A SCHEENE LEICH
(M: keine/T: O. Kurti)

Manchmoi is so ois steckt de ganze Stadt in ana grauen Uniform
Wurscht wem i siech, mit wem i red
Jeda schaut aus ois wa a längst scho gsturbn

Manchmoi waaß i es miaßt a Wunda gschehn
Daß i an Tog länger bleib in dera Stadt
Da Himmel hängt voll lauter Liagn
De Stroßn san a Massengrob

I waaß eh: Des mochts ma ollas z'Fleiß
Daß i mi endlich schleich
Oba ned mit mia, i laß ma ewich Zeit
I kumm zspät zur eignen Leich
I kumm afoch zspät zu meiner Leich

Manchmoi is so ois wart auf jedn Eck
So a auszahts gspiebans Gfraßt
Es schleicht ma noch, i stölls zua Red
Es grinst und sogt, daß Puttenhansel haaßt

I waaß eh: Des mochts ma ollas z'Fleiß
Daß i mi endlich schleich
Oba ned mit mia, i laß ma ewich Zeit
I kumm zspät zur eignen Leich
I kumm afoch zspät zu meiner Leich

Manchmoi is de Stadt a Haufen Staana, jooo
Lauter Stana wos mi daschlogn
Wos i tua, wo i mi a vakräu
I werd do lebendich begrobm

I waaß eh: Des mochts ma ollas z'Fleiß
Daß i mi endlich schleich
Oba ned mit mia, i laß ma ewich Zeit
I kumm zspät zur eignen Leich
I kumm afoch zspät zu meiner Leich

BESSA ANA OIS KANA
(M&T:E. King, G. Rossington, R. Van Zandt /dt.T: O. Kurti)

Da Koarl redt scho wia a Dokta
Weu da Oide von seina Oidn is Primaa
Und mitn Ferry redn is a Vuagob
Weu dea parkt fia 15 Joa in Staa
(allaa wia a Staa)

Mia woan amoi a guade Plattn
Und wos is in de Joa draus wuan
Olle hams gspoat aufs große Leiberl
Oba de großn Metsch hama valuan
(do kannst goanix tuan)

Da Ernstl, heat ma, is a Gsteada
Schenkt sei Marie an Guru in Taiwan
Da Ilse ia Freia, haaßts, is meia
Jetzt hods 2 Gschroppn und is allaa
(waaßt wos i man)

Bessa ana wia kana
Kana mea do, nua no i
Bessa ana wia kana
Nua no de Partie und i

Manxmoi passierts und i denk ma
Du host imma z'wenich wolln
Spüst dein Rock 'n' Roll von gestan
Häst vielleicht a mea wolln solln
(allaa wegn da Kohln oba...)

Bessa ana wia kana
Kana rnea do, nua no i
Bessa ana wia kana
Nua no de Partie und i

DA ERSCHTE SCHNEE
(Wos Uandlix Teil 1)
(M: keine/T: O. Kurti)

Da erschte Schnee heia. Ausnahnlsweis pünktlich. Am erschtn Einkaufssarnstog. De Gschäftsleit ham eana Freid. De Kinda ham eana Hetz. Und i hobs eilig.

Es schneibt da nosse dicke Botzn ins Gsicht. Und do in da Fußgängerzone is ka Weidakumma. Olle schleuderts. De Kindawagln. De Oidn mitn Steckn. Und mi schleuderts a. Wer rechnt scho mit sowos. Da erschte Schnee pünktlich am erschtn Einkaufssamstog. I bin Bockmäßig no übahaupt ned wintafest. Kana is des. Olle kräulns no umadum mitn Summaprofil. I hantel mi schee langsam weida. Von Gschäft zu Gschäft. De Favoritnstroßn obe. Und in de Auslogn kummt ma vua schneibts scho vü länga. Ollas volla Schnee. Da schlanke Ballschuh hochmodisch und eingschneibt bis zum Knöchel. Und von dera lila Kombinesch schaut nua des Brustteil mit da zoatn Spitze vire unta ana Schneewächtn. De Untagatte und da Strumpfbandgürtel de wos dazuaghean zu dera lila Kombination san ziemlich schneefrei. Nua a bißl anzuckert. Dafia hams a Tannenzweigerl angsteckt und an goldenen Stern von Bethlehem wo da Sonderpreis draufsteht. Siebenhundertochtaneinzig.

Da erschte Schnee heia. Ausnahmsweis pünktlich. Am erschtn Einkaufssamstog. De Gschäftsleit ham eana Freid. De Kinda ham eana Hetz. Und i hobs eilig.

Es is a anzige Rutschpartie durch den graun Gatsch dea wos weiß vom Himmel kummt. De Gschäftn ham offen bis um sechse. Und de Damen fian ihre Wintapelz äußerln. Foische Persianer und echte Kiniglhasn. Seehund. Und rote und silberne Fuchsn. De Damen san olle auf da Suche noch an passenden Geschenk fian splendiden Spender. Goldene Manschettenknöpf. Goldene Krawattennadel. Goldene Uhr. Goldene Geldspange. Was ma so braucht hoit. I hobs echt eillig. A wichtiga Termin. Und trotzdem rett i ana echtn Plüschleopardin das Lebn. I bin zur Stelle wias von an Spuatwagerl gschnittn wiad auf brutal und es sie fast am Oasch haut. Sie tuat ganz faszinierend lächeln und wü grod danke sogn. Do erledigt des a ziemlicher Bär von an Mann. Goaned freindlich. Hod an Blick wia a Piranha da Bär. Und an graun Wintamantel an. Tarnfoab. Damitst eam ned glei merkst im erschtn Schnee.

Da erschte Schnee heia. Ausnahmsweise pünktlich. Am erschtn Einkaufssamstog. De Gschäftsleit ham eana Freid. De Kinda ha10 eana Hetz. Und i hobs glei wieda eilig.

Druck mi vuabei an platzate Kinda de wos den super Panzerkreuzer ham wolln vom Christkind. Oba de Mama sogt: So a Klumpert bringt des Christkind ned. Des Christkind bringt den Frieden auf Erden. Und den Panzerkreuzer kennts eich zum Geburtstog wünschn. I wünsch ma de Favoritnstroßn schneefrei und ohne Leit und Wintapelz und Gschroppn de wos se vua Zuan in Gatsch haun weu i wü weidakumma. Und do rennt ma ana eine. Eingschneibt und zuagschütt. Des Summagwand in Nylonsackln. De Wintapania hod a au. Janker zwa in 1. Anorak. Wintamantel. Ollas von da Rotkreuz-Sammlung. De Schnürlsamthosn hod mea blanke Fleck ois Schnürln.
Host a Späh? Sogta.
Jo. Sog i und zah es Packl auße.
Host a Feia a? Sogta.
Mit dera Fahne ane raukn. Denk i ma. Der muaß a Feiaschlucka sei weu sunst geht des schlecht aus. Er raukt se den Tschik au schluckt des Feia und sogt:

Da erschte Schnee heia. Ausnahmsweis pünktlich. Am erschtn Einkaufssamstog. De Gschäftsleit ham eana Freid. De Kinda ham eana Hetz. I waaß des. I waaß des von fria.

Jojo. Sog i. Weu i habs eilig. Oba er steht do und raukt und zagt auf die vaschneibtn Auslogn und sogt: Hob i ois ghobt. Fria. Und an Kadett und a Saisonkortn fias Stadionbod. Ois. Imma Habdacht gstandn in da Hockn. 23 Joa. Bis es zuagjankert ham de Bude. »Möbel-Blaschko« wannst kennst. A Stückl weida untn wo jetztn de Spoakassa drin is. 23 Joa. Wannst waaßt wos i man. De Oide is ganga. Afoch so. Da Bua tät mi ned griaßn wanna mi heit auf da Stroßn siacht. So is des. 23 Joa ghacklt fia nix. Do gibts nix zum vasteh. Des mocht nua durschtig.

Da erschte Schnee heia. Ausnahmsweis pünktlich. Am erschtn Einkaufssamstog. De Geschäftsleit ham eana Freid. De Kinda ham eana Hetz. Und i hobs nimma eilig. Huach zua wiara bei ganz vü Achtln dazöht wia des is. Ois wos Uandlix. Wos Bessas. Wos Bsundas.

ECHT SCHLECHT
(M: keine/T: G. Brödl)

Wann i ma di so anschau
Wiad ma schlecht
Do is ollas nochgmocht
Und nix echt

Wann i ma di so anschau
Mia wiad echt schlecht

Wann i dia so zuahea
Wiast groß redst
Oiweu de Goschn offn
Ollas nochebetst

Wann i ma di so anhea
Mia wiad echt schlecht

Wann i dia so zuaschau
Im Tevau
Wannst ma de Wöd erklärst
Wiad ma ganz flau

Wann i da so zuaschau
Mia wiad echt schlecht

Dabei hob i an Saumogn
Dea hoit a Weu wos aus
Oba es gibt Leit und Typn
Do zuckt a afoch aus
Do krampft se ollas zsamm
Do krampft se ollas ei
Do spüd a nimma mit
Oba so sollts eh sei

Wann i ma di so anschau
Mia wiad echt schlecht

Wann i ma di so anschau
Wiast einedrahst
Den wüdn Hund markierst
Und dabei nix sogst

Wann i ma di so anschau
Mia wiad echt schlecht

Wann i ma di so vuastö
Sogma als mei Schef
Rennts ma koid en Buckl
Oba und mia wiad ganz schlecht

Wann i ma di so vuastö
Mia wiad echt schlecht

HAUS DER 1000 SPIELE
(M: keine/T: O. Kurti)

Du kennst mi jetzt scho lang gnua
Daßd waaßt: Mia gschicht so allerhand
Oba so wia seit ana Wochn
Woa i no nia beinand
Du waaßt i bin ka Spiela
Des is gegen mei Natur
Und waaßt wos i seit 8 Tog moch?
Nix wia spün, rund um de Uhr

I spü ned Compjuta und Kanasta
Damit gib i mi ned o
Häng a ned beim Wirt am Automaten
Do spüt se ganz wos anders o
I hob mi bei ana eingladn
De wos olle Stückln spüt
Bei der spüts Ramona und Granada
Oba wann i ned mitspü dann wirds wüd

I SPÜ
IM HAUS DER 1000 SPIELE
OB I SPÜN WÜ ODA NED
WOS DO SPÜT
IM HAUS DER 1000 SPIELE
MOCHT MA EHRLICH GSOGT AN STRESS
OBA I HOBS GFÜH
DAS HAUS DER 1000 SPIELE
IS BIS AUF WEITERS MEI ADRESS

Sie spüt mit mia Tog und Nocht Theata
Spüt Katz & Maus und spüt Quartett
Des Spüfeld geht von da Psich mitn Spiagel
Über Dusch und Teppich bis zum Bett
Mia spün Cleopatra und Dokta
Oba glei so richtig mit Kostüm
Oda sie spüt de wüde Hilde
Daß i glaub i bin im Film

Sie sogt: Wann mia 2 spün güt ollas
Olle Regeln san erlaubt
Und hob i s'Gfühl des Spü kennt ernst wern
Sogts: Geh bitte kumm, spü di ned auf
1 fürcht:Sie spüt so lang mitn Feia
Bis daß de ganze Hittn brennt
Und i hob ka Chance, daß i mi freispü
Weus meine Züg im Voraus kennt

I SPÜ
IM HAUS DER 1000 SPIELE
OB I SPÜN WÜ ODA NED
WOS DO SPÜT
IM HAUS DER 1000 SPIELE
MOCHT MA EHRLICH GSOGT AN STRESS
OBA I HOBS GFÜH
DAS HAUS DER 1000 SPIELE
IS BIS AUF WEITERS MEI ADRESS

I MAN I SPINN
(M&T: West, Laing, Pappalardi, Rea/dt.T: O. Kurti)

Wo kumma d'n do hin
Heast, i man i spinn
Wo fiat des no ollas hin
Wos hod des fia an Sinn

Si auffian wia a Wüda
Saufen wia da Loch
Immer auf da Durchras
Und no imma zu nix brocht

Von Gmunden bis Deitsch Lanzberg
D'Oidn und klane Kinda quäln
Hätt ma wos gscheits glernt im Lebn
(Dann mochat ma des ned!)

Wo kumma d'n do hin
Heast, i man i spinn
Wo fiat des no ollas hin
Wos hod des fia an Sinn

Boid derrisch von da Musi
De wos ka Musi is
Scho ganz deppat von dem Wirbel
Waßt nimma wost grod bist

Von Linz bis Langenlebarn
Ois wolln & ollas kriagn
Gsund is des ned wos mia do tuan
(Oba wos gsündas kenn ma ned

Von Tulln bis Ternitz
Ois wolln & ollas kriagn
Gsund is des ned wos mia do tuan
(Oba wos gsündas kenn ma ned

MA LERNT NIE AUS
(Musik: Level/Love, Text: O. Kurti)

Daß du no in d´Schui gehst
Des glaubt ka Mensch, heast
Des glaubt ka Mensch von dia
Weu du waaßt und kannst scho ollas
Waaßt boid mea ois i

Mia zwa sollten in d´Schui geh
Mia zwa sollten in d´Schui geh
Des wa a Lerna
A Lerna Tog und Nocht
Mia taten strebern bis zum Umfalln
Weu Übung erst in Master mocht

Wann di Schui dann aus is
Wann di Schui dann aus is
Dann red ma weida
Und i lern no wos dazua
Weu man lernt nie aus im Lebn
und wissen kann ma a nie gnua

MILLIONÄR
(M: L. Karasek/dt.T: O. Kurti)

Imma groß de Pappm offn
Überall des letzte Wuat
Zu de größtn Deppn imma freundlich
Wann sa se karrieretechnisch auszahln tuat
Jede Wochn live auf Sendung
Weu jede Show ihrn Masta braucht
Und da Apllaus eam heit so virehaut

GEBTS MA
FIA JEDES FOISCHE WUAT AN ZEHNA
UND I BIN MILLIONÄR
FIA JEDES FOISCHE WUAT AN ZEHNA
UND I BIN MILLIONÄR
SO WIA ER

Imma bestürzt und tief getroffen
Wanns im Rest da Wöd grod ned so rennt
Hilfsbereit wann gnua Leit hinschaun
Echt gerührt wann wer de Antwort kennt
Mit klane Hund und klane Kinda
Loßta se am liabstn porträtiern
De Krankn schenkt er sei Herz und spendt
sei Niern

GEBTS MA
FIA JEDES FOISCHE WUAT AN ZEHNA
UND I BIN MILLIONÄR
FIA JEDES FOISCHE WUAT AN ZEHNA
UND I BIN MILLIONÄR
SO WIA ER

Solo

GEBTS MA
FIA JEDES FOISCHE WUAT AN ZEHNA
UND I BIN MILLIONÄR
FIA JEDES FOISCHE WUAT AN ZEHNA
UND I BIN MILLIONÄR
SO WIA ER

MOCH META
(M&T: Elmore James/dt.T: O. Kurti)

Oida kumm moch Meta
Oida kumm moch Meta
Reiß o heast und moch Meta
Weu sunst

Spü di ned
I sog spü di ned mit mia
Spü di ned
Da vakühlst di nua bei ia
Wann sie se mit wem spüd
Dann spüd sa se mit mia

Spü di ned
I sog spü di ned mit mia
Spü di ned
Sunst spü ma se mit dia
Wannst wo spün wüst
Dann spü de draußn vua da Tia

Oida kumm moch Meta
Oida kumm moch Meta
Reiß o heast und moch Meta
Weu i fia nix garantia

PLAYBOY
(M&T: Eddie Miller, Bob Morris/dt.T: G. Brödl)

Olle haaßens mi an Playboy
Wann i mas wieda gib
Mehr in de gepflegteren Hüttn
In da Stodt drin im erschten Hieb
Wos olle ned wissen
Is, wiaso i des tua
Olle haaßens mia an Playboy
Dabei find i nua ohne di ka Ruah

Neilich woas no anders
Do woan no Du und i
Jetzt fliag i von ana zua andan
Oba bleibn kunnt i nie
Ollas Fassad wos i heazag
Ollas gspüd wos i tua
Olle haaßens mi an Playboy
Dabei find i nua ohne di ka Ruah

Neilich woas no anders
Do woan no Du und i
Jetzt fliag i von ana zua andan
Oba bleibn kunnt i nie
Ollas Fassad wos i heazag
Ollas gspüd wos i tua
Olle haaßens mi an Playboy
Dabei find i nua ohne di ka Ruah

SO SCHEE WIA HEIT
(M&T: Eric Clapton/dt.T: O. Kurti)

I bin wieder z'spät dran
Mia fallt wieda ka Ausred ein
Weu wann i di anschau
Dann wü i nua bei dia sei

Wiast mi anlachst
Und sogst: "Is höchste Zeit!"
Do waaß i
Du woast no nie so schee wia heit

Mia zwa san wo eingladn
Und ois draht se um noch dia
Sie hean auf ins Reden
Stian hea zu dia und mia
Und du frogst mi:
"Heast, wos hom de Leit?"
Do sog i
Du woast no nie so schee wia heit

Du bist wundaschee und i waaß, des mocht des Leichtn in deine Augn
Und i waaß a, es kummt da Tog, wo mia Zwaa uns frogn
Wieso's nimmamehr do is

WUNDA SPIELNS NED
(M&T: Holland,Whitfield/dt.T: O. Kurti)

Folgt demnächst!