ea hod imma scho gwußt - aus mia wiad wos Se hoidn und se zöhn auf mi Und san nua wegn mia do Ollas guade oide Freind Und i dakenn kan De Frau Gattin vom Herrn Dokta de hod mi glei durchschaut Se waaß genau wos ma heit fehlt, sogts Und schnoizt mit da Zungan DA ANFANG VOM END (M: K. Ritter • T: G. Brödl) Da will Sir Charles natürlich nicht nachstehen und experimentiert auch. Wenn die Herren einen Chemiebaukasten zur Verfügung hätten, würden sie wohl versehentlich ganze Wohnblocks in die Luft sprengen… De Wöd hod Durchfall Da Häuptling die Masern De U-Bahn hod Fiaba Und da Luft is schlicht schlecht De Stodt hod de Krätzn De Heh hod de Würm De Auto de Bäulnpest Und's Wetta de Gicht Da Schnee brauchat an Brusttee Dem Schmäh tuat de Birn weh Oba des is erscht da Anfang Da Anfang vom End Da Park schaut gspiebn aus D'Gschroppn hatschn dahea En Fernsehn geht d'Foab aus Und's Eisgschäft bleibt leer Oba gegn de Ausschläg Höfn kane Umschläg Und des is erscht da Anfang Da Anfang vom End De Leit san schmähstaad Des Gas is scho aufdraht Oba des is erscht da Anfang Da Anfang vom End WANNS VUABEI IS, IS VUABEI      (M: Holland/Dozier/Holland • dt. T: G. Brödl) Die Ostbahnsche Neufassung von „You Keep Me Hangin’ On", dem durch Diana Ross & the Supremes berühmt gewordenen Soul-Klassiker aus den Sixties, würde ja eher auf die zweite CD passen, aber erstens ist Inkonsequenz nix Schlechtes und zweitens hat die Hörerschaft so wenigstens eine Ahnung, was dort musikalisch passiert. Also: Auf zum Plattenhändler Ihres Vertrauens! Du hängst do wia a tote Fliagn I huck danebn und beide gspian Es gibt nix mea zum Sogn Wäu wanns vuabei, is is vuabei Und kana wüs ois ersta sogn Wanns vuabei is, is vuabei Mia zwa mia ham Krieg gspüt mitnand Und des Spü des woa baahart Mia zwa mia ham uns echt nix gschenkt Auf jede Chance zum Zuaschlogn gwart Mia ham uns hossn glernt Jetzt is sogoa mitn Hoß vuabei Mia hängan do, zwa Grippelgspü Mitanand und mit da Kroft am End Und kana wüs ois ersta sogn Wanns vuabei is, is vuabei Und kana wüs ois ersta sogn Wanns vuabei is, is vuabei Mia zwa vatrogn ka Niederlog Ham glaubt daß ana gwinnan kaunn Mia zwa mia ham ned aufgebn woin Und de Narbn de sixt no Jahre, Jahre lang Seit heit do wiß ma Wanns vuabei is, is vuabei Und heit do sogn mias a Wanns vuabei is, is vuabei Mia hockn do no nebenanand Goa nimmer do und ned beinand Jo ned amoi gegenanand Wanns vuabei is, is vuabei

KURT OSTBAHN: Gesang & Mundharmonika; Bongos auf "Wann de Musik vuabei is"; hinreißendes Pfeifen auf "A Haus mitanand"; Triangel auf "Spät in da Nocht" DIE KOMBO ROLAND "PROF. GUGG" GUGGENBICHLER: Klavier, Hammond B3, Ziehharmonika, Synthies; Tamburin (mit dem linken Fuß, während des Akkordeonspielens) auf "Spät in da Nocht" SIR CHARLES, "KARL RITTER" VON STOCKERAU: elektrische & akustische Gitarren, Slide-Guitar; Kontrabaß auf "Spät in da Nocht" KLAUS "SUNSHINE" TRABITSCH: akustische & elektrische Gitarren, Ukulele, Harmoniegesang; singende Säge auf "So vü z'tuan" ALEX HORSTMANN: Harmoniegesang; Percussion (Schüttelrohr) auf "Wann de Musik vuabei is" Kontrabaß auf "Hoit mi" (in Abwesenheit von Ricky Gold) ERICH "RICKY GOLD" BUCHEBNER: Kontrabaß, E-Baß CHRISTIAN EIGNER: Schlagzeug DIE GÄSTE MELISSA COLEMAN: Cello auf "Oide Freind" und "Da Anfang vom End" BIRGIT DENK: Chorgesang auf "Wann de Musik vuabei is" BETTY SEMPER: Chorgesang auf "Wann de Musik vuabei is" TONI BURGER ("da Burger-Toni"): Geige auf "Spät in da Nocht" und "Da Anfang vom End" THOMAS GANSCH: Flügelhorn auf "Wann de Musik vuabei is", "Hoit mi" und "Da Anfang vom End" STEPHAN MAASS: Percussion auf "Wann de Musik vuabei is" und "Wanns vuabei is, is vuabei" SCHIFFKOWITZ: Gesang auf "Ned so wia heit" und "Spät in da Nocht"